يوميات عريس
الحلقه 18
جاء يوم الزفاف واذدان السطح بالكهارب ونزل بالتراك وعملها ناصر احلي كوشه
وذهبت هي للكوافير وهو للحلاق
وجاء الموعد ليذهب لها عند الكوافير
وينتظر خروجها وعندما خرجت يتاملها يخربيت حلاوتك
واحتضنها من خصرها واخذ يلف بها وعيناه تدمعان
وهي تفاجأت وخجلت من حركته واخذت تمسح دموعه
ريم :بس ياناصر الناس بتبص علينا
ناصر :طظ يولعو
ريم :ابويا ياناصر بيبص علينا
ناصر :دا بالذات طظين
فتضربه في صدره اخس عليك دا ابويا
ناصر :ابوكي جاي مشاهد ف الجوازه دي
شوفي بقي من اليوم ده لا تقوليلي ابويا ولا اخويا انتي مراتي فاهمه يعني ايه مراتي يعني ماحدش له سلطه عليكي غيري وكلامي هو الي هيمشي
وجاء علي الذي قدم من السفر لحضور زواج اخته ليخبط علي كتفه كفاره ياوحش مبروك يلا ويحتضنه فهم اعز صديقين
علي :كده تعملها من غيري ياخاين دا الاتفاق مش قلنا يانعيش عيشه فل يانموت احنا الكل
ناصر وهو يحتضنه لا انا كده قشطه اوي اسلك انت بقي
وياخذ ريم التي تنظر له بس انت احلويت كده ليه فجاه
ناصر :يمسد علي شعره الواد سمعه ظبطني فرد وششوار وعمل شغل علي مايه بيضا الله يباركله
ريم :لا الصرف باين
ناصر :وحيااااه .....
ماشي بتتريقي
ريم :لا والله انا مستغرباك حساك نظيف ومستحمي كده ووسيم
ناصر :لا شكلك هتنضربي بقي
امال انا كنت وسخ ابت
ريم :يوه يقطعني
بس انت امور انهارده
ناصر :من يومي يابت انتي اللي مش واخده بالك
ووصلو بالزفه للبيت ليحملها بحركه فجاءيه ليطلع السلم وهو يحملها
ريم :لا ياناصر نفسك هيتقطع السلم عالي داالسطح ف الرابع
ناصر :انتي شايفه كده
طب نمشيها دور ودور عشان منظري بس يعني اشيلك وانزلك كده ف ساعتها يقولو نفسه مقطوع من اولها
دي حتي وحشه ف حقي
ريم :يعني انت الي لازم تتهور
ناصر :تصدقي انك.محبطه انزلي ابت خساره فيكي الشيله
فتنظر له وتضحك انت زعلت يانونو
ناصر :ابو نونو ع اللي جابو نونو داانتي هتولعي انهارده
ويذهبان للكوشه ويحملها لتطلع الي الكرسي
وبعدها يرقصان سويا وهو محتضنها وكانه يخشي ان يفقدها او تهرب منه
وف الحفل
سماح :انت ماجبتش شقه بره الحاره ياعلي
علي :لا والله لسه ايه اشتغلتي ف العقارات وغيرتي نشاطك
سماح تنظر له لا انا بسال بس
فيميل عليها وايه بقي الغرض من السؤال
سماح تتلجلج ولا حاجه بطمن عليك مش اخو صاحبتي وابن حتتي
علي :اااه بن حتتك
ماشي خشي ارقصي لبنت حتتك بدل الوقفه اللي ملهاش لازمه دي
فتنظر له بغضب ماشي ياعلي
وجاءت ريهام صديقه ريم ف العمل الجديده لتبارك لها وتقبلها وتسلم علي ناصر وتبارك له
فيذهب لها علي مسرعا حين لمحها
و يميل علي اخته
مين الوجه الجديد ده
فتعرفه بها ريهام موظفه جديده معانا
علي اخويا
فيسلمان علي بعضهما البعض
علي: والانسه خريجه ايه
ريهام وهي تخفض راسها خجلا
خريجه تجاره
