يوميات عريس
الحلقه 14
خرج ناصر من شقته ليصلي الجمعه وكانت ريم تمسح السلم ووجدها تقف مع نادر الذي يسكن فوقهم
وهو يبارك لها علي الخطوبه
ويقول لها
معلش كان نفسي احضرها بس كان عندي شغل ومانزلتش الاسبوع بتاع خطوبتك ملحوقه ف الجواز
فيهرول ناصر عليه وكانه اسد يزأر لانثاه ولا يحتمل ان ياتي أحد بجانبها
لتفزع ريم من قدومه فجأه وتتلجلج عندما رأته يكاد يخرج من اذنيه دخان
ريم بصوت متلعثم دا الباشمهندس نادر بيباركلي ع الخطوبه
ناصر وهو ينظر لها بحزم
اااه الله يبارك فيك ويسلم عليه ويكاد يعتصر يده
نادر واحس انه غير مرحب به في هذه الوقفه طب استاذن انا اروح اصلي
ناصر اذنك معاك يا حبيبي
واتجه اليها ونظراته تخترقها وبصوت واطي وعصبيه ايه اللي موقفك بالشكل ده مع الواد ده
ريم بخوف من منظره
في ايه ياناصر بمسح السلم
ناصر :حبك ام الزفت ده علي دماغك دلوقت والناس نازله تصلي
والواد ده مش اتقدملك مره ووقفالي كده ببجامه نص كم وقمطتك اللي تعدميها دي ويضرب علي يديها
فتتاوه اي ايدي ياناصر
ثم هو اتقدم وانا رفضت عشان دمه بارد وتقيل علي قلبي
ناصر مقاطعا اياها
ودلوقت خففه بمايه واقفه وكركر معاه ناقص تاخديه بالحضن كمان بعد الغيبه الطويله دي
ريم :ماخلاص بقي ياناصر واحد وبيباركلي اقلبه من ع السلم يعني
خلاص بارك وشكرته وخلاص
ناصر ويمسكها بقوه من ذراعها
انتي بتردي عليا ومش عجبك كلامي كمان ياروح امك
ريم :يووه ياناصر وبعدين ف غيرتك الزايده اوي دي
انت عارف اني ماحبتش غيرك😢😢 ومابشوفش غيرك ولا في راجل غيرك يملي عنيا يبقي لزمته ايه كل ده😢😢
ناصر بزعيق وهو حبك مسح زفت والمحروس نازل
انتي مش عارفه بيرجع خميس وجمعه
يبقي ماتتنيليش تمسحيه ف اليومين دول عندك الاسبوع كله ماحبكش انهارده
ريم :طب اعمل ايه يعني يوم اجزتي وعلي ماعملت الاكل طلعت امسحه الحق عليا ماهو مافيش غيري ف البيت ده😢😢
فيجذب راسها لصدره
خلاص يابت بقي حقك عليا ويقبل رأسها ويتف يادي القمطه
فتضحك امال اسيب شعري يتعفر
ناصر :لا كنتي اطلعي بيه كمان عشان احلقهولك جلط
انتي عارفه اني مابطقش حد يبصلك ولا يتكلم معاكي اطلع الاقيكي قاعده تهزري مع البغل ده كويس اني ماكعورتكيش انتي وهو من ع السلم
فتضحك واهون عليك
ناصر وبعدهالك بقي اللهم اخزيك ياشوشو اتلمي انا رايح اصلي الجمعه وهضطر اتوضي تاني بعد اللي حصل ده وادي ام القمطه وينزعها بغل طالما وضوء بوضوء ويجذبها من شعرها ليقبلها
فتبعده يانهارسود ع السلم كده يامفتري عاوز تفضحنا ناس طالعه وناس نازله
ناصر ينظر لها يلا اقمطي القمطه واخلصي قبل ماحد يجي
ريم:حاضر هتيجي انهارده
ناصر يغمزلها تؤ استنيني ع السطح
وتنهي ريم ماتفعله وتدخل شقتها تكمل مالديها
وف المساء ترتدي احلي مالديها وتذهب للسطح لتجده منتظرها
فيجري عليها محتضنها ويحملها من الارض ليلف بها
فتخجل منه وتنزل علي الارض بقدمها
ناصر في ايه مالك
ناصر :في ايه انتي مش حاسه باللي انا فيه بحبك يابت
ريم وهي تنظر للارض طب مانا كمان بحبك
وتحتد ف الكلام وعملت ايه بقي ف العفش عشان نخلص من الموال الاغبر ده بدل مابنتسحب فوق السطوح كل شويه
