ابتسمت غادة بغنج وارتمت باحضان آمن .
مازال أحمد وريتال فى صدمتهم من ملابس تلك الفتاة التى تظهر أكثر مما تخفى وازدادت دهشتهم من تلك الفعلة الوقحة في وجهة نظرهم .
خلص آمن نفسه أخيراً من براثنها . فنظرت لحازم وسارة .
فبادرت سارة بالحديث: ازيك يا غادة ؟
اجابت غادة بملل: كويسة .
نظرت لها سارة بضجر .
فأسرع حازم قائلاً : يارب دايماً .
نظرت له بطرف عينها دون تحدث
فوجه امن حديثه اليها قائلاً : انتى جيتى مصر امتى ؟ غادة : لسة واصلة وجاية مخصوص عشانك .
آمن بتعجب: عشانى انا؟ !!
غادة وهى تنظر لأحمد وريتال من أسفل لأعلى : أصل سمعت أن فى واحدة بيئة بتلف عليك
آمن بغضب : مين قالك الكلام الفاضى دا ؟
غادة باستفزاز : اوعى يا آمن تفكر أنى معرفش عنك حاجة . أنا مفيش حاجة عنك معرفهاش .
ابتسم آمن بشر : انتى عايزة ايه دلوقتى ؟
جلست غادة على الاريكة واضعة قدم على أخرى
غادة : جاية اقعد معاك شوية .
فصرخ حازم بهلع : اييييه ؟
سرعان ما تدارك نفسه : أقصد البيت بقى زحمة اوى . وكمان اوضتك مش فاضية .
غادة : مش فاضية ازاى ؟
سارة : يعنى مش فاضية في ناس قاعدة فيها .
أشارت غادة على ريتال وأحمد بقرف : وهما دول الناس ؟
نظر لها آمن بغضب : دول مش ناس عاديين دا أحمد صاحبى ودى أخته ريتال.
غادة : وهما جايين يقعدوا هنا ليه ؟ وبعدين دى أشكال تدخلها الفيلا .
اشتعلت ريتال غيظا من طريقتها فهبت بغضب
صارخة : مالك يا بت ؟ انتى شايفة نفسك على ايه ؟ دانتى حتى مش لاقية هدوم تدارى بيها جسمك .
غضبت غادة بينما ينظر آمن وحازم وسارة لريتال بفرح وقد ارتسمت ابتسامة واسعة على شفاههم .
نهضت غادة قائلة : هى البتاعة دى اللى خدت اوضتى.
ربعت ريتال يديها قائلة بابتسامة مستفزة : لو اوضتك اللى جمب بتاعت سارة . فأه انا اللى اخدتها ..
وروحى بقى يا حلوة شوفيلك اوضة تانية تباتى فيها .ولو ملقتيش متقلقيش عشان بيت الكلب موجود .
نظرت لها غادة بغضب وضربت قدمها بالأرض .
واتجهت خارج المنزل تصيح : انا خارجة دلوقتى وهاخد عربيتى من الجراج يا آمن و يا ريت لما أجى اوضتى تكون فضيت احسن
خرجت غادة من المنزل .
فتنفس البقية الصعداء وعاد الجميع إلى أماكنهم مرة أخرى .
ريتال بحنق : مين العقربة دى ؟
ضحك آمن : دى بنت عمى .
وضعت ريتال يدها فوق فمها بصدمة : وسايبنى اعمل فيها كدا ؟
ابتسم آمن : عليكى نور . انتى أجدع بنت فى العالم .
ريتال باستغراب : انت فرحان؟
ليجيب حازم بالنيابة عنه : احنا كلنا طايرين من الفرح .
أنت تقرأ
صدمتنى..فاحببتها (مكتملة)
Romanceهو شخص جاد في عمله جدا ومفيش عنده حاجة اسمها هزار كل حاجة بالنسباله شغل وبس هى بقى العكس تماما كل حياتها هزار فهزار الضحكة مبتفارقش وشها ابدا
