يوميات عريس
الحلقه 20
جاء موعد قدوم اهل ريهام ليزورو اهل علي
وطبعا ريم هي المغروزه ف كل شيء من اكل وتنظيف وخلافه
ريم :معلش ياحبيبي امي لوحدها مين هيعمل معاها غيري الناس جايين وزي ماعملولنا اكل لازم نوجب معاهم
ناصر ؛ ماهو ناس تجوز وناس تطفح الكوته ولا اكنها اجوزت
انا مش لاقيكي ياريم
دانا بلحقك بالمواعيد لو نزلت واتاخرت عن العشا مابلاقكيش بتكوني فيصتي ونمتي طبعا من امك لامي لهنا صحتك حبيبتي انا خايف عليكي
وبعدين ام السلم ده والي طالع واللي نازل يشوفك
ريم :ماهو لوجت علي نادر بعد ماامه ماتت هيبيع الشقه لعلي اخويا ويشتري ف السويس عشان شغله
واهو مراته اما تيجي يبقي مره هي ومره انا نمسح السلم
ناصر :وانتي عرفتي الكلام ده منين
ريم ؛ من امي
ناصر :يامحاسن الصدف
وسيراميك وبياض وبلاوي واعملي اكل ياريم للصنايعيه
هي جوازه هباب من اولها
علي امك ياريم
انا ماعدتش طايقك اساسا
ريم :بقي كده ياناصر بتكرشني
طب والله ماقعدالك فيها
ناصر :لا يابت اصلك بتقعدي فيها اوي
هو انا بشوفك داانا بجيبك من عند امك او امي بالعافيه لما بنسي شكلك
داانا هجوز امك اسهل
ريم :تصدق انا مش قعدالك فيها وسيبهالك.مخضره بس ماتجيش تجري زي كل مره
ناصر :اقولك علي حاجه حلوه ويضع يده علي كتفها
انا نظرا لحالتك الصحيه الي بدات تتدهور من اول اسبوع جواز
انا عندي فكره
ريم باهتمام ايه هي
ناصر :شايفه الاوضه الفاضيه دي
نجيب فيها سرير ودولاب وتسريحه
ريم :ليه يعني هروح اريح فيها بعد الشغل عشان جمب السلم قريبه
ناصر :لا ياناصحه انا اللي هريح فيها مع المدام الجديده
ريم :يعني ايه
ناصر :يعني اجوز واحده تشوف معاكي الشغل بتاع البيت وامي وانتي امك والبيت وتساعدو بعض وحتي تريحك بليل مني مره انتي مره هي
تصرخ ريم بوجهه وتضرب صدرها
عاوز تجوز عليا ياناصر وانا لسه ماسبعتش نهار ابوك اسود
بعد اللي عملته عشانك اخرتها عاوز تجوز عليا ياواطي
انا عند.امي وورقتي توصلني
ماشي ياناصر ياناقص
اما شحطتك ف المحاكم مابقاش انا ريم
ناصر :بت ياريم تعالي هنا انا بهزر ياغبيه حد يعملها مره ويفكر يعملها تاني
يابت تعالي هنا وخرجت ورزعت الباب ودخلت علي امها معيطه
امها :في ايه هو بن توحه مش هيجبها البر
ريم :سيبيني ف حالي ياامه ودخلت ع المطبخ تعمل الاكل وهي تبكي
فجاء ناصر
هي فين ريم
امها :ف المطبخ انت عملتلها ايه ياواد البت جايه عينها زي الطماطمايه
ناصر :كنت بهزر مع مراتي بلاش اهزر
امها :ايه هزار الغم ده وجاي انهارده تهزر والناس جايين واعمل حسابك هتاكلو معانا كفايه ماجتوش المره اللي فاتت
ناصر :حاضر يا توته ويزغزغها ف وسطها
امها :اتلم ياواد
ودخل المطبخ كانت بتقلي البانيه
فوقف خلفها ويهمس باذنها بتعيطي ليه لتتخض
مابعيطش ولا حاجه دا من البصل
ناصر :وهو فين البصل ده
ريم :وانت مالك انت هتحقق معايا
فيديرها له ويجذبها اليه من خصرها
يعني يامجنونه انا اجوزتك بالعافيه
وبجمعيات لسه بنسدها للان
