يوميات عريس
الحلقه 7
ناصر وجد امه قادمه كعادتها مشرأبه وهو يعلمها تماما
ناصر اعتدل في جلسته خير ياتوحه هتوديني المريخ ولا السلوم ولا الواحات المره دي
توحه :اتريق تاك الارف انا هاريه نفسي عشانك وانت تتريق
طب مش هقولك خساره فيك
فيجذبها من يدها لتجلس ع السريربجانبه
طب حقك عليا وانا اقدر علي زعلك ياجميل ويقبل جبهتها ويدها
توحه :شوف البت دي كده
ناصر :حلوه والله ودي منين
توحه :من التجمع
ناصر :امشي ياتوحه من هنا بقي بتاعه التجمع هتعيش ف السيده
توحه :هم قالو المهم راجل يتقي الله ف بنتهم ومش مهم اي حاجه المهم القبول
ناصر :اه وانتي اعتمدتي بقي ابنك حليوه واسمراني كده وقلتي هيتهبلو عليه ياامه دول مستوي تاني خالص مالناش فيه
توحه :ماتروح وخلاص شوفها واشرب الساقع وحتتتين الجاتوه وتعالي
ناصر :ههههه وانا رايح اشحت ياامه
ويدوني حتتين لحمه ف رغيف لامي وانا ماشي
جرا ايه ياتوحه ياام مخ يوزن بلد في فرق كبير ف المستوي
توحه :روح وخلاص هم ناس كويسه وقالو مش مشكله
ناصر :حاضر يامه عشان ماتزعليش وتتقمصي بس انا مش مقتنع
وفعلا ذهب ناصر ودخل الشقه كالقصر وتحف وشغل عالي اوي اوي
وهو منبهر والخادمه الفلبينيه ادخلته
ودخل ابيها وامها وبعدها الفتاه ورحبو به والمهم عندنا الراجل واخلاقه وادبه
فمال ناصر علي والدها ووضع يده علي كتفه ويحيط بها ويشير للعروسه
دي اللي قاعده دي شايفها العروسه
الاب :ايوه يابني ماهي بنتي وعارفها
ناصر :دي هتعيش ف السيده
الاب :لا طبعا
ناصر :لما هو لا طبعا جايبني علي ملي وشي ليه مشوره ع الفاضي انا لاقي اعضاءي ف الشارع مثلا
الاب :لا مش كده بس ممكن تاجرجمبنا
ناصر :اااه ااجر ب2000 جنيه جمبكو دا لو لقيت بالسعر ده اللي هو مرتبي واشحت بقيت الشهر ولا نجرش معاكو فطار وغدا وعشا ولو حبيت فاصل بين الوجبات مانا احب انقنق كده بينهم مالقيش لقمه ف بيتي واتصلب لحد معاد الاكل
ياراجل قول كلام غير ده ياريت تكتبو ف البيانات بتاعتها عاوزه حد من نفس المستوي بلاش تقرفونا ف عيشتنا وتفكرونا بفقرنا
اقولك انا هاخد الخدامه يادوب من توبي دي حتي هتتبتر عليا وتقول حتي انت يامعفن داانا باخد بالدولار
تشرفت بمعرفتكو جدا
ممكن كارت لسياده الوزير اشكره بس ع الهنا اللي الشباب فيه
وخرج ناصر من عندهم محطم نفسيا
وطلع وجد ريم تمسح السلم
ريم اقلع الجزمه احسن لك وخدها ف ايدك حرام ع اللي خلفوك قطمت وسطي والله بتعند معايا وقاصدها فلم يعتبر لكلامها وحك الجزمه ف المكان الممسوح اهو ارتاحتي اجيب ناس من الشارع تحك معايا عشان ترتاحي
فجلست ع السلم تبكي والله حرام عليك انا طلع عيني ف ام البيت ده امتي واجوز واغور من هنا وابقي امسحه انت بقي ماهو لو كنت بنت كنا قسمناه انا يوم وانت يوم لكن اخلص شغل واجي اتعك هنا
