فى اليوم التالى استيقظت ريتال من نومها على صوت والدتها المعتاد : يلا يا ريتال ..
قاطعتها : خلاص يا ماما انا صحيت .
نهضت من على فراشها .
سألت والدتها : محمد جه ؟
عائشة : اه يا حبيبتى . جه بعد الفجر ودخل ينام وقال محدش يصحيه .
اومأت ريتال برأسها ثم سرعان ما ابتسمت : احسن بردو كدة هعرف استفرد بالحمام لوحدى .
وانطلقت تركض إلى الحمام واغلقت الباب خلفها .
وقفت عائشة تضرب كف بالأخرى على فتاتها المجنونة . وذهبت إلى المطبخ لتكمل إعداد الفطار .
بعد فترة :
خرجت ريتال من الحمام وذهبت لوالدتها لتساعدها فى إعداد الطعام .
انتهوا من إعداده ورصوا الأطباق على السفرة .
ريتال : اروح اصحى محمد يا ماما عشان يفطر ؟
عائشة : لا هو قال محدش يصحيه .
التمعت عين ريتال وابتسمت بمكر : طيب .
جلست عائشة . بينما هبت ريتال تركض إلى حجرة أخيها .
عائشة بصياح : بت يا ريتال . سيبى اخوكى فى حاله.
لم تلتفت لها ريتال وفتحت باب غرفة محمد ببطء ودخلت لتجده غارق فى النوم .
ابتسمت على منظره . ثم فى حركة سريعة .
قفزت فوقه وهى تصيح : محماااه . اصحى بقى .
انتفض محمد يصرخ بفزع : ايييه . البيت وقع عليا والا ايه ؟
نظر حوله فوجد ريتال جالسة فوقه وتضحك بقوة .
تحول وجهه إلى شرس ونظراته غاضبة واشتعلت عيناه الحمراء .
ارتعبت ريتال وقفزت سريعاً من عليه وركضت خارج الحجرة .
يركض خلفها وهى تصرخ بفزع وهو يصيح بغضب : والله يا ريتال مانا عاتقك النهاردة .
وقفت ريتال خلف والدتها تصرخ بخوف : والله يحبيبى انا كان همى مصلحتك بس .دانا كنت بصحيك تفطر .
عائشة وهى تحول بينهم : معلش يا حبيبى انت عارف أنها هبلة .
ريتال : ااه والله انا هبل. . ايييه .انتى بتقولى ايه يا عيوش ؟ بقى انا هبلة .
حاول أخيها أن يمسكها فركضت إلى غرفتها ولكنه لحق بها وامسكها من ذراعها.
لتصرخ به وتبدأ فى البكاء .
ليجز على أسنانه مع محاولة عائشة للإصلاح بينهما .
محمد : انا مش هضربك لأنى حالف أنى عمرى ما أمد ايدى عليكى . بس فى عقاب تانى .
سكتت ريتال وعائشة تنتظران أن يكمل ....
فقال : روحوا اقعدوا على السفرة على ما ادخل الحمام واجيلكوا وبعدها اقولكوا العقاب .
اومأوتا برأسيهما وذهبتا للطاولة .
بعد فترة قصيرة :
خرج محمد وجلس مقابل ريتال التى تنظر له بخوف وانتظار للعقاب فسألته : ايه بقى العقاب ؟
ابتسم بسخرية : هتاكلى وكل ما تحطى حاجة فى بؤقك هتقولى ( انا عبيطة وهبلة ) .
هبت ريتال واقفة : انا لا يمكن اعمل كدا ابدا .
****************************
بعد فترة: تناولت ريتال قطعة قائلة : انا عبيطة وهبلة وتناولت الأخرى : انا عبيطة وهبلة .
كان محمد وعائشة يضحكان بشدة عليها .
واستمرت هكذا حتى انتهت من طعامها . ونهضت تنظر لهم بغيظ واتجهت لغرفتها .
بينما الآخران انفجرا فى الضحك .
خرجت من غرفتها ترتدى جيب سوداء واسعة وبلوزة زيتى وحجاب أسود به نقوش زيتية .
خرجت للصالة تحمل حقيبتها وكتبها . نظرت للجالسين على الاريكة يضحكون عليها ثم التفتت وغادرت بصمت.
أنت تقرأ
صدمتنى..فاحببتها (مكتملة)
Romanceهو شخص جاد في عمله جدا ومفيش عنده حاجة اسمها هزار كل حاجة بالنسباله شغل وبس هى بقى العكس تماما كل حياتها هزار فهزار الضحكة مبتفارقش وشها ابدا
