انتي سبتيني وانا معرفتش احافظ عليكي جمبي ومقدرتش امنعك تبعدي بس لو معرفناش نكمل في الحياه دي سوا يبقي نكمل في الاخرة بقاا...(واطلق الرصاصه الاخيرة من مسدسه) __________________ 🖇️ *حب مظلم*🖇️ ____________سما خليل *فلااش باااك* قبل 6 سنين ف مصر تحديدا في محافظه الشرقيه ... -مرييم ...مريااااام -ايييه ...ايه يابنت انتي حد يصحى حد كدده -قومي بس -ايه في ايه ..ايه الحاجه الي مش هتتم من غير ما اصحى ..ايه الدوووله الي هتنتهي لو كملت نومي ..اقتصاد انه بلد الي هينهار لو مصحتش دلوقتي!!!!! -ولا حاجه من دول ياختي انتي اصلا انسانه ملكيش 60 لازمه ف الحياه ...بس القصيده الي نزلتيها امبارح ف الجروب جابت تفاعل جاامد اوووى والكومنتس موقفتش من امباارح قومي شوفييي -اييه...طب طب يعني في ناس كتير شافوها يعني وعجبتهم وكده .. يعني حلوه طب مين شافها -ماتفتحي تردي ع الناس وشوفي مين شافها براحتك -اه صح صح ...فين موبايلي -اهو ..خدي -لا استني هقوم اصلي الاول -يسلام ياختي ..فرقت من دقيقه يشيخه مريم -اخرسي يبت "قامت تتوضا وهي عماله تفكر ..طب هو شافها ؟؟ ياترى القصيده عجبته ممكن يبقي قالي حاجه ف كومنت ؟...اييه اييه ده يامريم بتفكري ف ايه كده ..هووف استغفر الله العظييم🤦♀️" اتوضت وصلت ومسكت الفون وقعدت تشوف الكومنتس وتضحك وفرحانه جدا من رد فعل صحابها والناس الي ف الجروب وان عجبتهم القصيده ...بس فرحتها بالناس حاجه وفرحتها ب حد معيين حاجه تانيه ...قاعده تقرا ف الcomment بتاعه اكتر من مره ..وتكتب عشان ترد وتحذف وتحاول تكتب تاني وتحذف والضحكه مرسومه ع وشها وفرحه باينه عليها ..."مريم حسين ...طالبه ف 3 ثانوي 17 سنه من الشرقيه ...بنوته قمر محافظه ع دينها على قد ماتقدر شكلها رقيق وطفولي ووشها صافي وبريئ الي يشوفها يحبها من اول مره دمها خفيف جدا ومرحه بشكل بسيط ❤️" فضلت ماسكه تلفونها تقريبا ربع ساعه بتشكر الناس الي بتقولها كلام حلو ع الروايات الي بتكتبها والقصائد الي بتنزلهم ف الجروب ..."كانت صدفه ..مريم عندها جروبات كتير هي فيهم ع الفيسبوك مبتفرقش بينهم حاجه لحد ما ف يوم قبل سنه م الوقت ده نزل اعلان ف جروب منهم عن الي عنده اي موهبه ممكن يعرضها ف الجروب ده هي شاركت عادي ك نشاط بس لقيت تفاعل كبير جدا من الناس واتصاحبت ع ناس كتير منهم واتعلقت بالجروب ده جدا ...واتعلقت بحد معين اكتر حاجه" ... -يخراابي ..الفون ده هيخلص وقتي انا عايزه اذااكر ...ساااره ... -ايه يسطا -خدي الفون ده ..انا هقوم بقا اذاكر شويه ..متقوليش لماما ان انا مسكته الصبح بدل ماتقعد تديني المحاضره بتاعتها(حرام عليكي ضيعتي الوقت الي دماغك بيبقي صاحي وف كامل قوته وهتقعدي تذااكري ف الوقت بدل الضايع ) -😂😂ااه ...ونسيتي (ابقى قابليني لو فلحتي يا اخرة صبرري) -يارتني ما افتكرت ...روحي بقا بسرعه خبيه -ماشي يلا .."ساره حسين ..دي اخت مريم الصغيره والوحيده ..عندها 15 سنه وهي ومريم صحاب جدا جداا ) يتبع...
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
