حُب مُظلِم

قدر💛

"اتكلمو مع الدكتور وعرفو حالتها الصحية وحاولو يعملولها اذن بالخروج عشان ترجع معاهم وفعلا الدكتور وافق وكتبلها كل الادويه الي هتاخدها وازاي هيتعاملو معاها لحد ماتفوق وتبقى كويسه وتتعامل بطبيعيه عشان ميحصلهاش اي مضاعفات.:سما خليل:..خلصو الاجرائات عشان يخرجو جهزو عربيه الاسعاف الي هينقلوها فيها " وراح استاذ حسين للحسابات عشان يدفع تمن العمليه والادويه من وقت ماجت بس اتصدم لما الممرضه قالتله ان الحساب مدفوع
-مدفوع!
-ايوه يافندم الحساب خالص مفيش بس غير رسوم عربيه الاسعاف
-طب حساب العمليه والاقامه يومين والادويه!!
-اه يافندم في استاذ كان موجود هنا هو الي جاب الانسه يوم الحادثه وهو الي دفع الحساب
-طب حضرتك متعرفيش اي معلومه عنه
-هو كان معاها طول المده الي قضتها هنا ومشي قبل ما حضرتكم ما تيجو بدقايق
-طيب متشكر جدا
-العفو يافندم ..حمدالله ع سلامه الانسه
-الله يسلمك :سما خليل:

....راح للدكتور الي متابع حاله مريم
- دكتور لو سمحت
-اتفضل
-انا رحت للحسابات وقالولي ان في شاب هو الي جاب مريم يوم الحادثه وفضل معاها وهو كمان الي دفع الحساب
-اه ..استاذ مصطفى ..كان هنا فعلا من شويه تقريبا خرج قبل ما حضراتكم تيجو بفتره بسيطه
-طب حضرتك متعرفش يعني هو مين .. هو الي خبطها مثلا!
-لالا ..انا فعلا سألته وهو قال لا وكمان التحقيقات وشهاده الناس الي شافو الحادثه قالو ان عربيته كانت ف الجراج وقت ما اتخبطت :سما خليل
-طب ع اي اساس فضل معاها هنا !؟ودفع الحساب اذا كان مش هو الي خبطها
-حضرتك هو الحادثه حصلت قدامه ونا لما كلمته ف الموضوع ده قالي انه فعل خير مش اكتر
-متشكر جدا
-العفو
..-حسين بتفكير"-فعل خير ممم!!!

........وصلو المستشفى ف الشرقيه وكلهم حواليها بيراعوها وخايفين وهي لسه مفاقتش كلياً بس بتصحى دقايق بسيطه وبتنام تاني وفضلو سهرانين جمبها ومامتها وبابها اطمنو ان بنتهم ف حضنهم
:سما خليل:
.....ع الجانب الاخر
مصطفى رجع المستشفى بعد ماخلص شغله وكان ملهوف عشان يشوف مريم بعد مافاقت ويعرف هي مين ويطمن عليها دخل الاوضه ولقيها فاضيه اتخض جدا وسأل الممرضه عليها

-اه ..الانسه الي كانت ف الاوضه دي اهلها جم واخدوها ف الاسعاف بعد ماحضرتك مشيت
- "نزل الخبر زي الصدمه ع مصطفى واتجمد مكانه" نعم!!!! اخدوها !!اخدوها ازاي ..يعني اييه ..طب ..طب ونتو ازاي تدوهالهم كده ..اي يأكد انهم اهلها فعلا
-حضرتك اثباتات الشخصيه والبطايق وشهاده ميلاد الانسه ..ده غير ان هي نفسها فاقت واتعرفت عليهم واحد واحد
-طيب شكرا
وخرج م المستشفى وهو ف قمه عصبيته ركب العربيه وساق بسرعه جنونيه وعمال يفكر
"اييه دده ...كانت فاقت خلاص وهعرف هي مين ...اهلها اخدوها ازاي ...هو الشغل الزفت ده ياريتني مارحت .. بقالي يومين جمبها عشان اطمن عليها واعرف هي مين وف الاخررر ..(وضرب العربيه ب ايده بعصبيه) "
سما خليل
راح للمكان الي بيقعد فيه مع سيد ولقاه هناك وهدوء الليل مغطي المكان
-مصطفى ..إإزيك
-انا كويس ياسيد انت عامل اي
-اأ الحم د لله ....ان انت مجتش ليه من من زمان
-انا اسف ياسيد كنت مشغول شويه
-شك شكلك متدايق .
- انا ...وبدأ يظهر عليه ملامح الحزن والعصبيه ...لا خالص ..هتدايق ليه مثلا ...عشان ماليش حد ف الدنيا ولا عشان معنديش حد يخاف عليا ويحبني ولا عشان هعيش وحيد واموت وحيد ولا عشان شغلي الي بكرهه ومغصوب عليه (ومع كل جمله صوته بيعلى ) ولا عشان كل ما الاقي حاجه احبها تروح منى ..مكتوب عليا افضل عايش ف سواد لحد ما اموت ..هتدايق لييه ...كنت خلاص هعرف هي مين ورااحت
صوته علي جامد وزعق وبص للسما "يااااااارب ....انا تعبتت .. *انا عايزز افرح سنه واحده من عمرى حتى بدل ما هو بيتعد ويمر ع الفااااضي..يارب انت سامعني ..سنه واااحده يااارب* وبدأت دموعه تنزل وسيد حضنه وقعد يواسيه وفضلو ساعات قاعدين مع بعض لحد ما مصطفى قام ركب عربيته وروح ع البيت
...سما خليل
وهو داخل العماره لمح ع الكنبه الي بيقعد عليها البواب كتاب ..
"انا شوفت الكتاب ده فين قبل كده ...اخده وفتحه
ده .. "بلهفه "ده الكتاب الي كان معاها ..اه الي كان مكتوب عليه العنوان
اخده وطلع الشقه
وبدأ يقلب ف الكتاب عشان يعرف اي معلومه عنها .وقرا الاسم ع الكتاب
- بتفكير"مريم حسين !.....انا عارف الاسم ده ...مريم ...مريم ...وفجأه عينه برقت وبدأ نفسه يتسارع ..معقول!!! معقول تبقى هي !!..انا لازم الاقيها ..لازم الاقيها واعرف هي مين
#حب_مظلم
#سما_خليل