ام محمد الجبوريه
زهره في الجحيم
البارت ال4
🍀🍀🍀🍀🍀
بعد فتره من جية عمامي ولدهم اثنين
وجان طلب عمي اروح وياهم الديرتهم
بس ماقبلت لان مااعرف احد هناك
وهنا مدرستي صعب اتاقلم بمكان ثاني واني سادس
وعدت عمي اذا احتاجهم اخابر عليهم
وهو كالي تليفون واحد اني يمج لاعبالج الطريق يبعدني لا والله مايبعدني عنج الا الموت
عمرك طويل عمي وبست ايده وخليتها على عيوني
مااعرف ليش هيج سويت يمكن جنت اتمنى ابوس ايد ابوي
جانت مرة خالي كالبه خلقتها تكول كاعده على كلبها
رغم اني ماكاعده بلاش خالي لازم المعامل مالت ابوي
وياكلون بخير ابوي
غير ابوي عنده بيتين بعد غير بيتنا ماجرهن
وهاي صار سنه ونص على وفاة اهلي ماشفت فلس ولا حاسبت خالي على شي
جنه كاعدين ومرة جلال تغسل بالطارمه واني انظف المطبخ
جلال بغرفته
وبيبي تصلي نوافل بغرفتها
خالي بالمعمل
ام جلال: اكلج زهوره ماصعدين الجلال
كليله خالتي تريد فلوس محتاجتهم بسرعه امي خالج ماخلالي اليوم
اني بدون مااسأل صعدت بسرعه الجلال
متعوده هو مثل اخوي
بس اكو بشر مايخاف الله يكول يتيمه اشهر بيها هيج
دكيت باب الغرفه ودخلت جلال متمدد على الجربايه
هستوني احجي ويا انسدت الغرفه واسمع مرة خالي تحشم
جلال طفر يريد يفتح الباب خالتي لازمتها من بره لمن اجت مرته وبيبي
فتحتها جلال جان قريب يم الباب واني هم قريبه عليه
وهو بس بالشورت
كعدت تلطم مرة خالي تردين اصخمين اوجوهنا اذبين نفسج عليه عود لان مرته ماصار عدها طفل لسه تقشمري للولد
اذبحج ومااخليج تخربين بيت ابني
جلال: يمه هو شكو صلي على النبي
ام جلال:اسكت نذل زوجتك دره من الله تباوع للسحاله ليش ولك مو بت خالتك تحبك ومتحمله الظيم
اني بس عيوني اصب ماافهم شكو
ومرة جلال تباوع مامصدكه
بيبي مهبوطه
ومرة خالي ماتسكت تالي كالت ماتبقه بيتي دقيقه بعد
هاي تهجم بيوت
أنت تقرأ
زهرة في الجحيم
Short Storyالقصه تتحدث عن فتاة تتزوج زواج شكلي فقط لاجل استرجاع حقها المسلوب منها عنوه وغدر فهل تسترجعه ام تسقط في جحيم اخر وتفقد حريتها ويذهب كل شي سدا ام تكسب قلب من تتزوج وتنتصر على من طعن ظهرها بسكين ذو القربا زهره في الجحيم
