ام محمد الجبوريه
زهرة في الجحيم
البارت ال12
🍀🍀🍀🍀🍀🍀
لبسني العقد مال تخم والتراجي
وحجه يم اذني
عليمن هل رجيف ماسويت شي تره
وجان يهمس همس مااعرف ليش عيني صدت الطليقته شفتها تفرك بيدها
كمل التراجي وكال العمتي
حجيه جنتج ناويه عليه بلبسها هذا ويضحك عمتي تضحك وتهلهل
ورغد تحجي بصوت عالي متعمده يا امل مو كتلج هسه اخيي يروح بيها
ذياب: ياخويه بت عمج تحجي الصنم ورجع راسه ليوره بضحكه
اباوع عليه شكد شكله يجنن مرتب ونازك وضحكه تخبل عليه
ولا جنه نفسه الي حرك البيت قبل يومين
كمنا ناخذ صور وهو يتعمد يسوي حركات وحده منهن نفخ ع البرجم مالتي اني فزيت وباوعت عليه هو ضحك صارت اللقطه اجنن حتى خليتها خلفيه المبايلي بعدين
عمتي كالت بوسها هو باسني بكصتي
ونوب كطعنه الكيكه ومن راد يطلع باسني بخدي
وحجه بصوت عالي مريتي امانه
مو تاكلوها عبالكم كيكه هههههه
عمتي ام رقيه. خلي تخلص منك هو انت لو ما النسوان جا عرست هسه
هههههه اي والله عمه تنكرط بت اخوج
طلع وكلها تحجي بحبه الي
ومحد يعرف هو كل الي صار تمثيل
بس احنه اثنينه نعرف
قبل يوم جنت تعبانه بين السوك وتحضيرات وام الصالون جانت يمنه رتبتني من حفافه وغيرها
فنمت من وكت كعدت تقريب الساعه ب3 باليل كلش جوعانه
نزلت للمطبخ اشوف شنو اكو
فتحت الثلاج وطلعت جبن وصمون
درت لكيته بالباب
احس كلبي وكع مني لو ما الفشله اعيط صوت اكعد اهل البيت كلهم
ذياب: سولي لفه وياج
اطبخلك جاي
لا اذا اكو عصير انطيني
خليت العصير ع الميز ونطيته الفه واني هم سويت لفه
اول لكمه بعدني وحجه هو
شوفي بنيتي
الي راح احجي مو نقوص بيج لا والله
بس اتمنى تفهميني واني اعرفج عاقله ورزنه
اني من قبلت بالخطبه وكلشي مو عبالج هذهو وراح نكون مثل اي اثنين مزوجين
لا اني وافقت علمودج لان هنا تحكمه العشيره اذا رفضتج واني ابن عمج يطلعون الف عيب بيج
وهم سبب موافقتي حتى اطلع حقج من خالج
وبعد حتى اسد الحلوك الي تحجي بيج بسبب هذا العار الي تعرضلج
اي شي يصير باجر لا تحكمين عليه وتعيشين بحلم وردي
كلشي اسوي لان اعرف اكو شمات الج والي
ها راح اسمعين اشكال كلام الي اريده منج لا تتاثرين بيهن كلهن منافقات تره
حاولي تكونين قويه
وشي اخر سمعت امي واخواتي يكللج تقربي اله
شوفي بنيتي اني ماافيدج لا تخليني ابالج ابد
بسبب اني ازوجت وماصار عندي طفل
وثاني شي اني اكبر منج هواي وانت بعدج زغيره والطريق كدامج والدنيا بعدها باولها الج يعني مااناسبج ابد
بس اوعدج ابقه بضهرج لمن تاخذين حقج وتتخرجين
واي شي تحتاجي اني بخدمتج
فلوس دكتور غيرها مااقصر
رفعت راسي كتله خادم ربك
أنت تقرأ
زهرة في الجحيم
Short Storyالقصه تتحدث عن فتاة تتزوج زواج شكلي فقط لاجل استرجاع حقها المسلوب منها عنوه وغدر فهل تسترجعه ام تسقط في جحيم اخر وتفقد حريتها ويذهب كل شي سدا ام تكسب قلب من تتزوج وتنتصر على من طعن ظهرها بسكين ذو القربا زهره في الجحيم
