حُب مُظلِم

حُلم غامض

وغرقت مريم شهور ف مذاكرتها فضلت مشغوله ف الدراسه والدروس وترجع تذاكر وركنت الشعر والروايات ع جمب ودي كانت حاجه فرحت مدام وفاء جداا ..بس الي اخد باله ان اكيد في حاجه غريبه خلتها تتغير اوى كده هو استاذ حسين باباها المحامي المُحنك ...بس قال يمكن عشان الامتحانات قربت فهي قررت تشد ع نفسها بس هو اختار يتكلم معاها ويسمع
وف يوم عادي مريم كانت ف اوضتها قاعده ع مكتبها ومشغوله ف مذاكرتها ..خبط الباب
-اتفضل
-مساء الخير يامريم
-مساء الخير يبابا اتفضل
-عامله ايه
-كويسه الحمد لله
-ومذاكرتك تمام ؟..في اي حاجه واقفه قدامك !
-لا يبابا كله تمام الحمد لله
-يستاهل الحمد يبنتي ..ربنا معاكي
-اللهم امين
-بقولك يامريم
-"بصت له بإنتباه" اتفضل يبابا
-بقالي فتره كده مشوفتش ليكي اي قصيده جديده او روايه ..وسايبه التلفون خالص ..مبتاخديش حتى استراحه من المذاكره ..
-طب ودي حاجه وحشه؟
-لا مش وحشه ..بس اكيد في سبب للتغير ده
-"رمشت بعيونها سريعا وخفضت رأسها وقالت" لا ابدا يابابا ...كل الحكايه ان مش عايزه اضيع وقت ..اشد ع نفسي الفتره دي عشان ربنا يكرمني
- اممم "بتفكير"...ونا بدعيلك ياحبيبتي
-تسلملي يبابا
-اسيبك انا بقا ..لو احتاجتي اي حاجه انا سهران ف اوضه المكتب
-شكراا
-تصبحي ع خير
-ونت من اهل الخير :سما خليل:
.......وعند مصطفى .....
شاف مريم اختفت وكان قلقان عليها جدا بس مشعارف يعمل اي .. وكل ما فتره بُعدها بتزيد كل ماقلقه وخوفه بيزيد كأنها نيكوتين استولت ع عقله ولما بدأ يطلع من جسمه حس باعراض انسحاب ... مكنش بيصبره غير انه يجيب فيديوهات القصايد المتسجله القديمه بتاعتها ويقعد يسمعها ..لحد مافاض بيه وقرر انه يسأل عليها بشكل غير مباشر ميخليش اي حد يلاحظ ..ف كتب بوست ع الجروب بيسأل فيه عن الناس الي كانو ف فقره المواهب واختفو ...وكل صحابها ردو وقالو ان مريم بس هي ال اختفت عشان تركز ف مذاكرتها وخرجت م الجروب وقفلت الاكونت بتاعها ...
كان خبر اسود بالنسبه ل مصطفى ..ده حتى الرحله القصيره البريئه ..اتحرم منها . وحياته رجعت سوده بالكامل منغير جزء حلو يصبره ..كانت دووشه جواه وصراع... بس يبان هادي هو كان عارف ان اليوم ده اكيد هيجي ...هما بينهم اي اصلاا عشان تبقاله ..ده حتى ميعرفش شكلها ولا عمره شاف صوره ليها مثلا..كل الي يربطهم كومنت بسيط وللاسف ده رباط ضعييف اوووي ...بس فضل يدعيلها ويتمنالها كل خير وقرر ينسى ويكمل حياته .....:سما خليل:
--------------
وبعد فتره صععععبه على مريم اخيرااا الامتحانات عدت وفضلت مستنيه النتيجه وف يوم النتيجه
-باااابا ....مااااما ...انا نجحتتتتت❤️❤️✨✨
يمامااااا يبابااااا انا نجحت جبت 97%💃🏼💃🏼💃🏼💃🏼
-الف الف مبروووك يحببتي الف مبرووووك
ساره-مبروووووك يامريم مبروووك
-هدخل كليه الصيدله الي نفسي فيها ياساااره اعاااا
وحضنو بعض وفرحو ...
