حُب مُظلِم

جانب اخر

وعلى الجانب الاخر ...في محافظه القاهره تحديدا مدينه نصر بيظهر شاب عشريني وسيم وواضح من شكله ان شخصيته قويه وحاد شكله طيب جدا بس مخبي طيبته تحت تعابير وشه الصلبه يخلي اي حد يشوفه للوهله الاولى يحصله رهبه ..لكن الي يكسر الفكره دي ... تعامل وحب معظم الناس له من اهل منطقته انه ليّن في بعض الأحيان" :سما خليل
-صباح الخير يا استاذ مصطفي
-صباح الخير يعم صبري ..ازيك
-كويس الحمد لله يا بيه
-اتفضل يعم صبري صباحك فل(واخرج بعض النقود من جيبه ووضعها في يد عم صبري حارس العماره التي يسكنها *مصطفي المنصورى*)
-ربنا يخليك يبيه ويستر طريقك ياارب
-اللهم امين ...(ثم انطلق بسيارته بسرعه نحو عمله )
مصطفي شاب غامض المعروف عنه انه شغال في شركه ادويه في القاهره ..عايش لوحده ومفيش حد بيزوره حتى ف الاعياد والمناسبات يعني تقريبا مقطوع من شجره ..محدش يعرف فين عيلته ولا اهله ...وهو مش متجوز ورافض فكره الزواج نهائيااا ف الوقت الحالي او حتى ف المستقبل )
وهو ف العربيه مشغل ع الكاسيت حاجه من الموبايل وبيسمعها وبيبتسم صوت بنت رقيق بتقول ( وان كان القلب يبان قاسي
والدموع ف عيوننا مكتومه
لساها الروح بتآسي
ولسه النفس مهمومه ) وكل شويه يسرح ويبتسم ويرجع يفوق ويرجّع ملامح وشه للحده مره تانيه :سما خليل...لحد ما وصل الشركه ونزل ابتسم للحارس ابتسامه خفيفه واخفاها بسرعه ك عاده اي ضحكه تظهر على وشه
ودخل مكتبه وبدأ يشتغل بكل جديه ...لحد ما دخل مكتبه شخص واضح من طريقه كلامه ولبسه انه من اداره الشركه خبط ع الباب
-اتفضل
-مصطفي
-"كان بيقرا في ملف ..رفع عينه بص للشخص ده بعدم اهتمام ورجع عينه للملف تاني وقال" نعم "
-نعم!..اي اللامبالاه ال انت فيها دي يا اخي ..انت مبتحسش !؟الصفقه الاخيره كانت هتبوظ ع اخر لحظه وانت هادي كده ومفيش اي حاجه شغلاك
-"بص ف عينه وقاله بصوت خشن وشبه عالي " بقولك اي يابكر ...شغلي بعمله كويس ومبسبش ورايا غلطه ..واي تقصير حصل او هيحصل او بيحصل ف اي صفقه ده مسؤليتكم انتو مش انا ...الي عليا بعمله واتفاقنا بنفذه ...غير كده ماليش فيه اولعو مع بعض
-هه الله ..اولعو!! ده القطه كبرت وطلعلها ضوافر بقا
-مبحبش الرغي الكتير ...عندك حاجه مهمه قولها غير كده اتفضل منغير مطرود عايز اشوف شغلي
-"يبدأ بكر ع وشك انه يعلي صوته ويتعصب ..ويقطع كلامه صوت الباب وهو بيخبط ) سما خليل
-مسيو بكر ..مسيو ممدوح وصل دلوقتي وطالب يشوف حضرتك بسرعه
-طب روحي انتي وانا جاي وراكي
مصطفي-ايه يابكوور ...لونك اتخطف ليه ..انتي خوفتي يابطه
-ولااا ...لم نفسك لاحسن ورحمه امي اندمك ع تصرفاتك دي
- هه "بإستنكار"بكر ...خد الباب ف ايدك لو سمحت
"خرج بكر من غرفه المكتب واغلق الباب بشده "
مصطفي-- راجل نتن ...
وكمل شغله لحد اخر اليوم وبعدين خرج من الشركه ركب عربيته وشغل نفس القصيده الي كان بيسمعها الصبح وبنفس طيف الابتسامه بتاعته الي بتظهر وتختفي خلال ثواني ...راح لمطعم جاب اكل لشخصين وبعدين ركب العربيه ومشي ف طريق عكس طريق بيته
ياترى رايح فين؟؟...يتبع..
#سما_خليل
#حب_مظلم