استيقظ آمن صباحاً . نهض من على فراشه واتجه ليقوم برياضته الصباحية .
بعد مدة انتهى من الرياضة ودلف للحمام .استحم وخرج .
دلف لحجرة الثياب وارتدى بذلة رمادية جذابة و رش عطره المفضل ونزل لأسفل .
ذهب آمن لحجرة الطعام وجلس على مائدة طويلة وحيدا . اتت الخادمات بالطعام ووضعوه أمامه .
تناول طعامه وخرج من الفيلا. ركب سيارته واتجه إلى شركته .
دلف للشركة بهيبة وشموخ . استقل المصعد وذهب إلى مكتبه .
جلس على كرسيه خلف المكتب .
ضغط على زر أمامه : ابعتيلى عمار حالا .
ردت سكيرتيرته : تمام يا فندم .
.
بعد فترة قصيرة :
دق الباب .
آمن : ادخل .
دلف عمار باحترام إلى مكتب آمن .
آمن : ها يا عمار جبت المعلومات اللى طلبتها منك .
عمار : اه يا باشا .
آمن : طب قول .
عمار : اسمها ريتال أحمد عبدالصادق . فى رابعة طب ليها أخ واحد ظابط . عايشة هى وامها واخوها فى بيت قديم عليه مشاكل كتير ومهدد بالسقوط . والدها اتوفى من وهى صغيرة .
اومأ آمن برأسه قائلاً : طب بص يا عمار . انا عايزك تراقبها . بص من الاخر تبقى زى خيالها . واى حاجة تعملها مهما كانت بسيطة عايز أعرفها .
عمار : تمام يا باشا . هى عموما دلوقتى فى الجامعة هروح على هناك .
اومأ آمن: طب اتفضل انت .
خرج عمار من مكتب آمن متجهاً إلى كلية الطب .
******************************
على الجانب الآخر :
تجلس ريتال بجانب يمنى فى المحاضرة . منهمكة فى كتابة ما يقوله الدكتور .
انتهت المحاضرة وخرجت الفتاتان .
يمنى : ينهااار . المحاضرة النهاردة كانت متلغمة .
ريتال : اه دانا ايدى اتلوحت .
يمنى : طب تعالى نشرب حاجة فى الكافيتيريا على ما المحاضرة الثانية تبدأ .
ريتال : ماشى .
ذهبت الفتاتان إلى الكافيتيريا وجلستا على طاولة صغيرة فى جانب بعيد .
يمنى : انا هطلب عصير مانجا و كوكيز .
فتحت ريتال حقيبتها ونظرت للأموال معها .
ثم رفعت نظرها ليمنى : بصى انا هاخد شاى .
يمنى : لو مش معاكى فلوس انا هعزمك .
غضبت ريتال : بصى يا يمنى انا على قد فلوسى هجيب . على قد لحافك مد رجليك . ومش محتاجة حد يعزمنى .
يمنى : خلاص يا ريتال أهدى والله مقصد .
ريتال : طب يلا نادى الجرسون واطلبى لينا يلا .
طلبت يمنى الطلبات .
وجاء النادل بها ووضعها أمامهم .
ريتال وهى تشرب الشاى : جبتى الأوراق اللى الدكتور طلبها .
يمنى : يالهوى دانا نسيت .
ريتال : ايه !!. دا آخر يوم بكرة .
يمنى بخوف : طب انا هعمل ايه . كدا مش هلحق اخلصها .
ريتال : عليكى وعلى عم حسين .
يمنى : تفتكرى هيخلصهالى النهاردة .
ريتال : مش عارفة نبقى نروحله ونشوف .
يمنى : تمام .
بعد فترة قصيرة. انتهت ريتال من الشاى .
ويمنى تتناول الكوكيز .
يمنى : الواد جاسر جاى عليكى يا معلم قابلى بقى . ريتال بغضب : هو الزفت دا عايز ايه ؟ أنا مش زعقتله قبل كدة عشان يبعد عنى .
جاء جاسر ووقف أمام طاولتهم .
جاسر بابتسامة مستفزة : ممكن اقعد معاكوا .
ريتال : لا .
جاسر : بس دا مفيش مكان في الكافيتيريا خالص اقعد فيه .
نهضت ريتال بغيظ : طب احنا هنسبلك الترابيزة خالص عشان تاخد راحتك .
ونظرت ليمنى : يلا يا يمنى .
نهضت يمنى . وهمت ريتال بالذهاب . فامسكها جاسر من ذراعها قائلا بمكر : بس يمنى مخلصتش الكوكيز بتاعها .
نفضت ريتال يده بعنف قائلة بعصبية : خليهولك .
ذهبت الفتاتان إلى محاضرتهم .
أنت تقرأ
صدمتنى..فاحببتها (مكتملة)
Romanceهو شخص جاد في عمله جدا ومفيش عنده حاجة اسمها هزار كل حاجة بالنسباله شغل وبس هى بقى العكس تماما كل حياتها هزار فهزار الضحكة مبتفارقش وشها ابدا