ناصر :مانا بلف علي بتوع الخشب وبشوف الاسعار وكل يوم بحال اروح.انهارده علي مااروح بكره يقولي في زياده ف سعر الخشب
ريم :نعم نعم يعني ايه مش هجوز وافرح زي باقي البنات
وانا طالبه كتير ياربي
دا نوم وانتريه وانا جايبه المطبخ كله باجهزته والفرش وعاوزه حته نيش يلملي شويه الصيني والكوبيات كتير عليا
ناصر يعتصرها لا مش كتير عليكي انتي تستاهلي اكتر من كده بكتير
انا اللي قليل اوي
فتضع يدها علي فمه اخس عليك ماتقولش كده لحسن والله ازعل منك اوي
انت حاجه كبيره عندي اوي كفايه اني عارفه مقداري عندك اد ايه وخوفك وحبك وغيرتك عليا دول عندي مكبرينك وفوق راسي كمان
فيحتضنها ربنا يخليكي ليا والله ياريم نفسي اجبلك حته من السما لو اقدر اطولها بس عجزي ده مضايقني وخانقني
ريم :طب تعالي ننزل سوا وننقي حاجات حلوه وع الاد مش لازم النفخه الكدابه اهي حاجه تفي الغرض
داهي طلعت ولا نزلت سرير هنام عليه دولاب للهدمتين بالف ب100الف هو هنام عليه ونحط هدومنا فيه يعني
مش فارقه
وهات مرتبك اعملك جمعيه بيه لان جمعيتي خلاص ف التشاطيب وهنعمل جديده هات حتي نص مرتبك بنفر وتقبضه وتدفع عربون عشان مايغلوش عليك السعر
بس تعالي ننزل نبص بصه كده ونشوف الاسعار ونربطهم باي مبلغ معاك
فاغمض عينيه باستسلام
ماشي ياريم يلا بينا
ريم تضربه ف صدره فكها بقي بلاش البوز ده حد يمشي مع موزه زيي كده وهو ضارب بوز شبرين شبه البط.الجعجاع كده
فيضحك بقي بط.جعجاع ياجزمه يلا ياختي اما اشوف اخرتها معاكي
هعلن افلاسي علي ايدك قريب
ريم :انت حيلتك حاجه اصلا هنتحجج انا وخداك مفلس اصلا
طب اتلمي بقي ولمي الدور احسن لك
فتضع يدها علي فمها خلاص كتمنا اهو يلا بينا
وياخذها ليلفان سويا حتي تدمي قدماهما من اللف بسبب تزايد الاسعار التي ترتفع ف اليوم الواحد الف مره
فيستسلم ناصر وبعدين ياريم شايفه الاسعار شكلنا مش هنجوز وهنقضيها سطوح وسلم
ريم دا علي جثتي انا هجوز يعني هجوز وهفرح زي باقي البنات
وفعلا قامت لتلف في اماكن اخري اقل ف السعر
فوجدت حجره بسيطه وشيك فسالت عنها كان رجل كبير يمتلك بعض الغرف يسترزق منها
ريم بكام دي ياحاج
الرجل :ب 12الف يابنتي
ريم وعشان خاطرنا احنا زي ولادك والراجل ده ماحلتوش غير 10 عمي هيجيب نوم وانتريه ونيش
الرجل العجوز يستنكر دول مايجبوش تمن اوضه النوم حتي
ريم :احنا نفسنا نجوز ونفرح ياابه الحاج بس هي امكانياته كده هنموته
يعني النوم دي ماتمشيش ب 10 عشان خاطرنا
الرجل يعني انا هكسب فيها الفين يابنتي داانا بسترزق علي باب الله
ممكن عشانك ب11
ريم :طب بص بقي هو كل اللي معاه 10 هنديهوملك وناخد النوم والانتريه والنيش والباقي هنقسطه واوعدك هنسده علي طول واي حاجه هتجلنا هنجبهالك فورا عشان نخلص القسط بسرعه
الرجل راف بحالها وبعفويتها شوفي يابنتي انا عندي بنات ف سنك
انا موافق ورزقي ورزقكو علي الله
من يسر للزواج او فرج عن مسلم كربه فرج الله عنه كربه من كربات يوم القيامه واكيد اللي بعمله هيعود لي ف اولادي واحفادي
خدو اللي عاوزينه وهريحكو ف السعر زي ماجايبه وادفعو اللي معاكو ونعمل العقد وهنقسط الباقي
......فيروز........
