Hindi naging tayo
By: Modernong_Writer
Ang sabi nila bagay daw tayong dalawa
Naalala mo tinawanan ko lang sila
'Hindi tayo bagay kasi tao tayo'
Nakakatawa pero 'yun ang totoo.
Ang sweet naman kasi nating dalawa
Kaya napagkakamalan tayong mag Jowa
Kaso di nila alam wala namang tayo
Dahil maski ako hindi ko alam
Kung ano ako sa buhay mo.
Akala ko meron tayong pagkakaintindihan
Ngunit bakit hindi ko maintindihan
Kapag tayo ang magkausap
Tila isinusulat ang mga pangarap
Gusto mo rin ba ako?
Katulad ng pagkagusto ko sayo?
Naaalala ko pa nga kapag may problema
Sa akin mo agad sinasabi
Hito ako, agad na handang makinig sayo
Kahit hindi ko alam ang ipapayo ko
Nakakatakot na baka magkamali
Akala ko may namamagitan na
Akala ko may pagtingin na
Pero mali ako, mali akong umasa sa katulad mo
Dahil isang malaking kaibigan lang ako
Para sayo.
