زهرة في الجحيم

20

ام محمد الجبوريه

زهرة في الجحيم

البارت 20

كملت اكلي وكمت

احمد : دخليلي شكر شبيك صارلك ساعه سحلت روحك ومطنشتك ياااابه هاي انته الثكيل هيج يطلع منك وكلهم يضحكون
وداعتك اخوك استخف

رشا: والله خويه ماادري تمثل صدك هذا الشي اشو رواء شكد جنت تحبها ماسحلت نفسك يوم عليها

احمد: شنو سحل نفسه احجي بادب

ذياب: خلها تحجين هاي اكو نار ماتعرف شلون اطلعها

كامت وماعاجبها اجت يمنه بالمطبخ
اني اشتغل واسمعهم يحجون كملو وكامو

البنات كلنه بالمطبخ

اجه يمي يكول العفو ست ممكن بلا زحمه كوب جاي واكون ممنون

درت وجهي منه ومتت ضحك سويتله جاي ونطيته اله استحيت من هذا تصرفه كدام الكل احرجني

همه عدهم عادي وبالاخص ذياب يعرفون حركاته

احنه نشتغل

رشا : شنو متعاركين انتي ووذياب

لا بس شويه اني زعلانه عليه

انتي زعلانه علي لو هو البارحه سحلج علمود هنود وزعلتي

لا عيني زعل حبايب مو من كل كلبي عادي اي رجال ومره تصير بينهم يعني خصوصيات بيني وبين رجلي لتشغلين نفسج بيهه

باوعتلي صفح وكالت هههههه رجال ومرته خصوصيات اني ورجلي هو مو ياهيه الي اجتي كالت رجلي ومااتوقع زواجكم مثل الباقين هذا يدل على انو ذياب لحد الان ممتقبلج واصلن هو مااتزوجج هيج زواجه الج شفقه اصلن هو يريد هنوده وحتى محاجي امي عليها

ضحكت بصوت عالي وكلتله ماراح اجاوبج واتعب نفسي وياج

ومشيت رحت للهول كاعدين عماتي ام رقيه وام ذياب وعمو واحمد. وذياب

كتله عمو تقبل هاي المصفركه تكلي زواجكم مو مثل الباقين وذياب تزوجج مصلحه ومرايدج وهو اصلن رايد اختي واني دااحجي ويا وهي فاتت

لا والله عمو دشاقيهه بس هي متتحمل شقه

ذياب : رشا منين تجيبين هذا الحجي الفاشل اني مااقبل واحد يحجي ع مرتي وبعدين شنو قصدج بزواجنه مو مثل الباقين اريد افتهم

ها لا والله ليروح بالك بعيد قصدي ممنسجمين انته اكبر منهه وهي هواي صغيره

منو كالج ممنسجمين لا منسجمين ونص وبعدين هي مرتي واني حبيتهه واخذتهه اني احب هيج بنيه احب البنيه الصغيره وهي بنوتي. مو بس مرتي

ورجاءا رشاوي لتدخلين بعد بمرتي مااقبل احد يسمعه حجايه لان بعد مااتحمل منج حجايه بس اسمع حجايه ثانيه احتمال تصير مجزره هنا فاهمه