يوميات عريس
الحلقه 9
ناصر :عاوزه تروحي فين
ريم :اي كافي نشرب ليموناده
ناصر :لا انتي داخله علي طمع بقي
ريم :ماتفك الكيس ياعم شويه
ناصر :ياعم والله انا اتسرعت ف الجوازه دي وشكلي مش هعمر فيها فتضربه بالكوع ف صدره
لا والله هو دخول الحمام زي خروجه ياحلو
ناصر :لا طبعا
ريم :دا كله عشان كوبايتين لمون
ناصر :ياسيتي يلا بقي بنهزر هتقلبهالنا موشح من اولها بت انتي انا بتخنق علي طول وروحي ف مناخيري
ريم :يارب تعطس
ناصر :لا والله من اولها بتدعي عليا دااحنا ماتخطبناش لسه وعاوزه تموتيني
ريم :بعد الشر عليك
فينظر لها طب يلا بينا وهركبك تاكس علي حسابي يلا ياست
ريم :لا ماتقولش تاكس اخيرا هركبه
مش ده اللي في لونين ف بعض تحفه كان نفسي اركبه
ناصر :ايه الهبله دي وانا قلت هركبك طياره ولا باخره
دا تاكس معفن
ريم :ماهو من ساعه غلو البنزين مابقتش اشوفه بنشم البنزين بس
ناصر :طب يلا ياختي هتودينا ف ابو نكله
ريم :طب قدمت علي قرض قبل مانركب تاكس
ناصر :احنا هنشتريه يلا يابت بلاش تخلف
وفعلا ذهبو للكافي
ريم :بس شكله غالي اوي ماتيجي نروح حاجه ارخص
ناصر :يابت اهمدي بقي
ريم :مانا خايفه مايكملش معاك وتسيبني رهن وتنساني هو انا مش عارفه حركاتك
ناصر :عيبك انك فقساني
ريم :شوفت اهو ده اللي خايفه منه
ناصر :يابت ماتخافيش جيب السبع عمره مايخلاش
اطلبي بقلب جامد وصدر مفتوح
ريم :ياخوفي منك يابدران هتلبسنا ف الحيط
ناصر :يابت خليكي واثقه ف جوزك وامشي وراه وانتي مغمضه بلاش المناكفه بتاعتك اللي مطفشه الرجاله منك وخليكي مطيعه وكله بالحنيه بيفك
ريم :لا انت فايق ورايق انهارده ع الاخر مستغرباك صراحه طقم الحنيه الغير معهوده دي مش واخده عليها
امال فين امشي ابت من هنا غوري يابت من خلقتي
يغمزلها دي حاجات من ورا القلب
طب هو انا كنت بطيق زعلك لما بحس انك زعلانه ولو انك ماعندكيش دم وعمرك مازعلتي زي ماتكوني مابنحسيش جبله
ريم :الله في ايه ياناصر ابو ام دي جوازه ياجدع حد يقول لخطبته جبله ومافيش دم وعديمه الاحساس
ماتجيب صباره وتدفني مطرحي احسن
ناصر :تصدقي فكره
ويضحك يابت بهزر معاكي قال يعني مش واخده علي كده
ريم :لا ياخويا زمان كنا اخوات واصحاب دلوقت تلم نفسك عني وتقولي كلام حب كلام حلو
ناصر :بسبوسه
ريم :قوم ياناصر هي جوازه فاشله من اولهاومش نافعه خلينا اخوات احسن
ناصر ينظر لها طب والله بحبك
ريم :كداب مش مصدقاك
فيمسك يدها ويقبلها طب اثبتلك وازاي فتسحب يدها بخجل وتعض علي شفتيها وبعدين معاك احنا ف مكان عام
ناصر :خلاص تعالي البيت براحتنا وعمو شوشو منتظرنا هناك
ريم :تضربه ف كتفه انت هتستعبط
ناصر :اعملك ايه ماهو مش نافع معاكي حاجه قومي يابت
ريم وهو يجذبها واللمون
ناصر :خساره فيكي يلا
ريم :خلاص بقي يا نونو ماتزعلش
طب بلاها لمون يلا نتمشي عاوزه اتمشي وانكشك كده زي العشاق وتجبلي ترمس وحمص وذره
ناصر :عشاق ايه وزفت ايه وامي مرميه ف المستشفي البعيده مافيش دم
وترمس ايه وحمص ايه انا واخد قرده من جبلايه القرود افسحها يلا ياشيخه بلا خيابه
ريم :لا بقي انا فوتلك اللمون يابخيل لكن انا عاوزه ترمس وحمص مش لازم دره
ناصر :خلاص تعالي اجبلك ب2 جنيه
ريم :يالهوي بحالهم
ناصر :لا ماهو بجنيه ليكي وجنيه ليا
ريم :يانهار مش فايت واحنا هنشمه
