يوميات عريس
الحلقه 17
يفتح ناصر الباب ف الصباح فيجد ريم امامه
صباح الفل يامرتي
ريم متاخر ليه كده
ناصر :والله مانمت الا بعد الفجر
ريم :ليه كده بتفكر ف مين
ناصر :هو في غيرك ياجميل ع البال والخاطر
والله بستغرب ياريم كل حاجه اتحلت بقدره قادر وخلصنا خلاص
احنا هنجوز امتي يابت بقي
ريم :هجيب شويه بنات من الحته ونمسح الشقه ونفرش بقي
وهتفق مع البت ميحه صاحبتي الي فاتحه كوافير ع الناصيه تظبتني يومها وأاجر فستان من عم محروس بتاع الدراي كلين
ناصر :ودا بيسرقهم وياجرهم ولا ايه
ريم :لا هو بياجر الفساتين جمب شغل الدراي كلين
ناصر :ربنا يستر انا مش عاوز قلق ف الفرح ويجو يسحبوكي ع القسم
ريم :ماتخافش مابنات الحته كلها بتاجر منه جه علي حظي وهيتقبض عليا
ناصر :ماهي نوايا اصلها
المهم يافالحه هنعمل الفرح فين انا ع الحميد المجيد وعليا اقساط واي مكان معفن هيطلب 15 الف
هنستني سنتين كمان نعمل جمعيات للفرح ماهو شقتنا خلاص اتحط فيها العفش مش هينفع زي الخطوبه نحط كراسي فيها
ريم :نعم سنتين دا ايه
صحيح نسيت الفرح دي
طب بص نعمل تراك ف الشارع وكوشه واجي بالزفه من الناصيه عند الكوافير لحد بيتنا
ناصر :ايه عبط اهلك ده شارع ايه وزفت ايه هو صوان عزاء ولا حد يشكنا اشغال طريق ونتعفأ احنا الاتنين ونقضيها ف التخشيبه
وتبقي احلي دخله لو يدخلونا سوا
ريم :انت بتهرج واحنا محتاسين
باااس هي دي
فوق السطوح كهارب وزينه وكراسي
وننزل بالتراك
ناصر :يادي ام التراك انتي مولوده ف ملعب ياريم
ريم :هو ده اللي عندي وزي ما السطوح شهد لقاءاتنا يبقي ينهيها
ناصر :ليه هتنتحري ياريم من فوق السطح يوم فرحنا وعملهالي مفاجاه
ريم :انتحر ايه بس
ننهي فتره الخطوبه والضياع ونبدا فتره الجواز
ناصر :اااه يابت الجواز بقي ياعيني ع الجواز
ريم :انت مسروع ع الجواز كده ليه
ناصر :وحياااه.....
بلاش عشان احنا ف الشارع
كنت هطلعلك صوت يسمع المنطقه
قال متسربع ليه يابت انا داخل ع ال31 وسيادتك ع ال30 نلحق نشوفلنا حته عيل قبل مانسلم نمر ونبقي بركه البيت
ريم تضحك بصوت عالي
ناصر يبرق لها اتلمي يابت بد مااجيب صف سنانك مش ماشيه مع راجل ولا ايه لو سمعت ضحكتك دي بره اوضه النوم هجيب خبرك
ريم :اعملك ايه مانت اللي ضحكتني
ناصر :عاجبك اوي بركه البيت ويضحك
ريم :ههههه اه
ناصر :وبعدهالك بقي ماتتلمي يابت
المهم امتي بقي هننزل بالتراك
يووه هنعمل الفرح
ريم :شوف ابويا وحدد معاه عشان ناخد اجازه اسبوع داانا موفره اجازاتي عشان الجواز
ناصر :خلاص ماشي يامهجه الفؤاد
وانا جاي انهارده اقتل ابوكي
ريم :ايه
ناصر :اتفق مع ابوكي
ريم :ايوه كده خضيتني
ناصر :لا ماهو مسيره هيحصل واخد اعدام ف ابوكي ده
ريم :مش بيحبني وبيخاف عليا
ناصر :وانا يعني اللي بكرهك
يلا خشي مكتبك ماتطلعيش منه الي وقت الانصراف
ريم :حاضر ياسبعي
ناصر :يخربيت رذالتك
خالد :ايوه اعريس
مش ناوي ولا ايه مش جبت العفش
ناصر :اه خلاص هروح لابوها ونشوف الظروف تناسبه امتي ونحدد بس اقصاها اخر الاسبوع