وهروح ابلي نفسي بمصيبه تانيه
فتضربه بصدره يعني انا مصيبه
ناصر يقبلها بشغف احلي مصيبه ف حياتي
فتتذكر البانيه
يالهوي البانيه هيتحرق
ناصر بضيق اياكش يولع بيكي ياشيخه ده وقته يابت
وينادي ياام علي
فتأتي فيه ايه ياواد يجذبها من يدها
بدل مانتي مش لقيالك شغلانه كده
اقفي شويه قدام البانيه خفي رجلك ياتوته لاخلي ابو علي يجوز واجبله صبيه صغيره علي مااكلم مراتي ف موضوع
ام علي :لا صبيه غوري يابت مع جوزك
ريم :لا ياامه دا بيهزر هتاخدي علي كلامه
ناصر :طب والله العظيم مابهزر
امها :امشي غوري يابت معاه
ووضع ذراعه حول رقبتها ويحاول يخنقها بهزار
ريم :الله عافقني زي المخبرين كده ليه سرقت منك سريقه
ودخل شقته واغلقها
سرقتي قلبي
ريم :جاك وجع ف قلبك ابقي اديه للموزه الجديده
ريم تذهب للباب انت بتقفل ليه انا قلتلك طلقتي ومش هقعد معاك دقيقه واحده
ويجري ع الباب امامها قبل ان تفتحه
ريم بضيق وسع ياناصر انا مارضيتش اتكلم قدام امي وافتح مواضيع
ناصر :انتي هبله يابت بهزر معاكي
ماعرفش اهزر مع مراتي
ريم :هزار بايخ ودمه تقيل
ناصر :داانتي مهجه القلب
ريم :ليه والسنيوره الجديده
عاوز تجوز عليا قبل مااسبع طب استني اربعن
ناصر :وانا الاقي عنك بديل
امشي خشي جوه ابت
ريم وتركل بقدمها ف الارض مش داخله هيييه فيقترب منها لتجري
والله لو قربت مني لاصوت
ليجذبها اليه ويقبلها فتذوب في يديه
وبعدها ينام هو وتتسحب لتستحم وتذهب لوالدتها تكمل ماتفعله
امها :كان عاوز ايه المحروس
ريم :ولا حاجه كان بيسال علي حاجه
امها :وراح فين مش باينله صوت
ريم :نايم افتكريلنا حاجه عدله فوجدته خلفها يضع ذراعه علي الحيطه ويسند به بتسهيني ياريم وتقومي
اعمليلي شاي يلا
فتلتفت وراءها
فيهمس في اذنها بقي افتكرلنا حاجه عدله ماشي ماشي الحساب يجمع فتجري هعملك الشاي حالا
ناصر بصوت عالي يلابسرعه لسه ماتعملش
ريم بخوف خلاص اهو
وياتي اهل ريم وتقام لهم مأدبه كبيره من خيرات الله
ويهمس ناصر بأذن ريم
ايه مائدة الرحمن دي لزمته ايه القشخره الكدابه وقطمه الوسط دي
ريم :ماهو علي اللي مكلف
ناصر :طبعا وهو ابوكي عمره يدفع دا كان كالكو انتو وحلي بامك
دا ياكل بس اللي مادفع فيكي مليم انتي اللي مجهزه نفسك من شغلك
ريم :لزمته ايه الكلام ده دوقتي هو حيلته غير معاشه كتر خيره انه صرف علينا ف التعليم وكبرنا
ناصر :طب ياختي كلي كلي
واكل الجميع وذهبو لشراء الشبكه
خاتم ودبله وسلسله وانسيال
وريم تزرغط.وفرحانه لاخوها وتدعو لهم وناصر يقترب منها وهي بتفرجه ع الشبكه وينظر لها كان نفسي اجبلك زيهم بس انتي عارفه الحال
فتضع يدها علي فمه اخس عليك ياناصر وانا اشتكتلك دهب ايه اللي بتقول عليه انت عندي احسن من اوانص الدهب
ناصر :اوانص وكبد انتي جعانه ياريم
مش لسه واكلين ف الوليمه بتاعه اخوكي
أنت تقرأ
يوميات عريس
Humorهو شاب يوميا تعرض عليه والدته عرايس ويتعرض لمواقف الا ان يجد حب عمره الذي كان يهمله