علي :يامحاسن الصدف بصره فتنظر له
فيستطرد بس اكيد انتي دفعه اصغر بكتير شكلك خريجه جديده
ريهام :اه من سنتين
والانسه مخطوبه
ريهام تنظر له وانت مالك دي حاجه شخصيه مش عشان زميله اختك هتعملي استجواب
علي :انتي قفشتي كده ليه والله غرضي شريف
ريهام :والله بيتنا موجود للي غرضه شريف
وتهم بالمشي ليجذبها
فتنظر لموضع يده ليتركها ويرفع يديه بريء يابيه والله ماقصدي
فتضحك علي طريقته
علي :طب ممكن عنوان بيتكو ورقم الوالد واسمه
ريهام :احنا بعديكو بثلات شوارع علي فكره
علي :يااااا محاسن الصدف
بصي بقي انا جاي اجازه شهر نخلص اوام اوام الله يباركلك خدي معاد من ابوكي وقولي لريم مش ريم تعرف عنوانك
ريهام :اه كنا بنرجع من الشغل سوا وعارفه الييت
وتاتي سماح لتميل علي علي
ايه رايك ف رقصي يا علي
ريهام عن اذنكو
علي بضيق الله يحرقك ويحرق رقصك
وسعي ابت
ويجري وراء ريهام
ويجذبها من يدها
ريهام بحزم لو سمحت يااستاذ
علي: قسما بالله مافي حاجه بينا دي بت حقوده وغلاويه وكانت بترسم علي ناصر مالقتش منه فايده فجايه ترسم عليا
ريهام : وانا ماطلبتش منك تفسير
علي يميل عليها ويهمس
يعني علي اتفاقنا وصافي يالبن
فتنظر له هقول لبابا واما اشوف رايه
علي :لا راي ايه انتي تاخدي معاد احنا فاضيين لسه هنشوف راي ومش راي بقولك مسافر بعد شهر وعاوز اكتب قبل مامشي
ريهام :لا طبعا نكتب ايه هي خطوبه وانا اعرفك منين
علي :وهو في احلي من كتب الكتاب للتعارف ويغمز لها
ريهام بنرفزه تصدق انك قليل الادب وانا مش موافقه
علي :لا مش موافقه دا ايه هو دخول الحمام زي خروجه
خلاص ياماما انتي بقيتي بتاعتي وماحدش هيقدر يعلم علي علي الصعيدي انا معروف لخمس شوارع قدام يلا ابت علي بيتكو وخدي معاد من ابوكي
ريهام :مش هاخد ومش موافقه
علي :يلا ابت قدامي انا جاي معاكي لابوكي دلوقت ايه رايك بقي هي كبرت ف دماغي
تنظر له باستغراب دلوقت
وفرح اختك
علي :هعملهم ايه ناس هايصه وناس لايصه قدامي
ريهام :الله ماتزقش طب استني اقول لبابا الاول
علي :لا مش هستني يلا بينا
وصمم يروح يتقدم لها ف التو واللحظه
اما الفرح انتهي واخذ العريس عروسه
الي شقتهم
ليحملها الي حجرتهم
ناصر:اخيرا بابت ويحتضنها ويقبلها
ثم ترتدي قميص نومها وتخرج من الغرفه فينتظر ولا تاتي فيذهب ليراها ماذا تفعل يجدها تضع اذنها علي باب الشقه
فيتحدث باستغراب
بتتجسسي علي ايه ياريم
ريم :شششش بسمع الناس مشيت ولا لا
ناصر :ليه
ريم :عشان اروح اساعد امي لحسن تعمل لوحدها البيت يضرب يقلب وماحدش معاها وهي تعبانه
ناصر يمسكها من شعرها انتي هبله يابت دي دخلتنا يامتخلفه وعاوزه تروحي تروقي معاها
انتي ليكي خال اهبل او عمه عبيطه ابت
أنت تقرأ
يوميات عريس
Humorهو شاب يوميا تعرض عليه والدته عرايس ويتعرض لمواقف الا ان يجد حب عمره الذي كان يهمله
