زهرة في الجحيم

11

ام محمد الجبوريه

زهره في الجحيم

البارت 11

🍀🍀🍀🍀🍀🍀

يومين عشناهم جحيم الكل اس واس
ذياب حارك البيت بس يصيح
ومنو يحجي ويا يعيط بي

اني مااطلع بس من يردون مني شي

صاحتني عمتي
وجانو الولد كلهم طالعين نزلت بدون حجاب

بعدني ماواصله لنهايه الدرج
عاط بيه صوت والله كمت ارجف
اني شحجيت مو كلت حجابج ماينزل من راسج
وليش نازله بتراك تعاندين يعني
ولج بالقران اعيد هيكلتج من جديد
ولي البسي شي مستور ونزلي

عمتي طلعت من البراني على صوته
شبيك يمه اني صحتها تعالي عمه ماعليج بيه

يمه الخاطر الله خلي تتستر وتجي
ولك شبيك تخبلت علينه ام الصالون جوه وتريد اشوفها شمالك صوتك هز البيت حتى المرة جفلت

جرتني عمتي واخذتني للبراني

جانو البنات كلهم كاعدات

ام الصالون اللهم صل على محمد وال محمد
فدوه اجنن ربي يسعدهم

كعدنا سالتني شعرج تغيرين بي شي لون قصه مثلا
كتلها ماادري

رغد كلتلها لحظه اسأل اخوي واجي
من رجعت وجها مطعون البنيه مبينه ماكله رزاله
عيني يكول لاتلعب بشعرها ابد

صار عيون يدلل العريس
اختارينه التسريحه والمكياج
وكالت باجر ب10 اصبح اني يمج

كتلها عمه يعني ماروح لصالون
رشا ونور خربو ضحك

رشا: عيني انتي هنا دخلتي بسجن بوكه لا صالون ولا تصوير كله بالبيت

نور: حبيبتي ماعدهم نسوان تفرفر بالصالونات تعلمي من تردين شي تتصلين بيها هيه تجيج
سألت رغد شبيج وجهج اصفر
اسكتي خيه طيح حظي وكال اذا لعبت بخصله وحده اكص ركبتها
منو ام الصالون
لا يحظي انتي

ثاني يوم كان يوم المهر مالتي ذياب ماكو والكل يسأل عليه جهازه مغلق
رشا واختها يبسمرن بيه شرد الولد منها
ونور تكلهن دكلها طابع هههههه كفو الذيب والله ماينكدرله

اجت ام الصالون وكملتني وتغدت العالم
وذياب ماكو
حتى يكملون الخجل مالتي رشا ونور اصرو يطلعوني من الغرفه لصاله كعدت بالكوشه الي مسوينها
اجت رغد كالت حبيتي خابرت ذياب كال اني بالطريق صار عندي شغل ضروري

ولج لاتعبسين اضحكي كلها متمنيه اصير اله وشماتكم هواي
وشوفي هذيج الي كل شويه تبجي ويسكتنها اخواتها
منو
هذيج الي بيدها طفل يرضع
اي شبيها
هاي زوجته الي طلكت علمود الخلفه
تدرين تكول والله لو يقبل اطلك ورجعله
انعل ابو البزر الي علمود ضحيت بذياب
تدرين شلون جان مدللها
وهسه حصره عليها كلشي