فجاء بجانبها يجلس
انتي عملتي ايه صحيح ف المريش اللي جالك
ريم :ابو امه قال عاوز اسيب الشغل
قلتله نعم ياروح خالتك داانا حفيت واتذليت للي يسوي واللي مايسواش وتنظرلناصر ليخبطها علي نفوخها
ماشي ياكلبه
ريم :اصل حد لاقي شغل دوقتي يروح ف داهيه هو وامه اللي جبباني من فوق لتحت واكني مش اد المقام بس هو اللي كان هيموت عليه وساحبها غصب عنها
ناصر :ماهي طوله لسانك دي اللي مطفشه العرسان من وشك وتدخلي بسحنتك المقلوبه دي
ريم: المهم اخلص انت عملت ايه شيفاك جاي قالب سحنتك
ناصر :العكس صحيح
نفس اللي حصل معاكي هم مستوي فوق فوق واحنا السيده انا كنت هجوز الخدامه الفليبنيه بتاعتهم احسن فتضحك وتضرب معه كف
والله حظك كان يبقي نار يلا وبتقبض بالدولار وتروشنا وتجبلنا عيال عينيهم كده وترفع عيونها لياتي ببعض الطين من جزمته ويدفسه في فمها
فتتف وتشتم فيه وهو يطلع يجري
بقي انا عاوزه تاكليني الطين ياجزمه اديني اكلتهولك
عشان ماتنسيش نفسك
وهي تتف الله يقرفك يامؤرف يامعفن والله لو طولتك لاخنقك
ويذهب لامه
امه :خير
ناصر :مانتي عارفه اللي فيها
قلتلك مش من مستوانا
انتي لو شوفتي بيتهم هتسورقي
بقي باكينام هتيجي السيده دا حتي السيده تزعل وتجيب ناس تزعل معاها
ان باكينام هتعيش فيها
توحه:انا تعبت منك وغلب غلبي انت والمعفنه اللي بره هتجلط امها هي كمان مافيش حاجه عجباكو
انا هموت بسببك ياناصر
ناصر :ياامه اعمل ايه بس اولعلك ف نفسي عشان ترتاحي
مرواح وبروح عشان اريحك اهدي عليا بقي
فيغمي عليها
لينادي امااااه
فتجري ريم وامها علي شقتهم بعد سماع الصوت فهي تسكن ف الشقه التي امامه
ريم :في ايه خالتي مالها
ام ريم:مالها توحه ياواد دي كانت زي الفل
انزل وقف تاكسي وهنلبسها ونسندهاوتعالي معانا اسندها
ونزل جري وقف تاكس وطلع يسندها
وذهبو للمشفي
ريم :خير ياناصر ماتقلقش
فتدمع عيناه انا السبب انا السبب
ويخرج الطبيب
ماتقلقوش هي جلطه بس كويس انكو جيتو بسرعه دوبناها وهتفضل تحت الملاحظه
عبد الحميد :روح يابني عشان شغلك وانا معاها ولو في حاجه هتصل بيك
خد ريم وامها وصلهم
ناصر :انتي مش كنتي بتمسحي عشان العريس
ريم :اعتذرناله يعني هنسيبك لوحدك
دي خالتي غاليه عندي اوي واهم من الف عريس
ناصر :طب يلا اوصلكو الوقت اتاخر
وفعلا اوصلهم ودخل ينام والبيت فاضي عليه ويفكر لو ماتت امه ماذا سيحدث ثم نفض الافكار ودعا لها بطوله العمر ونام ليذهب لعمله ثم يعود ليبدل ملابسه ويذهب لامه وابيه ليحضر له طعام معه
ليجد من يدق الباب
أنت تقرأ
يوميات عريس
Humorهو شاب يوميا تعرض عليه والدته عرايس ويتعرض لمواقف الا ان يجد حب عمره الذي كان يهمله
