يوميات عريس
الحلقه 15
ذهب المهندس احمد لفيلته ليسلم علي والدته
والدته :اتاخرت كده ليه ياأحمد
احمد يقبل يدها ابدا ياامي كنت بشوف قطعه غيار للسياره انتي عارفه انها عزيزه عليا ومابحبش اغيرها ودخت لحد مالقيتها
وتناول هاتفه ليحدث خالد
احمد :السلام عليكم
خالد :وعليكم السلام ياباشمهندس
ايه مش جاي اليوم الشركه
احمد :لا مش قادر والله
خد 10 الاف من الخزنه واطلع علي سوق .... واسال عن الحاج محمد بتاع الخشب وحمل حجره النوم اللي هيدهالك واديله ال10 وخد منه الشيك
خالد :تؤمرني بحاجه تاني
احمد :لا ياحبيبي شكرا هاتها وتعالي ع الفيلا
والدته وقد سمعت المكالمه
اوضه نوم ايه يا احمد دا احنا مجددين عفش الفيلا من كام شهر
احمد :اوضه عجبتني ياامي حطيها بدل بتاعتي او لو عجبتك خديها
امه باستغراب واودي بتاعتك فين
احمد :اديها للبواب بدل اوضته المكسره او للداده اي حاجه ياامي مش هتغلبي
وقد علمت انه ربما فعل من افعال الخير التي يفعلها ولا يريد التحدث عنها
امه :ماشي يابني ربنا يجازيك خير علي اد اللي بتعمله ويفتح لك الابواب المغلقه
وجد اتصال من خالد
خالد :العطا رسي علينا يا باشمهندس
احمد :مش ممكن انت بتتكلم جد دا كان مفقود الامل ترسي علينا ومعانا عمالقه ف السوق
خالد :الحاج كمال انسحب والحاج بديع لما تعب اتهز موقفه ورسي العطا علينا
احمد :الحمد لله يا ما انت كريم يارب
هل جزاء الاحسان الا الاحسان
رب اوزعني ان اشكر نعمتك
وسجد لله شكرا
دائره الخير لاتنتهي افعل الخير وسيرد لك اضعافا مضاعفه فلا تجعل الخير يقف عندك وتقفل الدائره بل اجعلها مفتوحه
......فيروز.......
اما عمنا ناصر وريم اخذها وقد كانت فرحه للغايه وتطير فرحا فها قد تحقق حلم حياتها بلحظه وهكذا ناصر الذي لم يستوعب ماحدث امامه للان
واخذها يعزمها ع الكورنيش علي ساقع وترمس وحمص كما تحب
واخذا يتمشيان الي البيت ولم يدريان باي الم طالما انهما معا
وعند البيت قابلا سماح
التي خبطت بناصر
يووه سوري ياناصر ازيك عامل ايه
ريم بضيق كويس ياحبيبتي انتي اللي عامله ايه لسه ماتخطبتيش
سماح دعواتك بقي
فامسكت ريم بناصر عقبالك ياحبيبتي زينا جبنا العفش اهو وهنجوز
سماح والله مبروك ياناصر
ناصر: الله يبارك فيكي
وبعد ان مشت
تركت ريم يده بنرفزه ودخلت البيت
ليلاحظ هذا فيجري خلفها ويجذبها اليه
في ايه يامجنونه انتي سيبتي ايدي كده ليه
ويجذبها تحت السلم
تسمحي تفهميني ايه اللي قلبك القلبه السوده دي ماكنا جايين فرحانين
ريم بضيق يعني مش عارف
مش دي سماح اللي كانت هتموت عليك وعاوزه تجوزك
ناصر :واظن انتي عارفه اني ماكنتش عاوزها وانتي اللي الحيتي عليا اتقدملها وتقولي دي بت غلبانه وبتحبك ومن توبك
ريم :ماهي الي كانت بتيجي تترجاني اكلمك وانت ماصدقت ورحت اتقدمت
ناصر :لا بقي انا اتقدمت عشان اخلص من زنك وعشان خاصمتيني بسببها عشان ماكنتش عاوز اروح
فرحت عشان خاطرك وكويس انها جت من ابوها قال مش عاوز بنته تسكن ف الحاره هنا ابقي اجبله ف جردل سته
ريم :ايه جردل سته ده
ناصر :جاردن سيتي يعني
عشان المحروسه تنبسط