واثناء ذلك دخل واحد
بكام دي ياحاج
الحاج: ب 15 يابني
الشاب :ايه دا خشب كويس انا مابفهمش فيه بس
الحاج :عيب يابني انا بعامل ضميري هديك حاحه وحشه والله ماطالعلي غير 1000 فيها
الشاب :شوف ياحاج انا خطبتي كانت عجباها بس كانت ب50 الف ف مكان تاني مول كبير
انا عشان امانتك هخدها ب20 الف منك
الحاج بس يابني كده كتير
الشاب :مش كتير عليك انت عمله نادره وانا شوفت اللي عملته مع الاتنين اللي قبلي
هل جزاء الاحسان الا الاحسان
لو كل واحد راعي ضميره وقال البركه ف القليل كانت عمرت
........فيروز.......
اما ناصر وريم ينظران للمشهد وعيناها اغرورقت بالدموع
الشاب انا والله ماكنت لاقي قطع غيار لسيارتي وقالولي ع السوق ده وجاي صدفه شوفت الاوضه دي كنت رايح اجيبها بال 50 انت وفرت عليا 30 الف بحالهم ياراجل ياطيب
وهعرف الناس بمكانك انا المهندس احمد ودا الكارت بتاع شركتي لو عاوز اي شيء اتصل بيا
وهات العقد وهمضيلك الشيك حالا لان مش عامل حسابي ف كاش مافيش غير 10 معايا هدفعهم واعملك شيك ب10 لو عاوزهم كاش لما اجي اشيلها اجبهملك واخد الشيك
الحاج :الدار امان يابني سيماهم في وجوههم لو عاوز تشيل حاجتك من غير فلوس خالص انا تحت امرك
احمد:مش بقولك انت عمله نادره
الحاج:انت اللي مافيش زيك يابني ربنا يباركلك الكبار اللي زيك بيصرفو ف حاجات هايفه بالهبل ويجو لفقير زيي ويدققو معاه ع المليم وشوفت كتير ياخدو برخص التراب من عندي ويبعوه بالافات ويكسبو ويستخسرو فيا مكسب بسيط ربنا يجازيك كل خير
ونظر لهم وانتو ياوش السعد ربنا يبارك لكو وهديكي الاوضه ب 10 والانتريه والنيش ب5 بس
هاتو العشره وقسطو ال5 براحتكو
وشيلو جهازكو ربنا يهنيكو
ريم :وانا اوعدك هنعمل جمعيه ونسدلك ال5 ف اقرب وقت
الحاج :براحتك يابنتي
وناصر مزهول مما يحدث امامه
خير معين الزوجه الصالحه القنوعه ربنا بيفتح ف وشهم الابواب المغلقه
ليه الناس بقت كده
مغالاه ف المهور وتكاليف الزواج
مع ان يسروا ولا تعسروا
ليه بقت حياتنا تعتمد ع الكماليات وتركنا الاساسيات
ليه الناس تشتري اي فون 6 وتروح تدقق مع ست غلبانه بتبيع حزمه جرجير
.......فيروز......
ارجو الا اكون اثقلت عليكم بتساؤلاتي ولكنها الاساس لما وصلنا له الان
أنت تقرأ
يوميات عريس
Humorهو شاب يوميا تعرض عليه والدته عرايس ويتعرض لمواقف الا ان يجد حب عمره الذي كان يهمله
