زهرة في الجحيم

3

ام محمد الجبوريه

زهره في الجحيم

البارت ال3

🍀🍀🍀🍀🍀

مجمعين بمطار النجف الساعه ب8 باليل

وكانو اعمامي ولدهم واقارب ابوي كلهم موجودين

واني وخالي وبيبي ومرة خالي وياي ثنين صديقاتي ماتركني ابد من سمعت

الخبر الحد هذي الحظه

اعمامي كلهم نازعين العكل ولافين الشماغ لف دليل المصيبه والحزن

عماتي ينعن بس اني غريبه عنهم محد تقدم عليه
عبالك ميعرفوني

صارت ب12 وصلت الطياره جانت متاخره ساعتين

الي شفته دامار مستحيل احد يكدر يتحمله

نزلووو التوابيت اربعين تابوت

كلهم عراقين جانو زوار وصار الحادث

عمي ابو ذياب يصيح الله وكبر شنو من مصيبه

المطار ارج بالصايح والبجي العوائل كلها عدها احد ميت

بس اني مصيبتي غير

اني اهلي كلهم ميتين

اني بقيت وحدي محد الي

بيبي تبجي وتنعه على امي

وعماتي ينعن على ابوي

واخوتي منو ينعه عليهم المفروض اني
بس اني ميته وياهم واريد الي ينعه عليه

استلمو الجنايز وخذناهم نزورهم بس اني تخبلت مااكدر اسكت

جنت امشي بنصهم وصلنا للحضره اريد ادخل وياهم ميخلوني لان من جهه الزلم

من اخذوهم للمكبره وصفطو التوابيت

صرت مثل المخبل اتنقل بين توابيتهم اريدهم يكعدون

اني وحدي وخايفه ليش عفتوني

احضن تابوت ابوي واحاجي بابا وصيتمن بيه

وارجع الامي اكلها منو يكلي اميرتي بعد

حسوني اكعد حبيبي علوش ماتحملت تروح وحدك اخذتهم وياك واني ماتحبني

من شالو اول تابوت الي هو ابوي حضنته ماريد انطي تالي صديقاتي سحبني واني روحي مفرفره اريدهم

دفنوهم تخبلت كمت املخ بشعري بدون شعور
واشيل اتراب واذب على راسي

اني محجبه بس مااعرف شلون صار هيج حسيت شخص كعد كبالي ينشخ ويمسح بوجه عدل شالي وكالي ترحميلهم بويه

وخذ راسي خله بحضنه حسيت شميت ريحه ابوي رفعت راسي مفزوعه

مو ابوي ولد يطلع عمره بالثلاثين

من كملوووو الدفن شمرت نفسي على الكبر مال ابوي

تالي اسمع صوت يكلهم توكلووو اني اجيبها من صفه الجو امي وابوي دافنيهم واحد بصف الثاني
حسون بصف امي وعلوش بصف حسون كمت نمت بين امي وحسون واعاتبهم