ام محمد الجبوريه
السلام عليكم
اشكر كل البنات المتابعات وصديقاتي
علي تعزيتهم الي بوفاة عمتي وبيبي
ويارب ميفجعكم بعزيز
واشكر صبركم على تحمل حزني
وسوألكم الدائم عن تكملت القصه
هذا بارت وان شاء الله مااتاخر بالنشر
🍀🍀🍀🍀🍀🍀🍀
زهره في الجحيم
البارت ال6
🍀🍀🍀🍀🍀🍀🍀
صار الدوام ومنا بدت معاناتي
اخذني ذياب قدملي وجان العميد حاير شلون يخدم ذياب
وكل شويه وكاله مااعرف شلو اجازيك
انت مفضل علينه
وذياب يكله واجبي عمي ماسويت غير الي يملي عليه ضميري
بعدين عرفت اخو العميد ماخذي المكافحه وهو ماعنده شي وبتعذيب معترف
بس ذياب مايحكم ع الاعتراف مال التعذيب جان عنده طرق يكشف الحقيقه
وبطريقته مكتشف اخو العميد بريئ
بس حظه بوقت الي مضروب الضابط بالشارع هو جان مار بسيارته فعتقلو
نور جانت تربيه مااعرف ليش حاقده عليه بعدين فسرتها لان ذياب وعمي مهتمين بيه هيه تغار ماجنت متقوعه اكبر من هيج وبسبب غيرتها راح اتعذب
كثير واشوف الويل
علاقتي اكثر شي برقيه
طبعا من بديت اداوم مالبست عبايه
بس البس فساتين مرتبه وانسقهم ويه الشال والجنطه والحذاء وهذا هم سببلي مشاكل
قبل مايبدي الدوام جنت احس رشا تضوج من اشوفني كاعده وخاصه اذا ذياب موجود لو رجلها مااعرف ليش
بس جنت من اشوف تصرفاتها اتحاشاها
لو اروح للمطبخ اسوي كيكه طبعا لازم اسوي اكثر من قالب وجنت اصعد قالب بغرفتي لان احيانا اجوع واستحي انزل اكل واني ادرس كثير بحكم اختصاصي
اجوع حتى كمت من اجي من الجامعه
اجيب وياي نمانم واحيانا اجيب صمون كهربائي ويا جبن اخليهم بجنطي محد يحس عليه
وستاذنت من عمتي انطتني قوري زغير
وكوب اخدر جاي او كهوه كتلها اتاخر اقره واخاف انزل
من بدأ الدوام صار موال جديد براس رشا
شنو اني اجي الكي كولشي جاهز رغم هنه مايشتغلن بس يطبخن لان عدهم عاملات
جان بدايه الشتاء واني استحي اكلهم اريد ملابس
بيبي جانت ادزلي كل شهر 500 بس صار شهرين ماكو
عمي ينطيني مصرف ومامقصر
جنت مجمعه مبلغ وافكر اطلع اني ورقيه اجيب كم دشداشه لان ذياب حذرني البس تراك واني مااحب اعاند احد
اني عندي تراكات بس ميقبلون اله دشداشه
بيوم جان جمعه والكل موجود
أنت تقرأ
زهرة في الجحيم
Short Storyالقصه تتحدث عن فتاة تتزوج زواج شكلي فقط لاجل استرجاع حقها المسلوب منها عنوه وغدر فهل تسترجعه ام تسقط في جحيم اخر وتفقد حريتها ويذهب كل شي سدا ام تكسب قلب من تتزوج وتنتصر على من طعن ظهرها بسكين ذو القربا زهره في الجحيم
