ام محمد الجبوريه
زهره في الجحيم
البارت 15
🍀🍀🍀🍀🍀🍀🍀
بعد الغطه وسحبني من ايدي
صرت مقابيله جانت قريبه كلش عليه
خفت كتله شتريد اسوي
وهو لازم ايدي بايد والايد الثانيه على خصري
هههههه جبانه
لاتخافين بويه تعالي تعشي
شتفقنه قبل شويه وكعدني مقابيله
جنت ميته جوع من اخجل اكل
اكلت شويه وكلت الحمد الله
شنو هاي اكلي بنيتي احسبيني رقيه كاعده تاكل وياج
هههه رقيه لا ماترهم ابد
طبعا ماترهم تره حجتلي رغد كلشي صار بينكم البارحه
احس جسمي كله رجف وعيوني وحدهم بقو يصبون دمع اعصابي تلفت رغم هو فهمني بس خفت لا يتراجع ويتمم زواجنه
اني مو رافضه بس صعب تعيش هيج شعور ويه انسان مارايدك
وبعده كلبه يم طليقته رغم ازوجت
على كيفج بنيتي عادي يصير كلام بين الصديقات ورقيه ماحجت شي غلط
انتم مجموعه طبيه يعني كلشي عن جسم الانسان ادرسو
شويه واجو اخذو العشه
رحت غسلت وهو قبلي غسل و ودخن جكاره
زهوره سويلنه جاي بمطبخج
خدرت الجاي واجيت يمه شرب وبقه يحجي وياي
شوفي الي يصير هنا ممنوع يطلع بره
وخاصه اتفاقنه اني فهمت ابوي عندج عذر شرعي
وبعد هذي اليله محد راح يسأل على شي
اريدج تصرفين كدام الكل زواجنه طبيعي واي احد بسأل كولي الحمد لله
اي كلمه غلط راح يؤولون عليها قصص
وخاصه رشا مااريدها اسوي افلام عليه وعليج زين
جاوبيني زين لا ولا
لا الي تريده اني اسوي
عفيه السباعيه
طبعا مااوصيج شنو الي انتي تكونين مسؤله عنه بعد
واني كلشي يخصج مااقصر عنه
تسلم ربي يحفظك
مشت الايام وحنه على وضعنا الكل يعرف عندي عذر
محد سأل ابد
بس عمتي كتلها بعد يومين
قصدت قبل السبعه بيوم
بيوم السبعه اجت ام الصالون رتبتني
ولبست بدله قصيره
الظهر والصدر سبعه وماكو ردان
لمن كملتني طلعت
بعدني مانازله صعد ذياب
شكد استحيت منه كتله عفيه غمض
ههههه راح اغمض بس شلون البسج هديتج
هديه شنو
تعالي اني مغمض مااكدر اجي
تمنيت اختل بس صاحني يالله تعالي
رحت عليه
بس وصلت يمه فتح عيونه وضحك
طلعه تخبل العصفوره
لبسني زنجيل بي فص ازرك يجنن
أنت تقرأ
زهرة في الجحيم
Short Storyالقصه تتحدث عن فتاة تتزوج زواج شكلي فقط لاجل استرجاع حقها المسلوب منها عنوه وغدر فهل تسترجعه ام تسقط في جحيم اخر وتفقد حريتها ويذهب كل شي سدا ام تكسب قلب من تتزوج وتنتصر على من طعن ظهرها بسكين ذو القربا زهره في الجحيم