ثم انتي محسساني انك مخطوبه لاحمد عز داانا ماحصلتش محمد رمضان
ريم :فشر
احمد عز دا مين ومحمد رمضان دا ايه اللي يجو ف ناصر حبيبي الرجوله والمجدعه والشهامه هي بنات الحته بيجننو عليك الا عشان رجولتك وشهامتك وبتسد مع اي حد محتاج
ناصر :مش عارف بتحسسيني بالمثل اللي بيقول
القرد ف عين امه غزال
ريم :قرد فشر داانت سيد الناس كلها
مش بالشكل ياناصر انا بحبك بجد انت طيب اوي وشهم اوي وجدع اوي اوي
وانا بحبك اوي
ناصر :طب اعمل انا ايه بعد الكلام ده مطلوب مني انام كده عادي
ماتيجي نحيب العفش ونجوز
تضحك ريم مااحنا هنروح نحمله بكره ان شاء الله
ناصر :ونجوز بعد بكره
ريم :ياسلام مش في فرش ومسح وترويق ونكتب القايمه والكتاب
وااجر فستان واروح كوافير مش كفايه الخطوبه كان ارديحي ولا رحت لكوافير ولا اجرت فستان حتي
يقترب منها احلي فستان لاجمل بنت ف الدنيا
ريم :لا ناصر ابعد قلتلك اما نكتب
وتخرجهم امه مما هم فيه
توحه :واد ياناصر انت فين ياواد انا شيفاك من ساعه داخل البيت بتعمل ايه عندك
ناصر :هادم اللذات ومفرق الجماعات
عاوزه ايه توحه ماتهدي
توحه :عاوزه عيش فينو هاتلي رغفين
ناصر :بتتوحمي ياتوحه
العيش الفينو غلط عليكي ياتوحه عشان الرجيم
توحه :امشي ياواد هات رغفين بلا رجيم بلا زفت هموت ونفسي فيه
ريم وهي تطلع بعد الشر عليكي ياخالتي مش تباركيلنا جبنا العفش ودفعنا الفلوس وباقي قسط علينا
فزرغطط الف بركه ربنا يكملكو علي خير يارب
ناصر ينادي بت ياريم تعالي معايا نجيب العيش بتخلعي وطالعه جري
توحه :ليه هتوه ومش هتعرف تروح
لا سيب ريم روح انت جري وتعالي جري عشان ماتتلكعش
ناصر :طب استنيني ف شقتنا عشان نشوف هنحط العفش فين عشان اما نجيبه مانختلفش
فتنظر له باحراج حاضر هغير هدومي علي ماتيجي واحصلك
ناصر :ماتاخريش
وفعلا دخلت ارتدت بجامتها
وهو احضر الخبز لوالدته واعطاها اياهم وذهب لريم في شقته ليغلق الباب ويقترب منها
فتجري لتفتح الشقه انت بتقفل ليه فيجذبها لترتد الي صدره وحشتيني يابت مابقتش قادر ابعد عنك ثانيه واحده
ريم:وبعدين ف كلامك ده ياناصر
ناصر :انا مش عارف من غيرك كنت هعمل ايه ببقي فوقي هموم الدنيا كلها ومجرد ماافضفضلك واحكيلك بتلاقي لكل حاجه الف حل وحل وربنا بيفكها علي ايدك من وسع
انا بقالي شهور بلف عشان العفش وكل يوم ارجع محمل بهموم الدنيا كلها
ريم :اخس عليك دا كله وماتحكليش
ناصر :ماكنتش عاوز احملك همي
ريم :وانا اشتكيتلك ياناصر
لو مش انا اللي تحكيلها همومك واقف جمبك
هتحكي لمين بس
انت زعلتني كده تخبي عليا كل اللي انت فيه ده وكل اما اسالك تقولي مافيش ارهاق وانت شايل الهم لوحدك
تغور كل حاجه والعفش كمان بس ماشوفكش زعلان كده ومهموم
فيشدد علي خصرها حتي يكاد يعتصرها ويقبلها بشوق
وبعدها يلتقط انفاسه ساندا جبهته علي جبهتها انا بحبك اوي ياريم
انتي احلي حاجه حصلتلي ف حياتي
خير معين الزوجه الصالحه المتفهمه القانعه الراضيه
أنت تقرأ
يوميات عريس
Humorهو شاب يوميا تعرض عليه والدته عرايس ويتعرض لمواقف الا ان يجد حب عمره الذي كان يهمله