وراحت صلت شكر لله عشان وفقها:سما خليل:
.....
اخيرا مريم حققت حلمها وهتدخل الكليه الي نفسها فيها...💖 عاهدت نفسها قدام ربنا انها تعمل كل الخير الي تقدر عليه وتجبر بخاطر كل الي حواليها ..تتصدق ب الي تقدر عليه ومش هتسيب يتيم مهموم الا وتعمل الي ف وسعها عشان تسعده ...هتحاول تعمل كل حاجه كويسه عشان تشكر ربنا انه جبر بخاطرها مع انها مهما هتعمل مش هتوفّي فرحتها بعوض ربنا ليها ... هتدخل كليه الصيدله وهتجتهد وتحقق حلمها ..وفعلا بعد كام شهر بدأت الدراسه وراحت الجامعه وكان معاها صاحبه عمرها اروى او نقول باشمهندسه اروى واخدو سكن مع بعض ومع بنتين كمان واتصاحبو وقاعدين فيه وكلهم بنات محترمه وواخدين بالهم من مستقبلهم وفضلت مريم ع العهد ماتشوفش فقير او مسكين الا وتساعده ولا تسيب يتيم غير لما تجبر بخاطره وتسعده ويمكن ده كان سبب من اسباب ان ربنا وفقها ف حياتها وخلى الناس تحبها وخلى اهلها فخورين بيها وواقفين معاها دايما ...:سما خليل:
فضلت مريم 4 سنين ع الحال ده مجتهده ف دراستها ودايما جايبه تقديرات عاليه وكمان رجعت تكتب قصايد بس دلوقتي بتشارك بيهم ف مسابقات وحفلات الجامعه ..زمايلها كلهم بيحبوهااا جدااا ..حتى الناس البياعين ف الشارع الي اتعاملت معاهم كل مايشوفوها يبتسمو ويدعولها ...مريم عرفت تستثمر حياتها صح ✔
:سما خليل:
وف يوم ...خرجت مريم م الجامعه وقابلت اروى وكانو مروحين وهما ماشيين
-اروى ...ماقولتليش يافالحه ..امتحاناتك باقي عليها قد ايه
-يعني بتاع 5 شهور كده
-ربنا يوفقك ..امتحاناتنا قربت احنا كمان...ودي اخر سنه عايزه اجيب تقدير كويس عشان اتعين معيده😎
-ياااه ع الاحلام ...بس مش بعيد عليكي يصاحبي يجامد انتى تقدري ان شاء الله
-ان شاء الله ...بصي بقا اسبقيني ع البيت انا رايحه مشوار
-برضو يمريم ...طب خديني معاكي حتى لازمته ايه تروحى لواحدك
-لا تعلم شماله ماتخرج يمينه يا انسه اروى...اخدك معايا ليه ...بعدين انا مش هتأخر ومستأذنه من ماما اول ماطلعت م الجامعه ...
-يسلام ..طب حتى خديني معاكي اعمل خير انا كمان
-خلاص هبقي اعرفك المكان وروحي لواحدك ...الصدقه ف الخفاء ثوابها اعظم 😚
-ماشي ..بركاتك يشيخه مريم
-شيخه مريم نينيني ...بس يبنت ...سلام بقا ..
-سلام
راحت مريم ...هي ليها بيوت ناس فقرا تعرفهم بتروح لهم كل فتره لوحدها وتساعدهم ...واهلها عارفين وصحابها كمان..
...راحت اشترت لعبه لطفل واخدت شويه حجات وراحت لبيت الناس الفقرا وخبطت ع الباب :سما خليل:
- "صرخ طفل بفرحه "ابله مررريم 😚..وحشتيني اووى
-حبيب قلب ابله مريم انت وحشتني اوى"وحضنته"
بص اي رأيك ف اللعبه دي ..
