يوميات عريس
الحلقه 12
ناصر باستنكار في ايه ياريم قلبتي بوزك ليه
تنظر له بتعجب يعني مش عارف في ايه مش شايف الخرابه دي ايه وشين بياض دي انا عروسه ياناصر ومن حقي افرح😢😢
فيقترب منها ويمسح دموعها عارف ياحبيبتي واحلي عروسه ف الدنيا ولو اطول اعملك قصر هعمله بس ماباليد حيله الايد قصيره والعين بصيره ثم يعطي لها ظهره وبضيق وهو مخنوق
يعني اعمل ايه ياريم اولعلك ف نفسي عشان ترتاحي
ريم بخوف عليه تديره لها بعد الشر عليك حبيبي بس انا بردو من حقي افرح مش هقعد كده مطرح ام مندوح دي ست زباله دا شقتنا انضف منها هي وشقتكو
انا مابطلبش كتير ياناصر
انت هتعمل وشين بياض ماشي بس ع الاقل المطبخ والكيبينيه المعفن ده يتعملو سيراميك والسباكه تتضبط مش افتح حنفيه استحمي وانا واقفه
ناصر :كيبينيه دي كلمه انقرضت من ايام التتار دا معدتي قلبت من الاسم ماتقولي كنيف وتخلصي
نقي كلامك ياامي طالما مطولين سوا
فتخبطه ف كتفه هنتريق بقي
ناصر يقترب ويهمس في كلمات تانيه ظهرت جديد زي تواليت ولا w.c ولا حمام حتي ياسيتي قولي مرحاض باللغه العربيه انا قابل
ريم باستفسار المهم ايه رايك
ناصر وهو يمسح بيده علي شعره
فتباغته ريم حاسب لصيار يدخل ف ايدك
فيبتسم دا بعتبار انه شوك مش شعر ماشي ياريم عشان خشن يعني امال انا كنت بدور علي بيضا وشعر ناعم ليه مش عشان نحسن النسل ويقترب منها فتبتعد لتلتصق ف الجدار المجاور
وبعدين معاك بقي خلينا ف المهم
ناصر بعيون هائمه هو في اهم من كده ويقترب لتجري من تحت يديه
وبعدين معاك بقي اكلم جد شويه
قلت ايه
ناصر :منين ياريم انتي لو عصرتيني هجيب حق البياض بالعافية دا امي يمكن تبيع الغوشتين عشان نكمل العفش بعد مانبيض
ريم :وانا قلتلك هساعدك
ناصر بزهق وانتي عارفه رايي ف الموضوع ده مش ست اللي هتصرف عليا ولا اخد فلوس من مراتي
ريم تديره لها وانا ايه وانت ايه دي شقتنا احنا اللي هنعيش فيها بدل ماندخل مش طايقنها ندخلها بحب بلهفه وكانها جنتنا
ناصر يجذبها اليه من خصرها وانتي مفكره اني مش عاوز كده بس منين ياريم مانتي عارفه البير وغطاه
قسما بالله لو معايا ما هبخل عليكي باي قرش بس والله دي حدودي وامكانياتي اكتر من كده بتقتليني
ريم تمسح بكفيها علي وجهه بعد الشر عليك ياروحي انت بس لو تطاوعني انا من ساعه مااشتغلت جهزت نفسي من كله ومش ناقصني حاجه ومرتبي مش محتجاه نعمل بيه جمعيه نجيب السيراميك بتاع المطبخ والحمام وهم صغيرين مش هيكلفو والصاله الباقي مش مشكله هيتغطي بالفرش وانت بيض الوشين
وابقي اما نتجوز سدلي اللي دفعته علي مهلك بالتقسيط المريح
ايه رايك وماتقولش لا
عشان انا نفسي افرح بجد واخش البيت معاك احس انه جنه مش مقبره
ماتخنقنيش ياناصر من البيت قبل ماادخله
فاستسلم لالحاحها واغمض جفنيه ثم استطرد يعني ده اللي هيريحك ياريم
