زهرة في الجحيم

8

ام محمد الجبوري

زهرة في الجحيم

البارت ال8

🍀🍀🍀🍀🍀
توجهنا من المستشفى للامام

بعدها رحنا تغدينا

جنت حاير وخجلانه اكله شلون نكعد بس اني ويا بالبيت

حسبه تاخذني وحسبه ترجعني اني ثقتي بيه عميه والي اهم منها هو يعاملني مثل اخواته صح تغير بالفتره الاخيره

وحتى من دخلت للامام وشافني لابسه عبايه بقه يغنيلي

ياام العبابه حلوه عباتج
ويضحك

اني غندبت لان اعرف هو يريدني البس عبايه

والله حلوه عليج طالعه مره صدك

ليش بدون عبايه شنو زعطوطه

والله اشوفج هيج بدون عبايه هههههه

لا ذياب عفيه لاتبقه اصنف عليه والله ازعل

لازعلين بت عمي يالله اروح

اي عفيه الله يخليك ادعي البيبي

ان شاء الله ربي يكومها بالسلامه

وحنه راجعين اتصل عمي بذياب

كله بويه احنه بيتك اجينه امك خبصتني
واجينه

ذياب هله بيكم بويه اي احسن تره بت اخوك مامانا ويايا وحدنا بالبيت

يمه باوعت عليه هذا شنو يقره افكاري

كلت طبعا قاضي بعد الله يستر من الجايات

بس صدك حسيت براحه من عرفت جاين

لمن وصلنا شفته بيت مرتب وكلش حلو بي حديقه مو جبيره بس كلش مرتبه

ومطبخ باب من بره والثاني على الصاله

وبراني هم باب خارجي والاخر على الصاله
وغرفتين كلش نازك باثاثه وانارته وترتيبه

مااعرف ليش فكرت من يجي بغداد وحده احيانا يبقه شهر معقوله بوحده هنا يبقه
وعيني اخذتني للغرفه شفتها بيها غرفت نوم ملكيه اجنن

والغرفه الثانيه فارغه بس بيها زوليه وبوفيه بيها نضيده

المطبخ مرتب بطريقه اجنن عبالك البيت بي امراة لان المسات الانثويه مين ماتنضر متوفره وتنطق بالجمال

عمتي جانت بالحمام وعمي واحمد يباعون على التلفزيون

ذياب عيني زهوره خلي ملابسج بالغرفه واخذي راحتج

مااعرف ليش رحت للغرفه الي بيها بوفيه حسيت البيت اله صاحبته ومتقبل احد يخرب نظامها وباي لحظه تطلع اسلم علينه

اخذت ملابس ورحت للحمام الثاني سبحت من طلعت لكيت عمتي طالعه بسرعه فتحتت اديها اليه