-الله ..حلوه اوى
-مبروك عليك يقلبيي
-"اخدها وفرح جدا وقال"شكرا اووى
-العفو يحبيبي ...ادعيلي بقا دعوه حلوه
-ربنا يفرحك ويرزقك الجنه
-اللهم امين يروحى وايااك ❤...اومال ماما فين
-ماما راحت ف مشوار
-ماشي يحبيبي ..انت بقا خد الحجات دي واديهالها لما ترجع
-حاضر
-طب انتي مش هتقعدى معانا شويه
-انا اسفه ياعمر والله بس هتأخر ...مره تانيه هبقي اجي بدري واقعد معاك كتيييير
-ماشي هستناكي
-باي يروحي
-باي
.....ومشيت وهي فرحانه اوي بدعوته وكانت رايحه للبيت كان في زحمه وهي مستنيه المترو ...منغير ماتاخد بالها قربت ست عليها وحاولت تسرق الموبايل من شنطتها ...صرخت والناس اتلمت وبعدت عنها الست دي وقالولها تروح تكتب فيها محضر ...بس هي رفضت وقالت مش مستاهله ومش عايزه مشاكل :سما خليل:
وروحت ع البيت
وبليل ع العشا كل واحده بتحكي يومها ومريم كمان حكت الي حصلها ف المترو
اروى- يربي ..الحمد لله انك اخدتي بالك
-الحمد لله التلفون غالي ولو اتسرق كنت هعيط😂
-طب هتعملي اي
-اممم ...بصي انا بفكر ف حاجه ...بفكر اجيب تلفون صغير وخط جديد ع الاقل لو اتسرق يبقي مزعلش عليه اوى واسيب الفون ده ف البيت
-فكره كويسه
-بكره ان شاء الله هجيبه وهبقي ارن ع بابا وماما واعرفهم الرقم
-اشطا اوى ...
-هقوم بقا اكلم ساره واطمن عليها

-----
-الوو
-اهلا بالندله
-يبنتيي
-يبنتي اي وزفت ايه ...بتقعدى باليومين لا بتسألي ولا بتتصلي ...وعايزاني مزعلش واخد ع خاطرى من اختي الي طلعت ندله
-انا اسفه يا ساره والله غصب عني ...انتي عارفه امتحاناتي قربت ومشغوله ..
-ماهو ده الي مسكّتني
-يسرسورتي انتي عارفه دي اخر سنه ولازم اجيب تقدير كويس
-بدعيلك والله 🥺
-وحاولي تهدى ماما وبابا وخليهم يقللو اتصالات شويه ده بيتعاملو معايا كأنى طفله ف حضانه اول مره تطلع رحله
-هكلمهم متخافيش
-تشكرى يحبيبتيي
-خلي بالك من نفسك
--حاضر وانتي كمان
-سلام
-سلام
...وقفلت معاها وقامت اتوضت وصلت ونامت
وهي نايمه شافت حلم غريب
شافت طفل قاعد ضامم رجله ودافن راسه مابين رجليه وبيعيط بصوت مؤلم ...وحواليه شقه فاضيه مفهاش عفش ولا حتى سرير ولا اب ولا ام
بصت ع باب الشقه لقيت مكتوب عنوانها بوضوع وبصت للطفل تاني رفع راسه وهو بيعيط وقالها تعالي والحقيني ....قامت مفزوعه وقلبها واجعها بتفكر ف الحلم ده ...وراحت جايبه كتابها كان جمبها وكتبت العنوان ده ع ضهره عشان متنساهوش وتحاول تروحله
يتبع... ايه سر الحلم ده ؟
#حب_مظلم
#سما_خليل
متنسوش كومنت برأيكو يحبايب💛😙