Universe of love seeker[ရပ်နား]

(The witch 7) part 43

(Unicode)

ဒီနေ့က နဂါးလှေပြိုင်ပွဲတော်
(ကောက်ညှင်းထုပ်ပွဲတော်)နေ့။

ယနေ့က ပွဲတော်နေ့ဖြစ်ပြီး အလုပ်ပိတ်
ရက်လည်းဖြစ်တာကြောင့် နန်ကျင်းမြို့လေးမှာ မြို့ခံမိသားစုတွေ၊ခရီးသွားတွေ
နှင့် ထိုမြို့လေးထဲတွင် အလွန်စည်ကားသိုက်မြိုက်နေသည်။

ပွဲတော်အဝင်ပေါက်ဝ ကတည်းက ကားဝင်လို့မရသဖြင့် ကားရပ်နားရာကားstand
တွင် ကားအပ်ထားခဲ့ရသည်။ထိုအဝင်ပေါက်မှစတင်ကာ ပွဲတော်လမ်းတစ်လျှောက် လူအလွန်ရှုပ်ပြီး လူကျပ်
သဖြင့် လူကွဲသွားမည်စိုးရသည်။
ထို့ကြောင့် ၂ယောက်သားလက်ချင်းတွဲပြီး လူအုပ်ထဲမှ လူရှင်းရာဘက်သို့ တဖြည်းဖြည်းချင်း တိုးထွက်ခဲ့ရသည်။

အခုရိပေါ်က သူ့ကို နဂါးလှေပြိုင်ပွဲကျင်းပရာအနီးရှိ ဆိုင်တန်းလေးတွေရှိရာဘက်သို့လက်ဆွဲပြီး ခေါ်လာသည်။

လူရှင်းတဲ့ဆိုင်တန်းဘက်ရောက်မှ ရိပေါ်က တင်းတင်းဆွဲကိုင်ထားသည့် ရှောင်းကျန့်ရဲ့လက်ကို အသာလွှတ်ပေးသည်။

ဆိုင်တန်းဘေးပတ်ပတ်လည် ဝန်းရံနေ
သည့် မီးပုံးလှလှလေးများ ချိတ်ဆွဲထားသော လမ်းသွယ်လေးထက်တွင် ရိပေါ်နှင့် ရှောင်းကျန့်မှာ လူတကာငေးမောချင်စရာကောင်းလောက်အောင်
သန့်သန့်ပြန့်ပြန့်နှင့် အလွန်သားနားနေကြသည်။