ام محمد الجبوريه
زهرة في الجحيم
البارت ال9
🍀🍀🍀🍀🍀🍀
جنت اريد اطلع احجي وياهم شنو بكيفهم يزوجوني والمن الواحد بعده عايش على اطلال حبه الاول
الي وكفني كلام عمي
ابني اني اكدر خالها اوكفه عد حده بس انت تعرف هذا الانسان ماعنده مخافه الله
شفت شلون حرجنا كدام الشيخ العموم
يكله اني سترت على اخوهم وهسه يطالبوني بحلالي
ذياب: يابه الله يخليك اني وانت وحتى الشيخ يعرف كل الاوراق مزوره واكدر بيوم واحد اكشف كلشي وارجع حقوقها بدون لا ازوجها ولا شي
الحجي: هذهو بويه انتم ولد عمها وعرفتو هو شنو ناوي وكفو عد حده
وزهرة يجيها نصيبها وهم ابو رضا ملمحلي عليها
دخلت يمهم بعد ماكملو نقاشهم سويت نفسي هستوني كعدت من النوم
تريكت وكال عمي بويه العصر اروح انشوف بيبتج
هزيت راسي
بعدني كاعده دك مبايلي مرة جلال
بشرتني بيبي صحت
نسيت كلشي الفرحه نستني وكلت العمي ياخذني
من دخلت للغرفه راسلت البنيه صديقتي كتلها هكروها لصفحه لان ماكو حل غيرها والتاخير مو بصالحي
صدك لمن وصلنا المستشفى. اجتني رساله تم كبد 👍
ارتاحيت لان بعد ماعنده شي اله ماخذ الهم سكرين واحمد كال بس اوصل اخذ مبايله وافرمته
دخلت يم بيبي سوده عليه ايدها ماتكدر تحركهاوحلكها اعوج
من شافتني بجت حضنتها وبجيت وياها
اشرت لذياب ياخذني ويطلع
الظاهر هم مهدد بيبي بيه
اجه جنه وجه مجرم ابد ماكرهت خالي بعمري كوله بالعكس جنت احسبه اب ثاني الي
خزرني اني ماهتميت هو خله السويج والمبايل ع الطبله مال الفحص احمد تحرك بسرعه خله مبايله بمكانه واخذ مبايل خالي بحركه سريعه فرمته كوله
ورجعه وهو جان يحجي ويه عمي
شويه اجه يمي حجه على كيف
مو كلت لاتوصلين
اتفرجي اليوم على فضيحتج
ابتسمت ماهتميت
وطلعنا كولنا
عمي كال باجر نرجع هم دوامج واحنه عدنا اشغال بيبتيج الحمد لله زينه
رجعنه ثاني يوم بعد ماودعت بيبي
وصتني على دراستي
بعدها داومت ومشت الايام طبيعي
جان وليد يوصلنا اني ورقيه
اذا ماعندي شي اروح يمهم لان ثنينهم نفس القسم
أنت تقرأ
زهرة في الجحيم
Short Storyالقصه تتحدث عن فتاة تتزوج زواج شكلي فقط لاجل استرجاع حقها المسلوب منها عنوه وغدر فهل تسترجعه ام تسقط في جحيم اخر وتفقد حريتها ويذهب كل شي سدا ام تكسب قلب من تتزوج وتنتصر على من طعن ظهرها بسكين ذو القربا زهره في الجحيم
