ام محمد الجبوري
زهره في الجحيم
قبل كلشي اعتذر منكم ع التاخير يومين
لان مجاني مااكدر انشر
🍀🍀🍀🍀🍀🍀
البارت ل5
قبل مانوصل عمي حجه وياي
الحجي: شوفي بويه انتي صح لابسه حجاب بس البنطرون ماراهم يابنيتي
واحنه عالم عايشين بنص عشائر وناس ماترهم عدهم هيج
عمو بكيفك شنو تريد البس
التفت ذياب شوفي بويه بناتنا حتى عباة يلبسون انتي مانكلج البسي عبايه لا بس
البسي شي مستور وياعيني انتي ماشاءالله. جسمج يلفت النظر
اشوف عمي ضحك
وذياب لونه تغير
كتله بكيفكم شنو تردون البس اني
الحجي عفيه بنتي الحبابه اعرف امج
معدله خوش تربي الله يرحمها
قبل لا نوصل اخذني ذياب لسوك واخذلي جبه حلوه سوده خلاني البسها بالمحل
واخذلي دشاديش هم نازكات بشكل وحلوات بعد ماسألني كتله كل ملابسي تراكات
ذياب:البسيهم بغرفتج ها ماكتلج تره هناك ماكو وحده تنزع حجابها حتى اخواتي لان بيتنه مايخله من الشباب
صح تفاجئت بس مو لان كال مايخله
لا تفاجئت من التعامله وياي يوجهني مثل الساحر مايخليني ارفض شي اله
يمكن اني منقاده اله لان بي كثير شبه من ابوي وحبيت احس ابوي عايش ويوجهني
او هو عنده شخصيه يعرف شلون ياثر على المقابل
وصلنا البيت عمي
اني بيوم الفاتحه مانتبهت على شي
اباوع مو بيت يجنن عشر مرات اكبر من بيت خالي
نزلنا ذياب ومشه اباوع انفتح باب ثاني الظاهر يدخلون السيارات منه
دخلنا من الباب ممر عرضه مترين تقريبا
وع الجوانب شتلات ورد اشكال والوان
حسيت نفسي مشهوره وجاي امشي على الورد حتى اوصل للمنصه اخذ جائزتي
مشينه تقريب عشرين متر انوب تلكتنه ساحه داير مداير البيت
واكو شلون السقيفه ع الجانب بيها بالسقف اناره اجننن وبداخلها تخم ديوان عالي وطبلات
وبكل ركن مروحه مثبته وكو مراوح مثبتات بسقف المنصه
عرفت من عمي هاي الجلسه مال الشباب ينجنعون هنا ولد عمومتي واقاربهم
من وصلنا للبيت
اباوع عالي والعالي الله
يخبل البراني مالهم منعزل عن البيت تماما وحتى اله مطبخه الخاص
أنت تقرأ
زهرة في الجحيم
Short Storyالقصه تتحدث عن فتاة تتزوج زواج شكلي فقط لاجل استرجاع حقها المسلوب منها عنوه وغدر فهل تسترجعه ام تسقط في جحيم اخر وتفقد حريتها ويذهب كل شي سدا ام تكسب قلب من تتزوج وتنتصر على من طعن ظهرها بسكين ذو القربا زهره في الجحيم
