يوميات عريس
الحلقه التانيه
يستقيظ ناصر ليلا مفزوع
علي كلمتين انا مش مرتشبط انا مش مرتبشط وتاتي له والدته ترقيه وتحاول تهدأته وتدعي علي سماح
منك لله يابعيده مطرح مانتي جبتي للواد هسهس من الارتباط
امه :بابني دي ماكانتش مقابله اللي تعمل فيك كده
ناصر :اسكتي ياتوحه ماتفكرنيش مقابله الندامه والعدامه ياختي انا ان عدت اطاوعك وامشي وراكي تاني كرهتيني ف صنف النسوان
مابقاش عندي استعداد للارتشباط ياختي
امه :استهبل بقي استهبل
داانا المره دي جيبالك بت منتشقبه
مش كان نفسك فيها وبيضا وزي القمر
ناصر :انتي شوفتيها ياحاجه
امه :لا بس الوسيطه اللي بتوصف
ناصر :خلاص اكلمي علي ادك مش اي حاجه تتصدق القرد ف عين امه غزال
امه :يعني ايه مش رايح
ناصر :خلاص ياحاجه ماتبرقيش كده هروح هي موته ولا اكتر
ماحدش عارف النصيب فين
اما اروح الشغل بقي
وذهب ليقابله خالد صديقه ف العمل
خالد :ماتعرفش ياد عروسه ليا
امي كرهتني ف عيشتي عديت ال30 ولسه ماتجوزتش انت مش عاوزني افرح
وتعدد عليا زي ماكون مت
واقولها هو انا عديت المانش ولا الجدار العازل داانا عديت ال30 ياامه
مافيش فايده
ناصر :انت بن حلال مصفي
عندي بت قمر لسه مفركشه الارتشباط
خالد :انت بتتكلم كده ليه يلا انت اتعديت من امي ههههه
ناصر :اسكت ياخالد يااخويا دا انا ف مرار طافح الله يباركلك فكك مني انا لاقي ليا عشان اجبلك
داامي مطلعه عيني
كل جمعه بقضيها مع واحده شكل مش حرماني من حاجه واشكال يابني ماقولكش معرفش بتقع عليهم منين
انا بدات اشك ف نفسي والله
خالد:ماتقولش كده ياجدع دا نصيب
ناصر :صح لسه النصبب ماجاش
داانا هستشهد علي مايجي
ودخلت ريم
حد هيحجز مصيف عشان اسجله
ناصر :امشي ابت من هنا قال مصيف قال
ريم :والله انتو فقر انا عارفه عمركو ماتعملوها ابدا يتفريق المعنسين
ناصر :اسم الله ياختي
حوشي العيال اللي ماسكه ف ديلك
ريم :تصدق انك رخم وبايخ
ومشيت ريم
خالد :ياجدع مش كده انت بتعاملها ناشف كده ليه
ناصر :مش شايف بتقول علينا فريق معنسين
يلا انا ماشي بقي كفايه عليكو كده هحرمكو من انسي
خالد :علي فين خالع من بدري كده
ناصر :ماموريه علي خط سير تشكيله كوكتيل ماحصلش
خالد :الله يسهله ياعم يابخت من كان المدير خاله
ناصر نؤ بقي نؤ وانبر فيها عشان نولع بالماموريه اللي رايحنها
ورجع بيته وتاني يوم كان الجمعه
راح المقابله ورجع لامه وشه مخطوف
وبيردد الشهاده
امه :في ايه ياواد شوفت عف يت هناك
ناصر :ياريت ابنك نجي باعجوبه يامه
بعتاني لتجار اعضاء ولا بيت دعاره الله اعلم كانو عاوزين يعملو فيا ايه
امه تضرب صدرها نهار اسوح
ليه حصل ايه
ناصر :صل ع النبي
امه :عليه افضل الصلاه والسلام
انا رحت العنوان لقيت راجل كباره طول بعرض هجمه يفلق مني ااتنين ودقن طويله بيضا
والباب بتاعهم بابين واحد حديد والتاني خشب
راح قافل الحديد بالمفتاح وحطه علي ترابيزه جمب الباب وقعدني ف الصاله ف الانتريه
وجابولي كيك وشاي
ويحلف عليا اكل كيك ولا اشرب شاي وانا مش عارف ايه سادد نفسي ومش مرتاح وهو مصمم الله اعلم حاطين مخدر ولا حبوب هلوسه ويصوروني بوضع مخل ويبتزوني ولا مخدر ويقطعوني حتت ويقلوني ف الزيت
المهم الراجل زهق قالي هيجبلي البت
دخلت عليا ياختي وياريتها مادخلت
ببص بقولها مش انتي منتقبه بردو
قالت ياختي اه وياريتها ماقالت
قلتلها امال عامله ف نفسك كده ليه
ويارتني ماسالت
شوفي الرد اللي يفحم بقي
قال ايه مش لازم اعاين
تقوليش رايح اشتري بضاعه
فقلتلها ماشي بس المفروض الوجه والكفين يظهرو لكن اللبس ضيق جدا مبين معالم الجسم
وياريتني مانطقت افحمتني الصراحه
وقالت مش لازم تشوف مفاتني
ومن ساعتها كرهت اسم فاتن اساسا
عشاان جاي من مفاتن
المهم فضلت تضغط عليا اكل كيكه وعمايل ايديها ولا الشاي وانا زي اللي واكل سد الحنك وعاوز ارجع
المهم قلتلها ماتشوفي ابوكي ليكون مات جوه ولا قتل امك اللي ماشوفتهاش دي
المهم هي مشيت وانا جريت البس الكوتشي ولقيت الحيطه ابوها فدامي
ومصمم ويقول لا مايصحش ماكلتش حاجه وانا قفشت ف المفتاح ولساني بيلهث بذكر الله يمكن ده اللي نجاني وفتحت وجريت وقلت يافكيك
الله اعلم لو كلت الكيكه ولا الشاي كنت زماني زي بتاع كلت الحلاوه يا ذكي
ربنا ستر انا حرمت ياامه انا هتعالج نفسيا بعد اللي حصل ده
ولو راسمه تشوفي خلف ليا انسي
هي خلاص خلصت
اراءكم تهمني عشان اكمل
أنت تقرأ
يوميات عريس
Humorهو شاب يوميا تعرض عليه والدته عرايس ويتعرض لمواقف الا ان يجد حب عمره الذي كان يهمله
