صدمتنى..فاحببتها (مكتملة)

بارت 6

بعد عدة أيام :
دلف آمن لشركته . وصعد إلى مكتبه .
دق الباب .
آمن : ادخل .
دلفت السكرتيرة تسير بغنج بثيابها الشبة عارية إلى المكتب تحمل أوراق . ثم وضعتها أمام آمن ليقوم بتوقيعها .
آمن : هو حازم مجاش ؟
السكرتيرة : لا يا فندم .
آمن : طيب . لما يجى ابعتيهولى .
السكرتيرة : تمام يا فندم .
انتهى من توقيع الأوراق . فخرجت السكرتيرة .
وبمجرد خروجها أمسك آمن هاتفه و أجرى اتصالا .
آمن : الو . ازيك يا دكتور مراد .
      :هى ريتال عاملة ايه ؟
       : هتطلع الساعة كام ؟
       :طيب تمام . شكرآ يا دكتور مراد .
أغلق آمن الخط . فدق الباب .
آمن : ادخل .
دلف حازم : ايه يا عم مالك معنتش تقدر تستغنى عنى كدا ليه ؟
آمن ببرود : أخلص يا حازم تعالى اقعد .
جلس حازم على كرسى أمام المكتب .
حازم : ها ..عايز ايه ؟
آمن : صفقة الشوالى .
انتبه حازم واعتدل بجلسته : ماله ؟
آمن : عايزها . لازم الصفقة دى متتمش لشركة الشوالى .
حازم : يووه يا آمن . انت مش هتنسى ابدا . انت موقعله دلوقتى اكتر من ست شركات .
آمن بغضب : انسى ايه ؟ ها .. أنسى انه هو اللى قتل ..
قاطعه حازم : اهدا يا آمن انا مقصدش والله . متجيبش سيرة الموضوع دا بقى . خلاص يا سيدى .هعمل اللى انت عايزه .
هدا آمن قليلاً : بص انا لازم امشى دلوقتى وانت أبقى كمل بدالى .
نهض آمن واتجه للباب يتبعه حازم .
حازم : انا بس لو اعرف انت بتروح فين ؟
آمن وهو يخرج من المكتب : ملكش دعوة .
حازم بمكر : والله شكلك بتحب وكل يوم والتانى رايحلها .
ابتسم آمن بهدوء قائلا : على مكتبك .
حرك حازم رأسه بمعنى لا فائدة واتجه لمكتبه .
بينما خرج آمن من الشركة متجها للمستشفى .

*****************************
وصل آمن للمستشفى وصعد لغرفة ريتال . دق الباب أتاه صوت محمد من الداخل يسمح بالدخول .
دلف آمن للغرفة اول من وقعت عيناه عليه هى ريتال التى كانت تنظر له بصدمة وفمها قد يصل للأرض .
ضحك بخفة على شكلها الطفولى .
محمد : أهلا بحضرتك .
آمن : أهلا. ..ثم تابع بتلعثم: انا ..انا كنت يعنى جاى اطمن على الآنسة ريتال .
ابتسم محمد وكذلك عائشة
عائشة : ربنا يكرمك يبنى .
ابتسم آمن ونظر لريتال التى مازالت لا تستوعب ما يحدث .
تداركت ريتال نفسها فاغلقت فمها .
ريتال بتوتر : أهلا يا استاذ آسر .
آمن بابتسامة : حمد الله على السلامة يا انسة ريتال . أتمنى انك تكونى كويسة دلوقتى .
ريتال : اه الحمد لله دا حتى ماما كانت بتلم حجاتى عشان هنمشى .
نظر آمن للحقائب المفتوحة حوله بها بعض الملابس .
آمن : خلاص اعملوا حسابكوا انا اللى هوصلكوا .
محمد : لا والله ملوش لزوم . احنا هناخد تاكسى يودينا البيت .
آمن بإصرار : والله ابدا لازم اوصلكوا بنفسى .
عائشة : احنا مش عايزين نتعبك كفاية مجيتك دى .
آمن : لا ويلا انا اللى هوصلكوا .
ريتال بابتسامة : بعربية الراجل بردو .
آمن : راجل مين ؟
ريتال بتوضيح : صاحب الشركة اللى بتشتغل عنده .
آمن باستدراك : ااه . هو بصى العربية علطول معايا أصل هو مش عنده دى بس فى عربيات تانية . فلما بيعوزنى فى مشوار بروحله على طول.
اومأ الجميع برأسه.
عائشة : خلاص استنى انت ومحمد بره على ما ريتال تغير ونخلص الشنط ونيجى .
اومأ الاثنان وخرجا من الغرفة .