ام محمد الجبوريه
زهره في الجحيم
البارت ال2
بعد مارجعنا من الشمال الي كانت اجمل واروع سفره
تحدد المهر مالت جلال الاسبوع الجاي
ماما حجزتلنا مركز تجميل
قبل يوم اخذتني ورحنا فريت المول كوله وماما حبيبتي ولا تتذمر بالعكس
جانت اشجعني مااتنازل ع ذوقي وحقي بالاختيار
كانت صديقتي تعاملني اختها الزغيره
ختاريت فستان جان موديله يجنن
الظهر شفاف وردان هم والباقي ستن الصدر كصه مربعه تخبل ولونه رماني
واخذت حذاء فضي واخذت تاج وياها
تاخرنا بالمول من رجعنا لكينا بابا واخوتي يحظرون بالعشه علوش يساعد باب وحسوني يغسل الماعين الي تتوسخ
امي بقت تبوس بيهم حبايبي بعد عمر
اجه حسين ماما شنو جبتيلنا
ضحكت عليهم
هههههه كلشي ماكو هو كلشي الي طلعه بنوتيه
لام: لا حبيبي جبتلكم عطر الكل واحد وساعات وجبتلكم جل مال شعر وسبريه
حسين :هلووو والله خوش بس هذني
وزهرة ناكله السوك كله الها
الاب :حبيبي حسوني باجر نطلع سوه طلعه رجاليه واخذلكم الي تردو
مد السانه الزهرة
اخذتي الكياس مالتي ورحت الغرفتي
خابرت على العروس هيه صديقتي اصلا
من كانت تجي يم بيت خالتها الي هيه مرة خالي
تجي يمي نلعب سوه رغم هيه اكبر مني
بقينه نخطط ونفكر شنو انسوي بيوم المهر
صاحتني امي نزلت تعشيت
وثاني يوم ابويه اخذ الولد
بيوم المهر رحت للمركز التجميلي ولبست فستاني
ورتبو شعري مكياج بناتي يجنن
وامي طلعت ملكه
رحنه البيت خالي ومناك طلعنه البيت العروسه
ذبينه لحم واني اكثر شي لان العروس صديقتي والعريس ابن خالي
كومت العروس وياي تركص
هلكنا من التعب
من رجعنا علوش وضعه كلش متخربط ويكول راسي يوجعني
امي وابوي حتارو بي
بعد فره اطباء ومستشفيات
كتشفنا عنده ورم براسه يضغط على عيونه
والدكتور حذر اهلي لازم عمليه سريعه لان ممكن ياثر على عيونه
انهار البيت وضحك راح
صار الدمع والحصرات بداله
بعد كم يوم اخذو علوش الاربيل
وبقينا اني وحسوني يم بيت خالي
عشنه على اعصابنا الحد مابشرونا تم استأصال الورم بالكامل
بس حبيبي ضايج لان حلقو شعره
من اتصلت بي يكلي زهره راحت الكذله
فدوه حبيبي اهم شي صحتك
من رجعو ابوي سوه غده لوجه الله
اعمامي اجو كلهم ولدهم وبناتهم اول مره اشوفهم من جنت ازغيره ماشايفتهم
انخبصنا والحمد الله وضع علوش زين
بس الدكتور سجله 7 جرع كيمياوي
بعد مايطيب وتبدي رحله العلاج الطويل
صار عرس جلال ماحضرنا لان امي وابوي جانو بجلسه علاج ويه علوش
واني مالي خلك فخالي ماسوه شي
بس البنيه سوة حنه والولد عزم اصدقائه
وثاني يوم اخذ البنيه وطلعو لشمال
رجع الدوام
داومنه اني وحسين علوش اجل لان مايكدر
كمل كل الجرع وبقت بس الاشعاع
وكان لازم بايران يخذهم
حجزو اهلي وكانت عطله نص السنه
حجزلنا بابا وياهم اني وحسوني
بس قبل لايصير السفر ب4 ايام
تخربطت باليل
شفت الموت بقيت بس اصرخ من الالم
من اخذوني طلعت زائده
وسولي عمليه
احتارت امي لاتكدر بعد تعوفني
ولا تكدر تعوف علوش
تالي قنعتهم يرحون واني ابقه يم اخوالي
جان سفرهم يوم الاثنين من طلعو بقيت لازم بطني واكفه بالباب
كلبي حسني اني جاي اودعهم
ودعتهم الوداع الاخير
امي ابوي
علوش حسوني
عيوني جرت وامسح بيهم مااريد اقهرهم
كتلهم ترجعون بالسلامه
وبست علوش وحسوني
وحضنت امي وابوي
اوف ريحتهم مااشبع منها
سافرو واني بقيت مرة خالي وبيبي يداروني
بعد عشر ايام خابر بابا كال راح نطلع المشهد خطيه امج وحسوني خلصوها من المستشفى. للفندق راح ازورهم
سألته على علوش كالي ناخذه ويانا بس يلبس كمامه ويبقه بالفندق مايصير يدخل بزحام
جانو يصورون ويدزرلي
بوقت الرجعه اسمع بيبي
تخابر بامي تكلها شبيج يمه شنو ابريج الذمه اسم الله
خفت مااعرف ليش
ثاني يوم اجانه اتصال
المتصل موظف بالسفاره العراقيه بايران
وصلنا الخبر الي
ضيع كل احلامي
وسرق مني كل فرحتي
.
.
.
.
.
يتبع
أنت تقرأ
زهرة في الجحيم
Short Storyالقصه تتحدث عن فتاة تتزوج زواج شكلي فقط لاجل استرجاع حقها المسلوب منها عنوه وغدر فهل تسترجعه ام تسقط في جحيم اخر وتفقد حريتها ويذهب كل شي سدا ام تكسب قلب من تتزوج وتنتصر على من طعن ظهرها بسكين ذو القربا زهره في الجحيم
