حُب مُظلِم

صديق جديد❤

مصطفى-انا فرحان اوى ياحمزه اووي
حمزه - (في نفسه)" كنت مستغرب جداا من شكله وفرحته وضحكته وقتها ...وازاي حضني وواخد عليا كأنى صاحبه ..ونا كمان حسيته صحبي جداا وجدع ..مع ان ساره هي الي اتفقت معايا من اسبوعين وادتنى رقمه عشان اكلمه ونعمل خطه انه صاحبي دي ..عشان يبقى في حجه يحضر بيها الفرح ..معرفتش عنه معلومات كتير ..غير مثلا اسمه ودراسته وشويه حجات بسيطه كمان ..الغريبه انى معرفتش حاجه عن عيلته او صحابه خالص مفيش مثلا صوره ف اي اكونت عنده مع صاحبه مثلا او اخوه او اخته ...بس انا حسيته اخويا الكبير ..هو طيب جداا مع انه ميبانش عليه ..بس شكله وهو مكسور لما مريم سابته حسسني انه وحيد جدا وهي كانت امل له .. حسيته من جواه نضيف ..مع انه كمان شخصيه قويه جدا ويتخاف منه ...بس فعلا ارتحتله " )
ربنا يفرحك دايماا ...قولي بقا يصاحبي انت اخدت معاد من عمى امتى
-بعد بكره
-كويس جدا ..هتقابله ف البيت ولا ف المكتب كالعاده
- كالعاده !؟..مش فاهم
- ااه ..اصل ياما جه عرسان لمريم كتيير جدااا ودايما عمى حسين كان يقابلهم ف المكتب ويرفض بعد كده حتى ميقولش لمريم
- يخبر ازرق ..ده بايننه الموضوع صعب
- اممم ..يعني مش صعب اوى ..ممكن يبقى ليك حاجه تشفعلك وتحسن موقفك ف الموضوع
- ايه !؟
-" حط ايده ع كتف مصطفى ومشيو ناحيه القاعه وهو بيتكلم" يعني مثلا انت انقذت حياه مريم قبل كده ف شايلهالك جِمِيله ..ده غير ان مريم خلاص ف اخر سنه ف الكليه ف التوقيت مناسب اوى
- "برضو باين ع وشه قلق"
- "قاله بنبره مطمئنه"متقلقش كمان ساره هتساعد
- ااه ..الحمد لله كده تمام
جدعه اوى ساره
-جدااا " وسرح قدامه وقال وهو ولهان"...ودمها خفيف كده وروحها حلوه وقمر يكشى بس لسانها الدبش
-"مصطفى غمزله 😉"
- 😅 ادعيلي بقا ..وعلفكره الي بعمله معاك دلوقتي هتردهولي بعدين هاا😂
- طبعااا ...اوماال😂
وضحكو سوا ودخلو للقاعه

والفرح خلص وكل واحد بقا روّح بيته شايل ف قلبه كميه فرحه وحب ..احساس السعاده♥️

كده خطتهم نجحت ومصطفى اتأكد انها بتحبه وهيروح يقابل باباها ف المعاد الي حددوه ...هو استاذ حسين طلب ف الاول ان تكون المقابله ف المكتب عادى قبل مايتفقو ع اي حاجه ...ومصطفى وافق ع طلبه وبالفعل مصطفى راح عشان يقابل استاذ حسين

...
وصل للمكتب وهو متوتر والسكرتير دخله
خبط الباب
-اتفضل يا مصطفى ..اهلا وسهلا
-اهلا بحضرتك
- تشرب ايه بقا
- ولا اي حاجه متشكر
- انت يبني اي مشكلتك مش عايز تشرب حاجه عندنا خالص
- "ضحك بهدوء" لا ابدا والله ...ممكن عصير
- " كلم السكرتير وقاله يجيب العصير "

... ها يابطل ..خير اي الموضوع
-"بتوتر"الحقيقه ..يعني ..احم ..هو انا كنت جاي بكلم حضرتك عع..عشان اطلب ايد الانسه مريم
-امم ..بسرعه كده؟
- يعني ...بصراحه..
- بص يامصطفى " وعدل شكله وجلسته واتكلم بصوت متعالى " في شباب كتير جدا قعدو ف نفس مكانك ده عشان يطلبو ايد مريم بنتى ...وكنت برفضهم
-احم
- حتى منغير ما اقولها ..لأني عارف حتى لو قولتلها برضو مش هتوافق ...وف حالتك انت..مقدرش اعيب فيك انت شاب محترم وجدع ومقدرش انسالك انك انقذت بنتي اغلي حاجه عندى...
-"مصطفى قاعد مركز معاه وخايف جدا ومتوتر اووى"
- تقدر تقولي اي الي ممكن يخليني اوفق عليك ؟
- " خد نفس عميق وبدل ملامحه ل ملامح ثقه وبصله ف عينه " ... يعني ..مفيش سبب للرفض ..وبعدين انا حبيت حضرتك جدا ومدام وفاء انسانه خلوقه اوي و انسه مريم كمان يعني بنت مؤدبه ومحترمه اكيد مش هلاقي عيله احسن من حضراتكم اناسبها
- " هو كان مستنى يشوف نظره الثقه دي ف عينه ...نظره التحدي الي مكانش بيشوفها ف الي قبله عشان كده كان بيرفضهم"
"ابتسم وغير ملامحه ل هدوء وبشاشه " ..وده شيئ يسعدني جدا
- "مصطفى ابتسم جدا وفرح اوى " متشكر لحضرتك
- طيب نتكلم ف الجد
-اتفضل
- يعني احنا قعدنا مع بعض هنا مبدأيا ك تعارف .. وطبعا هيبقى لينا لقاء تاني ف البيت يبقى رسمى حسب العرف
- اكيد طبعا
-اهلك موافقين ع الخطوه دي ؟
- " بص ف الارض وظهر ع وشه الحزن " .. يعني انا بصراحه والدتى واختى توفاهم الله ف حادثه من زمان وبعدهم ب فتره بسيطه والدى كمان اتوفى .. انا طبعا ليا عيله بس مش قريبين منى اوى
-" مننكرش ان استاذ حسين اتعاطف معاه جداا وقتها"
- بس عندى عمى سالم المنصورى هو مسافر بره البلد وبإذن الله يبقى معايا بعدين
- ربنا يرحمهم يا ابنى ..واعتبرني مكان والدك الله يرحمه
-"مصطفى فرح وحس ب حنيه ف نبره كلامه" ربنا يخليك يعمى ..حاجه تشرفني طبعا
- واكيد تشرفني انا كمان
هاا ..طيب عرفني اكتر عن نفسك
- اكيد طبعاا... اسمي مصطفى المنصورى ...من عيله المنصورى اصولنا من القاهره ..انا خريج صيدله ..وبشتغل ف شركه ادويه ..او ف الحقيقه عندي نص شركه الادويه دي وارثها من ابويا الله يرحمه ..حالتي الماديه كويسه وعايش لواحدي يعني
- عال جداا .. يعني شخص مستقل وناجح ..ربنا يزيدك
- اللهم امين ..متشكر ...
كملو كلامهم واتفقو ع معاد تاني يوم ف البيت ومصطفى هيروح ولو اتفقو يبقى عمه معاه ف الخطوبه ....
طبعا مصطفى خارج فرحان جدااا ..هو اخيرا هيحقق حلمه الوحيدد والاجمل♥️♥️

رأيكم ف البارت 💛💛😀

متنسوش الكومنت💛