والله لو البنات اللي بترفضهم شافو كده معاك كانوا قلعوااللي ف رجلهم وادوك بيه
وذهب لبتاع الترمس
ورجع
خدي ب5 جنيه لوحدك اهو عشان ماتقوليش حارمك من حاجه
ريم :ايه ده اتحزم وارقص ياخواتي اخيرا شوفت فلوسك
ناصر :اتلمي يابت احنا ف الشارع
لما نروح عند عمو شوشو ف البيت اعملي اللي عوزاه
وايه اشوف فلوسك مش كله لكي عشان العفش والشقه
ريم :وانا هسيبك يعني مانا هساعدك وكله لنا ولعيالنا
ناصر :ياااه عيالنا هم فين ولاد الكلب دول اشوفهم بس والله لاذلهم زي ماذلوني علي ماهيجو
ريم :لا انت هتعقدلي العيال من اولها
ناصر :يابت بس هم يجو
فتخجل ريم وتنظر لاسفل
ناصر :انتي بتكسفي يابت زي باقي البنات
ريم :في ايه ياناصر انت محسسني اني انثي الجربوع يااخي
ناصر :جربوع ياجربوعه دا باعتباران انا الجربوع نفسه ماشي هعديهالك عشان ف الشارع بس
المهم انتي مفكره هقبل مساعده من ست
ريم :هو انا ست
ناصر :ماقلنا كده
فتخبطه مش قصدي يعني انا هبقي مراتك مش غريبه عنك وايد علي ايد تساعد
ناصر :لا ياسيتي انا راجل حمش وماقبلش فلوس من مراتي لماتلاقي حاجه نقصاكي ابقي اكلمي
فتنظر له بحب
ناصر :في ايه يابت بتبصيلي كده ليه هتصوريني
ريم :انا بحبك اوي باناصر
وتخفض راسها خجلا
فيجذبها من كتفها ويحيط بذراعه حول كتفها وانا كمان بحبك ابت
واتلمي بقي بدل مااخدك ع الماذون ونعملهالهم مفاجاه
ريم :ياريت
ناصر :ايه البت الواقعه دي
ريم :تخبطه وانت مفكر اوافق دا لازم تعملي فرح كبير والحته كلها تشوفني بفستان الفرح
ناصر :احلي فرح كمان
ثم ماشبعتيش افراح دا يجي عشر مرات باين
تضربه ف كتفه
هم تلاته بس
ومنهم الواد مندوح ابن ام مندوح صحاب الشقه بتاعتك اللي ابوك ضحك علي امه وخدها منها وابويا كان عاوزها لعلي اخويا عشان اما يرجع من السفر يجوز فيها بس ابوك سبق واكل النبأ
ناصر :اه ياجزمه داانتي شايله ف قلبك وساكته بقي ابويا ضحك عليها ولا هي اللي مارضيتش تديها لابوكي بعد مافكيتي الخطوبه من مندوح يوووو ممدوح وايه مندوح دي بتدلعيه قدامي اهو الواد ده مابطقوش من صغرنا لله ف لله
ريم :عشان كان عينه مني
كنت بتغير منه
ناصر :انا اغير من الواد الرمه الزباله ده انا كنت مستخسرك فيه لاني عارفه بتاع بنات وماكنتش عاوزه يكسر قلبك واهو فلسع وسافر واشتري بيت وخد امه وباع الشقه
ريم :ايه فلسع مني دي انا اللي فلسعته واديته الصابونه عشان كان قليل الادب
فيمسكها من ذراعها ايه قليل الادب دي عمل ايه يعني انطقي
ريم :اي في ايه ياناصر هيعمل ايه يعني نظراته كده مابتريحنيش وعامل زي المدمنين كده
ناصر ؛ ماهو كان بياخد ترامادول فتره وربنا تاب عليه اما سافر
ريم :يانهار اسود وماتقوليش ياناصر
ناصر :انا مش حذرتك منه وانتي ماسمعتيش كلامي ووافقتي غصب عني
ريم :كنت بغيظك عشان انت بتكرهه قلت اضايقك وانرفزك
ناصر بنرفزه طب يلا بقي بعد السيره الهباب دي
ريم تنظر له بتوجس
خلاص يانونو بقي انت زعلت
ينظر لها وايه نونو دي كمان شيفاني برضع
ريم :خلاص بقي ماتزعلش زعلك وحش اوي وانت عارف مابطقش زعلك
ناصر :انتي عارفه اني مابطقش زعلك ولا ان حد يزعلك يلا نروح لشوشو بقي
فتخبطه وتضحك مافيش فايده فيك
أنت تقرأ
يوميات عريس
Humorهو شاب يوميا تعرض عليه والدته عرايس ويتعرض لمواقف الا ان يجد حب عمره الذي كان يهمله