ريم ببادره امل وبفرحه عارمه ايوه ودا لو ليا خاطر عندك دي اول حاجه اطلبها منك يانونو
ناصر بابتسامه اهي نونو دي هتخليني اغير رأيي تاني وارفض
فتخبطه يعني بلاش ادلعك
ناصر يحتضنها دلعي ياحبيبتي براحتك
ريم يلا بقي زمانهم نامو هناك
فيجذبها من يدها يلا فين دا شوشو لسه داخل حالا اهو بعد الغم اللي كنا فيه
فتضحك اتلم ياناصر بدل ماحد يخش علينا
ناصر بعدم اكتراث ما اللي يخش يخش مش مراتي
ريم بصدمه من الكلمه يالهوي ياناصر هبقي مراتك خلاص
ناصر يقهقه اه يابت افرحي هتبقي حرم ناصر عبد الحميد الضبع
مش اي حد
مش مندوح قطه بتاعك
ريم بخنقه اسكت بقي ماتفكرنيش بيه الواد ده كل مافتكره بتعفرت ونفسي بيضيق
ناصر بتعالي عشان تعرفي انك.كنتي بتختاري ناس زباله اول مره تستنضفي
فتضحك لكلماته طبعا معايا راجل بجد بنات الحته كلها تتمناه ابو الرجوله والمجدعه كلها
فاكر يوم بيت ام نعيمه اما اتحرق وجريت بالشورت والفانله ف الحته تحول المايه ودخلت جبت البت نعيمه من جوه كانت نايمه ياعيني وامها تصوت وماحدش عاوز يخش
ساعتها كنت خايفه عليك اوي ماتطلعش واما طلعت حسيت روحي ردت فيا
فيقترب منها ياسلام دا حب من زمان بقي
ريم باستنكار لا ماكانش حب ولا حاجه بس كنت خايفه عليك اوي مش متربي معايا من صغرنا ومافيش غيرك قدامي لو حصلي حاجه كنت احكيله
دانا ماليش اصحاب بنات احكلهم كنت بحكيلك انت عن اي حاجه حتي خطابي
ناصر يضيف ايضا
طب مانا كمان كنت بسمعلك ومابزهقش من رغيك وتعيدي وتزيدي ف الجمله عشر مرات وانا صابر عليكي ومستحمل واقول هتزهق وتسكت مافيش فايده وبردو كنت بحكيلك كل حاجه بتحصلي
ومابقدرش اخبي حاجه عنك كنتي بتعرفي اللي حصل من شكلي قبل مااقولك
ريم بتباهي انت كتاب مفتوح بالنسبالي ياناصر
ثم انا بعيد وازيد وارفك ماشي ياناصر تشكر وهمت بالمشي ليجذبها اليه ويقبلها اول قبله يخطفها منها
فتبتعد عنه وتجري الي شقتها ومنها لغرفتها وتلاحظها والدتها
ويدخل ناصر بعدها
فتنظر له والدته فيه ايه ياواد وريم بتجري ليه فينظر الي حيث حجرتها ويحك شعره لا مافيش خلاص اتفقنا
كان في مشكله ف الشقه وسويناها خلاص
انتو المهم اتفقتو علي ايه
ابوه يقاطعه اتفقنا مع عمك نجيب الشبكه الخميس الجاي ونلبسها هنا ف الشقه بتاعتك فاضيه نجيب كراسي ونلم اهل الحته هنجيب دبله ومحبس
ناصر تمام كده اوي وينظر لحجرتها المغلقه
وهي بالداخل تتحسس شفاهها فلاول مره تحس هذا الاحساس فعندما كان يحاول احد خطابها السابقين لمس يدها فقط تبعده وتنهره ولا تطيق لمسته اما مع ناصر فهي مستسلمه له ومرحبه به وينقلها الي عالم اخر لم تعرفه من قبل فهي تعشقه حقا وتعشق تفاصيله فالحب ليس بالوسامه بل احساس يشغل العقل ويدخل القلب من حيث لا ندري فالرجل مواقف وليس شكلا فقط
أنت تقرأ
يوميات عريس
Humorهو شاب يوميا تعرض عليه والدته عرايس ويتعرض لمواقف الا ان يجد حب عمره الذي كان يهمله