خالد :ربنا يتملك بخير وعقبالي يارب
ناصر :اقرصني ف ركبتي عشان تحصلني ف جمعتي
خالد:دانا اعضك كمان مش اقرصك
بس احصلك
ناصر :ان شاء الله ياحبيبي انت بن حلال وتستاهل كل خير وربنا هيرزقك بالانسانه الي تستاهلك
خالد :يارب
وف المساء ذهب ناصر ليتفق مع والدها
ابوها :مش كفايه الخطوبه كانت ف شقتك كمان الفرح ع السطح
وناصر علي اخره
ريم :يعني نجيب 15 الف منين عشان منظره كدابه ونندين عشان نعمل فرح ونلم فيه المقاطيع
ماهو سطح يتنا كبير وحلو واحسن من اي نادي والناس مش هتتعب ولا مواصلات هم كام سلمه ويوصلو ونعمل احلي كوشه
مش بالفرح ولا الزفه ياابه المهم تلاقي بنتك مبسوطه ف بيت جوزها
ابوها :خلاص انتي حره
وقام وتركهم ليقف امامها ويوقفها امامه بحبك يااحلي بت واحلي ريم ف الدنيا بموووت فيكي يابت
انتي كنتي مداريه دا كله عني فين
الجدعنه والحلاوه والشقاوه دي
ريم :انا طول عمري جدعه وحلوه
ناصر :عارف انا اللي كنت اعمي
ريم :بعد الشر عليك يانونو
ناصر :يخربيت نونو ع اللي جابو نونو ويقبلها
فتبعده فيتنرفز ناصر في ايه يابت اظن كتبنا وبقيتي مراتي وفرحنا كمان يومين وعفشنا متلأح جوه كمان
ريم :بس مش كده
مش بالعنف ده انت مش بتعرف تبوس كويس
ناصر اذبهل وضحك نعم يااختي طب علميني
ريم :ماتتريقش انت بتنتقم مش بتبوس علي فكره وهمت بالمشي ليجذبها
تعالي ابت هنا انتي بتخرفي وبداتي تلعبي ف عداد عمرك
بقي انا مابعرفش
داانا استاذ
داانا مدرب بوس اساسا
ريم :لا والله وبوست مين قلبي بقي
قول واعترف لهقتلك انهارده
ناصر :بتغير عليا ياشرس
والله اول واحده اطلع فيها كبت السنين هو انتي يابت مش في اشواق
ريم :كمان تعرف اشواق عليا ياناصر بتخوني قبل دخلتي
ناصر :ايه الاوفر ف الاداء ده
اشواق مين ياغبيه انا عرفت غيرك طول عمري ولا كلمت بت غيرك
ريم:يعني بجد عمرك ماكلمت غيري
ناصر :مانتي عارفه عني كل كبيره وصغيره ياغبيه وكنت بحكيلك كل حاجه وانا اعرف العب بديلي عليكي داانتي بتفقسيني قبل ماتنحنح حتي
وسعي بقي عشان انا مش طايقك
ريم :لا والله بقي كده ياناصر واعطته ظهرها وعقدت ذراعيها
ليحتضنها من الخلف
وانا اقدر بردو داانتي الحب كله يابت
ريم تنظر له يخليك ليا حبيبي ولا يحرمنيش منك ابدا
ايدك بقي ع الكوافير وايجار الفستان
ناصر :لا بقي ماتفقناش علي كده
مش كفايه التراك بتاعك الي هنزل بيه
والكوشه
اشوف فلوس ابوكي بقي ولا داخل مستمع ف الجوازه دي
ريم :ماهو هيجيب العشا الله
ناصر :لا والله انزل اجيب ديليفري يومها عشان تنبسطي انتي وابوكي
وسعي ابت جاك خابط انتي وابوكي
ريم :والفلوس
ناصر :خدي كل اللي معايا اهو
ياانتهازيه
ريم :انا انتهازيه ياناصر
طب خد مش عاوزه منك حاجه وطلقني
فيقترب منها لو نطقتي الكلمه دي تاني بموتك انتي هتخشي هنا مش هتطلعي الا علي قبرك انتي فاهمه
فتنظر له فاهمه
واحلي تحيه واحلي زرغوطه لفرح ريم وناصر ف الحلقه الجايه
أنت تقرأ
يوميات عريس
Humorهو شاب يوميا تعرض عليه والدته عرايس ويتعرض لمواقف الا ان يجد حب عمره الذي كان يهمله
