ام محمد الجبوريه
زهره في الجحيم
البارت 22
🍀🍀🍀🍀🍀🍀
عاندت اله اروح واني كلبي مفرفح
اخذني قيصر وعمتي ورقيه راحت وياي
بس وصلنا دخلت تلكتني امل
هلووو ولج هيج تكطعين بينه قسوم يبجي عليه
باوستها ودخلت لصاله لكيت عمتي والبنات كاعدات واكو نسوان اقاربهم هم موجودات بعدهم مارايحات بنت عم ابو وخالاته وموجوده ام رواء واخواتها
الظاهر مسوين عشه والزلم بالمضيف
شويه اجه عمي واحمد وليد وسامر
اني دموعي تجري
نور ورغد يضحكون مااعرف ليش
بالله نور اعرف تكرهني رغد ليش تضحك فرحانه لان اخوها هيج سوه بيه
رشا وهند كاعدات بدون اي كلام ولا اي ردة فعل ونسوان وحده تندس الثانيه البيت بعده مخبوص
كتله عمي فدوه اريد اطلكني من ذياب
حجت وحده من عماتهم برد يمه
شنو يطلكج مايصير عيوني يجوز شايله منه هسه طفل
نطت منيمهه رشا كدام النسوان هو وين متقربلهه بعدهه بنيه
النسوان كلهن نخبصن يا صدك ليش عمتي لا عيني شنو هلحجي منو كال رشا انتي شمدريج نايمه وياهم موعيب هذا الحجي
مرت عمي الثاني تكول اي صحيح هو نافرهه ميريدهه بس كوه عليه مجبور تزوجهه
عمتي يا منين تجيبن هذا الحجي ماكو هيج شي اصلن
صار شد بالكلام هي ومرت عمي وجان تكلهه راوينه وصلتهه وعمتي تكلهن هي مرته يمه هو شوكت يريد ياخذها
بعده يشوفها زغيره
يجاوبنهه اذا صغيره شكو تزوجهه جان انتظرهه من تكبر احجي الصدك خاف مو بنيه وجاي يستر عليهه
الشهاده لله عمتي بيومها تخبلت
تعاركت وياهن وتكلهن حرام عليجن اطعنن بيه يتمه
اني مااتحملت طلعت حتى مااسمع كميت الاهانه والمذله الي تعرضتهه او هو ذياب مااعرف قدري خلاني اتعرض لهيج اهانه
عمتي اسمعهه تصيح وتبجي صاحتني الغرفتها هي وعمي وعمتي ام رقيه تفاجئت ذياب موجود جان عصبي نار وعمتي تبجي وعمي صاير اعصاب
مو كالو ماموجود
ها عمه بس مبينه جنت ابجي
سمعتي النسوان شحجو مساع انتي هم انطي من نفسج شويه تضلين خوافه
كمت ابجي كتلهم لا اضل خوافه ولا شي ذياب هسه تطلكني اني مااريدك شنو كعدتي يمك شنو هو حاجزني وراح يزوج عليه
أنت تقرأ
زهرة في الجحيم
Short Storyالقصه تتحدث عن فتاة تتزوج زواج شكلي فقط لاجل استرجاع حقها المسلوب منها عنوه وغدر فهل تسترجعه ام تسقط في جحيم اخر وتفقد حريتها ويذهب كل شي سدا ام تكسب قلب من تتزوج وتنتصر على من طعن ظهرها بسكين ذو القربا زهره في الجحيم
