زهرة في الجحيم

16

ام محمد الجبوريه

زهره في الجحيم

البارت 16

🍀🍀🍀🍀🍀

مرت الايام واني بين الدراسه الي صعبت عليه بسبب شغل البيت الي رشا رفعت ايدها نهائي عنه يوميه مطلعه حجه
لو تروح الاهلها لو بنتي مريضه
لو هيه مريضه
ومستمره الحكايه
وامل بشهر الثامن وتعبانه كلش ماريد نضغط عليها

اما نور فهذي ان حظر لا يعد وان غاب لايفتقد بغرفتها نشوفها بس بوجبات الاكل

وبين طلبات ذياب الي متخلص لان ميقبل احد يوصل او يخدمه غيري
حتى يثبت للكل زواجنه مو شكلي
بس عمتي كشفتني من اول شهر

لان اني من تجي النسائيه اتخربط شويه وهذا طبيعي كل بنيه بس من تزوج يخف عدها واكو ينتهي

شدت وياي عبالها اني ماانطي مجال
الحد ماعترفتلها بكلشي

هيه ماضم شي على عمي
صاحني عمي الغرفتهم

وحجة عمتي هذا عمج كتله وهو يعرف كلشي هسه ماكو داعي نضم عليه وهو يمثل عبالك حياتكم طبيعيه

فهمينه بويه ليش زواجكم ماتم لسه

احجي يمه ليش ساكته

شحجي عمه

شنو شتحجين ليش ماتم زواجكم مثل العالم  فهمينه خلي نعرف راسنه من رجلينا

هو كال زواجنه هيج يبقه شكلي الحد ماتتخرجين واطلكج

حجه عمي: بويه مافكرتي اذا نفذ كلامه وين ترحين
اذا صرتي مطلقه من ذياب شلون تعيشين هنا بعد

ميخالف نكول ارتبها الج منو دايم الج اني اعمامج اشو كل واحد شايل طلقته بيده كل واحد منه بي مرض كتله بعد يومين
لو ترجعين  يم خالج ونتي شفتي بعينج شنو راد يسوي

وعمتج مادايمتلج بعد يومين اروح الدار حقنه الدايم الج رجلج

حاولي تكسبي مو تنفري وهو هم مبتعد منج هاي شطلعت لازم واحد يكسب الثاني
يابويه موزين عليج الطلاك وانت زغيره
انوب العالم تحجي بيج تكوم باجر عكبه منو الج

شوفي يمه حجت عمتي
من تصعدين. يمه البسي قصير وعدلي نفسج وتموعي

باخر كلمه دخل ذياب كلها
حجيه ماتحتاج تتماوع عليه
زهرتي هيه مايعه من الله

وحجه بعصبيه مايحتاج تعبين راسها  عليه جان عصبي بس صوته ناصي
وتعلميها شلون تغريني

بس العتب على الحجي الي كاعد بيناتكم

ويباوع عليه وعيونه طافحه يمكن لو وحدي يمه يفترسني

على كيفك بويه احنه نحجي غير المصلحتك ولك بويه انت ابني الجبير وتختلف عن الكل
اريد اشوفك مستقر بحياتك
ولك ابني بذات شالع كلبي وماارتاح اله اشوفك مستقر ومرتاح