ام محمد الجبوريه
زهرة في الجحيم
البارت ال7
🍀🍀🍀🍀🍀🍀🍀
هلوووو بنات
متابعات قصه زهره في الجحيم تاخيري يومين بسبب هذا البارت
مااعرف شلون اوصف هيج نموذج من البشر الي غلب طبعهم طبع الحيوانات المفترسة بالطمع والجشع
صدكوني يومين اكتب وامسح. وارجع للمسوده وللي كاتبته الي صاحبة القصه مستحيل اتخيل
هيج بشر بزر حلال يكون
وصدكو بزر الحرام مو بس الي يجي من علاقه غير شرعيه
لا هناك كثير اشياء تجعل من الطفل لشيطان حصه بي
الي نكتب بهذا البارت اليوم نقلته نصا بدون اي اضافه او تعديل عن لسان صاحبة القصه لان الموجود يفوق الخيال
🍀🍀🍀🍀🍀🍀
بعد اسبوعين من الحادث الي صار وياي
طبعا اذياب اخذلي اجازه وجددها
وكنت ماانزل العاملات يصعدولي الاكل واني متواصله ويا طالبات وياي بالمحاضرات يوم بيوم حتى ميضيع شي عليه
جنت جاي ارتب محاظراتي وماخذه راحتي بالجناح الي كان مخصص الي
جنت لابسه دشداشه رياضيه قصيره
وشعري ذيل حصان
ودخلو عليه شلون المداهمات رشا وهند اختها
ستوني كمت اريد ارحب بيهن عبالي يسألن عن حوالي
ومااحس اله جرتني رشا من شعري تكول عدها عتبه ويا وطاحتلي دفرات وتضربني على وجهي
وهند تصيح ك.....داخله بحيل صدر
تريد توكع الزلم كلها شوفي لبسها تكول وحده جايه من بيت دعاره ام الزلم
ورشا تكلها موتها على ايدي بواكه الزلم
تتمسكن العايقه اني اصيح واشاكف بديه
عمري محد ضاربني هيج بحياتي
اجت امل خطيه وبطنها كدامها تركض
تريد تفكني منهن والله خفت عليها اكثر من روحي لا تجيها دفره وهيه حملها صعب
ورشا تكلها ولج ثوله لازم تكتليها ويانا
ولج هاي تغري بزلمنه
على صايحنا
دخل ذياب وبصوت واحد ثنينهن جمدن واني جني طير مهلوس ركضت ختلت ورا وهو يصيح وامل خطيه لازمه بطنها وجر نفسها بصعوبه
شكو ولجن شنو كالبات البيت شبيجن وليش هيج وياها
رشا: شوف خويه احنه بنات عشاير وماتطلع من عدنا العيبه
هاي بت عمك تستعرض بنفسها كدام زلمنه وشوفها بعينك شنو لابسه
مااعرف شلون حجيت واني اناشغ وابجي كتله والله بغرفتي ماطالعه
بره ابد وانت كتلي بغرفتج براحتج
حجت رشا بغرفتج ذياب اسمع واذا اني غلطانه لطني على حلكي تقبلها احمد وسامر كاعدين بالجلسه مالتكم ويتغزلون بجسمها وبشعرها وبجمال وجها وتنسيق خصرها ويه طولها
أنت تقرأ
زهرة في الجحيم
Short Storyالقصه تتحدث عن فتاة تتزوج زواج شكلي فقط لاجل استرجاع حقها المسلوب منها عنوه وغدر فهل تسترجعه ام تسقط في جحيم اخر وتفقد حريتها ويذهب كل شي سدا ام تكسب قلب من تتزوج وتنتصر على من طعن ظهرها بسكين ذو القربا زهره في الجحيم
