حُب مُظلِم

حياة سعيدة❤😍

"خلصت شاور وخرجت لبست بيجامه هاديه وفردت شعرها ..وطبعا كانت زي القمر كالعاده💕"((نفهم ان مريم قمر لبرائتها وانها صافيه ...انا لما وصفت ملامحها كانت ملامح معتاده جدا ..مش شعر اصفر وعيون زرقا ولا حاجه فضائيه مثلا ... بس هي قريبه من ربنا 💖 وبتحب الناس وهاديه ..قلبها مرتاح والاشخاص الى كده بيبان ف ملامحهم جمال قلوبهم 💖

أنتِ جميلة لأنك لم تحاولي أن تكوني شخص أخر، في عالم الزيف والنسخ المكررة، في عصر الكذب والأصطناع كانت رغبتك الوحيدة أن تكوني طبيعية وصادقة في كل شيء
أنتِ جميلة لأنك لم تكوني يومًا الا أنتِ.💙"))
... كانت مس سامعه صوت ف الشقه خالص ف استغربت ...فتحت باب الاوضه بالراحه وبتبص منه " واتخضت لما ظهر قدامها مصطفى كان مستخبى جمب الباب"
- عووووو
- اعااا ...يشيخ الله يسااامحك
" ضحك ع شكلها وهى مخضوضه "
" شهقت بصدمه وغمضت عيونها " - انت يقليل الادددب ... فين التيشرررت ..مش لابس تيشرت ليه " ودخلت بسرعه للاوضه جابت تيشرت م الدولاب ورمتهوله وهي مغمضه عيونها وهو بيضحك
-خلصت يابيه ؟
- " بضحك " اه خلصت .. كنتى عايزانى اعمل ايه بسلامتك مش انتى الى قفلتي باب الاوضه والهدوم جواا .... " مسك ايدها ودخلو البلكونه قعدو ع كنبه شيزلونج فيها " وكمل كلامه ...وبعدين بقا انا بقالي كتيير عايش لواحدى ومتعود ع كده بقا بصراحه😂
- لا يحبيبييي ... انت دلوقتي بقا معاك انسانه ف البيت ده تمشي بإحتراامك ... اي حركه كده ولا كده قول على نفسك يارحمااان يارحيم
-" ضحك " هحاول ...
نام ع ضهره وراسه ع رجليها وهي حطت ايدها ع راسه "
- مريم انا في سؤال عايزه اسأله من زمااان
- لا مش مرتبطه
- وحياه امك ..اومال الفرح الى كان امبارح ده كان ايه
- جوزوني غصب يباشا ..اخذونى ع حين غفله
- ..يشيخه .. غفله !! ..مش انتى الى موافقه يعني
- توء توء ع حين غفله
" رفع حاجبه ليها"
- " ضمت بؤها بطفوله مسكت خدوده" يا كوكو لا طبعا يكوكو وافقت عشان بحب ومقدرش اعيش منغيرك يخرااثي " وباسته من خده "
-" ضحك وقالها " ف شهر واحد ؟؟
-" بصت لفوق بتفكير " اممم
- اممم اييه ...
- ماهو مش شهر واحد
-" علامة تساؤل"
- يلا هحكيلك يسيدى امر لله ...انت عارف جوزى ده
- الامور ده ..ايوا ايوا بيجي عندنا
- ايوا هو ده ... هو مفكر بقا ان انا اعرفه من شهر واحد ولا شهرين بس
- بجد !!.. مغفل اوى
-جدااا
- اومال انتى تعرفيه من امتى
-جيالك ف الكلام اهو ... انا اصلا اعرفه من يجي 6 سنين ...اه والله زي مابقولك كده
انت لسه مستغرب ..انا هثبتلك
اصلا هو كان معانا ف جروب كده من سنيين ... ونا بقا عرفته بالصدفه بس اعمل اي بقا اتكفيت ع وشي وحبيته
- " وهو مبرق بصدمه"
اومال مكلمتيهوش ليه
-" ضربته ع وشه بخفه " عييب ..متعرفش ان كده حراام ولا ايه
