ام محمد الجبوريه
زهره في الجحيم
البارت 21
🍀🍀🍀🍀🍀🍀🍀
نمت بداية اليل شويه وكعدت كمت الوب من الالم احس نفسي جمرت من الالم رحت اركض للحمام اتقيء
ذياب كعد ع الصوت واجاني يركض اخذني وهو بيده غسلي ورجعني للغرفه كايدني واني مرتجيه عليه ومصخنه حيل
هاي ليش هيج مصخنه حيل اطفي السبلت
اي عفيه بس خاف انته تريده
لا لا عادي نمت كتله هاهيه روح نام الحمد لله صرت حتى صخونتي نزلت
مدد وكلي اني كاعد اي شي تحتاجي بس كولي
ان شاء الله
لشويه وهو نام واني بديت اصخن وحالتي سائت بشكل كمت اون وارجف هو حس
ها هم رجعتي صخنتي كومي اغسلج مااكدر مابيه حيل
لا كومي اني وياج كمت كوه امشي وذابه ثكلي عليه غسلت وكملت ووكفت يم باب الحمام مااكدر اتحرك رجليه كامن يرجفن بعد مااكدر امشي
ها
ماكدر امشي كلي يله هاي الجربايه عيني صيري قويه
مااكدر ابد
كعدت بالكاع
شالني واني اكله لا عفيه نزلني
وهو يهمس اششش خلاني على الجربايه
ونام بصفي وغطاني وحضني
لا عفيه ابعد شويه
ام عقلين تره انتي لابسه درع ونايمه بصفي
ام محمد الجبوري
نمت للصبح
هو كاعد وبعده مدد بالفراش
صباح الخير ع الحلوات المريضات
صباح النور
شلون صرتي
الحمد لله
يالله عيني كومي تريكي
بعدني نعسانه اريد اكمل نومتي لوجه الصبح الا نمت اليل كله الوب
دنزلي تريكي وارجعي
ما اكدر والله عبوني ينغلكون وحدهم
نامي اخذي راحتج
رجعت نمت وهو راح سبح ونزل يتريك
لشويه واجتي عمتي هجمت عليه متكومين محنايه حضرت جنابج يله كومي كملي شغلج كتله عمه والله مريضه ومااكدر خلي البنات اليوم بمكاني اني مو يوميه بمكانهم اشتغل اجت جرتني من جتفي ودفعني وتكول يله كدامي كمت غسلت ونزلت
ذياب مموجود ما اعرف وين رايح وبديت اشتغل واني مريضه كوه واكفه ع حيلي ذاك اليوم ابد ميروح من بالي ولحد الان كلما اتذكره كلبي ينخدش واني كوه اشتغل ومريضه وهي شدت عليه جيبي هيج رجعي هيج وكلما تاخرت بحاجه تضربني ع راسي لو تدفعني واني بكلبي اكول حسبي الله ونعم الوكيل ساعه تكلي تصعدين تنظفين البنكات مال البيت كلهن صعدت نظفتهن رجعت كالت تنظفين السيراميك مال المطبخ كله كله نظفته وسكتت اجه عمي كاللهه مو البنيه مريضه ليش هيج مو حرام عليج يا مره وهي تجاوبه اسكت انته اسكت كلشي مابيهه شي لا مريضه ولا كلشي بيهه بس كاعده وتتميع ع ابني الله ذبهه عليه غضب الله ياخذج اشتغلي واني ساكته ابد مجاوبت
عمي كالي اتركي كلشي وروحي الغرفتج
أنت تقرأ
زهرة في الجحيم
Короткий рассказالقصه تتحدث عن فتاة تتزوج زواج شكلي فقط لاجل استرجاع حقها المسلوب منها عنوه وغدر فهل تسترجعه ام تسقط في جحيم اخر وتفقد حريتها ويذهب كل شي سدا ام تكسب قلب من تتزوج وتنتصر على من طعن ظهرها بسكين ذو القربا زهره في الجحيم
