ام محمد الجبوريه
زهره في الجحيم
البارت 17
🍀🍀🍀🍀🍀🍀
كاعدين كلنه بالحديقه واجه فات بالسيارة مالته وسد الباب
السلام عليكم
كلها ردت اني ساكته
وكعد وبكل ثقه شايل خشمه عليه فوك غلطه ميتحاجه
رحت للمطبخ دااسوي لبن واحضر المقبلت بديت هستوني باوعت من الشباك عليه يضحك ويسولف ولا عبالك صاير شي
يشاقي بت احمد وهند كاعده قريبه عليه
تحجي ويا وهو يضحك
رشا الفرح ماشايلها عبالك اختها وهو مخطوبين وجاي يسامرون
صارت الصلاة فتت دااصلي وهمه هم كلمن كام يصلي
شلنا العشه تعشينه واني نفسي مسدوده ابد مااشتهي بس اكلت تمر ولبن مااشتهي اكل كد ما مقهوره احس الاكل سم مااجرعه
كملو لميت السفره وغسلت الماعين والسفريات ذبيتهم بالصطله
طبعا بكم يوم صرت عامله رابعه الهم
بس اختصاصي مطبخ
ورحت للحديقه
كاعدين كلهم. اسمع عمو يكول لحيدر بويه خطيه مرتك اليوم ابد مااكلت شي لاغده ولاعشه من القهر
صار عصبي وكال استغفر الله هم جبتلي طاريهه يطبهه مرض
صارت الكلمه باول ماوصلت يمهم يعني بوجهي رجعت للبيت وصعدت بدلت وغسلت ونمت على التخم اذكرت اهلي
لو ميته وياهم ولا هذا الذل
وضليت ابجي لحد ما اجه
يسمع صوت شهكاتي ويكلي اش كافي راسي يوجعني ماريد اسمع صوت
بكلبي كلت حسبي الله ونعم الوكيل حتى الواحد ميخلو يبجي بهلبيت طلعت رحت لجناح الثاني الي جان غرفتي
بقيت ابجي لحد تقريبا 3 باليل نمت ساعتين وكعدت بس كعدت كوه فاتحه عيوني بكد ما بجيت عيوني مورمات وحمر حيل
نزلت دااسوي بالريوك بس روحي طافره صايره نار كعدو كلهم
سئلوني شبيهه عيونج ليش هيج
كوه جاوبت مابيه شي بس بضوجه
هستوني بديت اكل ونزل ذياب
صباح الخير
بكلبي كلت لاهله ولا مرحبا
كلهه جاوبته الا اني وكف يمي ومخلي ايده ع خاصرته
ولا انداريت اله ولا عبرته عفت الاكل وكمت اريد اغير ملابسي اروح لدوام
هز ايده وكعد وارتجى وبكل غرور صاح تعالي جيبيلي جاي
جبتله
أنت تقرأ
زهرة في الجحيم
Short Storyالقصه تتحدث عن فتاة تتزوج زواج شكلي فقط لاجل استرجاع حقها المسلوب منها عنوه وغدر فهل تسترجعه ام تسقط في جحيم اخر وتفقد حريتها ويذهب كل شي سدا ام تكسب قلب من تتزوج وتنتصر على من طعن ظهرها بسكين ذو القربا زهره في الجحيم