- صح صح ...طب هو بقا مكلمكيش لييه ؟
- كان معقد من الجواز البيه ... وكل الناس كانت تعرف كده ... " وقالت بهمس" عشان كده محدش كان بيقرب منه رغم ان نص بنات الجروب كانو بكيكراشو عليه 🤫
- قليل ادب ... وايه الي حصل بعدين بقا
- قوم انا بقا لما لقيت نفسي مشقادره ابعد عنه وقلبي بيدق كل لما اشوف اسمه ..قولت مبدهاش بقااا ..انا اقفل الاكونت ده وارتاح
- اه ..وسيبتيه بقا عقله يودى ويجيب
- اسكوووت ...مانا مكنتش اعرف وقتها انه بيحبيني
- كملى ياختى ..كملى
- انا بقا كنت حاسه انه حب مراهقه بقا ولازم انسى واسيب الموضوع ده واركز ف حياتي
- شااطره
- " همست مره تانيه " بس بقا مفوتش ركعه الا وادعيله
- والنبي؟؟! ..طب وجاب نتيجه الموضوع ده
- ايوه اتكفى ع وشه وجانى زاحف واتجوزنى🤭🤭 هش بقا متقولوش 🤫
-" بهمس" حاضر مش هقوله
... بس اتقابلتو ازاى ؟
- هقولك ومتقولش لحد بقا ... انا نمت لا بيا ولا عليا
- اه
- لقيت طفل صغير قاعده ف بيت فاضي وبيعيط
- يحراام
- ف الحلم
- ااه ..كملى
- وقالى تعالى الحقيني
... ولقيت عنوان البيت مكتوب ع الباب
- ورحتيله ؟
- ايوه طبعااا ... بس الغريبه بقا ..." قالت بأداء تمثيلي" رررحت لقيت العنواان ده عنواان جووزى
- عنووااان جووزك!!!
- ايوه الي انا بحبه وبحكيلك عنه ده
- وبعدين 😳
- اتخضيت بقا ... معرفش اقول اي ... رحت عملت حادثه
- عملتى حااادثه!!😳
- اه وكنت هموت ☹️" ومثلت بكاء طفولى"
- لالا بعد الشر عنك يروحي
- متقولش روحي جوزى بيغير عليا
- ايوه طبعا ماهو بيحبك اكتر من نفسه
- هو قالك كده !!
- اه قالى جداا اسمعى منى ..
- حبيبي ده ... مبيخبيش حاجه ابدا
- طب يلا كملى الحدوته
- يلا هكمل ... المهم هو بقا كان شهم وانقذنيي ...وفضل قاعد معايا ف المستشفى ..ولما اهلى جم واخدونى هو دور عليا وجالى
- ياااه ... جوزك ده غريب جدا
- ايوه بقولك والله قمر ... وعملى مفجأه بقااا واعترفلى بحبه ..
- وانتى زي الحيطه سبتيه ومشيتي
- ايه ده انت عرفت منين
- هو قالى هو قالى
- مش بقولك مبستخباش ف بوقه حاجه... هيفضحنا ... بس انا هقولك الى هو ميعرفوش
- ايه ايه ايه !!
- هو لما قالى ان هو بيحبني بقا انا قلبي دق جامد اووى وكنت بعيط ومبسووطه
- اومال مشيتي ليه
- مانا رجعت تانى ... بس رحت استوعب بقا الي حصل واشكر ربنا انه استجاب دعوتى
- انتى وليه طيبه وتستاهلى كل خير
- وليه !! .. قوم قووم قووم من هنا " وزقته من ع رجليها "
-" قام وبصلها ب ضحكه واسعه وملامح مفجأه " مريم الى انتى حكيتيه ده بجد !!
- " حطت ايدها ع وشها وابتسمت بخجل"
- " اخدها ف حضنه واخد نفس عميق واخرجه بتنهيده" اااه ياملااكى ... ومخبيه عني كل ده ليه
- مانا بقا قولت بعد كتب الكتاب عشان اعرف احضنك وانت مبسوط كده
" ضحكو جامد وفضل حاضنها وبيتكلمو سوا "💛