يوميات عريس

يوميات عريس الحلقه 5

يوميات عريس
الحلقه 5
ناصر :ايه ياتوحه مش مخبيالي حاجه هنا ولا هنا
توحيده :وايه الحماس اللي انت فيه ده اول مره دا انا بوديك مغصوب وعاصر 10 كيلو لمون علي نفسك
ناصر :يضرب علي صدره كالقرود
مش عارف بس حاسس اني زهقان وعاوز اغير المود
اديني الحقنه بسرعه ارجوك محتاجه الجرعه
اصلي خدت ع الموضوع اوي

توحيده : طب استني
ايه رايك ف دي ياواد
ناصر :ياسلام كل مجايبك حلوه ياتوحه انتي تجيبي حاجه وحشه اتضحلي ان العيب فيا مش فيهم

توحيده :مابخدش منك غيرتريقه
وفعلا اخذ الرقم واتصل وحدد  معاد

وذهب لها
ودخلت بنوته عسوله تشبه الصوره ولكن الصوره تضخم الامور
ناصر:انتي مين ياشاطره اخت العروسه
تعالي علي حجري
انتي ف سنه كام لو اعرف ان لها اخوات صغيرين كده كنت جبتلك مصاصه ولا شوكولاته
امها :حجر مين يابني اللي هتقعدها عليه
ناصر :خلاص بلاش دي زي اختي الصغيره عاديي يعني

امها :لا مش عادي طبعا دي العروسه
ناصر:يتراجع ناااعم عروسه مين ويطلع الصوره لا طبعا فين الحاجات دي
دي ممسوحه خالص دي طفله ياحاجه دي 20 سنه ياضلاليه

امها :الله البت مش غاويه علام قلت بدل المصاريف اجوزها فطلعتها من 2 اعداتشي  دي تعرف الكفت  هو في اطفال دوقتي ثم فرق ايه 13 او14 سنه اهو تربيها علي ايدك
دي بت لهلوبه انا هسيبك معاها  وانت هتعرف كل حاجه
ناصر :ياامه تسيبي مين تعالي
نورا :انت خايف مني ولا ايه
ناصر :لا يابنتي انا خايف عليكي
ثم تدارك ماقالت
اخاف منك انتي يامقروضه انتي اخرك تلعبي سيجا عاميه ف الشارع قدام بيتكو
نورا :ليه داانا حتي امي بتقول جسمي فاير وكلي انوثه
ناصر :يخربيت امك ياشيخه وكل الامهات اللي من عينتها
فتحو عين البنات من اولي اعدادي
بيروحو يجوزو عرفي
بدل مايقولولهم مستقبلكو الاول
نورا :يعني ايه مش عاوز تجوزني بعد ماربطني بيك وحبيتك😢
ناصر :ربطك ايه ياهبله يابنت الهبله
انا لحقت اشوفك اصلا
هترتبطي بيا وتتعلقي من 5 دقايق واسعه دي العبي غيرها انتي مفكره بتكلمي عيل ف 3 اعدادي
دانا ناصر  اللي مقطع السمكه وديلها
نورا تقترب منه ماهو عشان كده عاجبني
ناصر :يخربيت عبط امك
يابت عيب يابت انتي صغيره علي كده
روحي خدي الرضعه بتاعتك واتعشي ونامي ياماما يلا احلام سعيده
نورا :يعني تعمل عملتك وتخلع
واللي ف بطني ده اقوله ايه
ناصر :لا هي تدبيسه باينها
لا ياامه شوفي مين عملها وخلع
نورا :والله مافي داانا بهزر معاك
ناصر :لا ياحبيبتي في حدود ف الهزار مش ف الكلام ده دي تضيع فيه رقاب
خشي اندهي امك تطلعني من هنا
انتو خاطفني ولا ايه
نورا :خلاص ماتزوقش يووه
مالكش ف الطيب نصيب
ناصر :يظهر كده انا بن حرام من الاخر كده يلا يابت وصليني للباب ف بيت جحا بتاعكو اللي تهت فيه انتي جيباني اوضه النوم ولا صالون ده ولا ايه
في صالون جوه جوه كده
وطلعته للباب لينطق الشهاده ويخرج بسلام
ورجع لامه
مودياني لطفله ياتوحه انا قلت عاوز اجوز مش اتبني عيل
توحه :ايه يعني 14 سنه فرق
ناصر :يعني عارفه وبتلبسيني ف الحيط
والله شكلك كنتي عارفه تجارالاعضاء وهتقسمو سوا لما يبعو اعضاءي
توحه :اتلم يلا جاتك خيبه مش فالح ف حاجه
قال جات الحزينه تفرح مالقتلهاش مطرح
ناصر :عاوزه تفرحي علي اشلاءي ياتوحه
حسبنا الله ونعم الوكيل
توحه :بتحسبن علي امك يابن الجزمه

ايه يا جودعان نكمل ولا بلاش