حُب مُظلِم

زواج❤

وصلو للبيت ...
مصطفى- وصلناا
- طب يلا انزل
-انزل فين
- انزل نتغدى سوا
- لالا انا هروح
" وجه صوت من فجأه من شباك العربيه "
-تروح مين ياشبح ماتنزل حد قالك ان احنا بخلاااا
مريم-يخربيييتك ...خضيتينا ياساره الزفت
- حمدالله ع سلامتك ياقمرر 😂الف بعد الشر ...
-هه خفه .."نزلت مريم وقالت" انا طالعه لماما بقا
ساره - هتلاقيها ف المطبخ
"مشيت مريم "
مصطفى- عمى حسين فين
-فوق مستنيك
- كويس اوى ..انا عايز اتكلم معاه اصلا
-في ايه كده مالك 🙄
- اقولك وقوليلي رأيك
- خلص قلقتني
- عايز اكتب الكتاب
-حلو اوى قرار كوي...اييييه
ليه بدرى كده ..اشمعنا يعني
- يبت اهددى وطى صوتك
- "بهمس" ليه بدرى كده ..اشمعنا يعنى ..ها
- تعالى هقولك واحنا طالعين
- يلا
"قفل العربيه ونزل وطلع هو وساره
-دلوقتي مش فتره الخطوبه دي اتعملت عشان نتأكد من مشاعرنا !
-اه
- وانا متأكد من مشاعرى يستي ..وبيتهيألي مريم بتحبني زي مانا بحبها
-اه
- انا مشعارف اكلمها ولا اخرج معاها
-اه
- وكانت بتعيط النهارده وانا مشعارف اهديها
-اه
- وانا فكرت ف الموضوع لقيت الانسب اننا نتجوز دلوقتي ع الاقل يبقي البيت قريب م الجامعه بدل المشوار الي كل يوم يتعبها ده ...ايه رأيك
-اه
-اه ايه !!..ماتفوقى يبنتي
- تفكير سليم 🤔
- طب تفتكرى رد فعل عمى هيبقى ايه
- هيستغرب ...ممكن يرفض ..احتمال يوافق ..جايز يطردك ...
- يشيخه
- جرب يعم
- انتى مالكيش فايده اصلا
- 😏 طبعااا ...اومااال
......
دخلو البيت ..فى ترحيب من وفاء وحسين اتغدو سوا وتمام وبعدين مصطفى قال ل حسين انه عايزه ف موضوع ف اخده للريسبشن عشان يتكلمو ...قاله انه عايز يكتب الكتاب وقال الاسباب ووجهه نظره ...وسكت عشان يسمع رأي حمااه ..لقيه ساكت
-عمى
-ايوه
-حضرتك ساكت ليه ..
- يعني .. بفكر بستوعب الى قولته
- كلامى فيه حاجه غلط!
- مريم تعرف الكلام ده !!؟
- لا ..مريم متعرفش ...انا قولت اكلم حضرتك الاول وحضرتك تبقى تكلمها
- "بتفكير " تمام
- طب حضرتك مقولتليش رأيك لحد دلوقتى
- والله انا معنديش سبب يمنع ..بس مش شايف انك كده بتستعجل !؟
-مانا قولت لحضرتك الاسباب
- هعرض ع مريم الموضوع ..ف الاول والاخر القرار يرجعلها
- طيب ياعمى ..انا متشكر جدا ..استأذن انا
- اذنك معاك يبني ..شرفتنا
...سلم ع مريم ومامتها وباباها ومشي
...
بعدها ب مده ....
حسين-مريم تعالي انا عايزك ف كلمتين
-حاضر يبابا جايه
...خير يبابا
- مصطفى عايز يكتب الكتاب والفرح يبقي بعد اسبوعين
-... " مفيش اي تعبير ع وشها"
- انتى كنتى تعرفى !؟
- لا
- طب ايه رأيك
- الى تشوفه صح يبابا
- حابب اسمع رأيك يامريم
- انا موافقه
-"بتنهيده" ....ليه
-" استغربت " ايه الى ليه
-ليه موافقه ع قرار سريع كده ..ده مش تفكريك يامريم
- " غمضت عيونها ووشها ف الارض وقالت بصوت مكتوم " بحبه
- "سكت شويه"والحب يخليكي تاخدى قرار انتى مش ضمناه !
- بابا ...انا هقولك ..
"مريم حكت لباباها كل حاااجه من اول ماعرفت مصطفى ف الجروب ولما ماحلمت بعنوانه ولحد خطوبتهم .... وباباها ساكت وبيسمع ب اهتمام'"....
انت مصدقنى!!؟
-طبعا
- الى خلانى وافقت حجات كتير ...انا مشفاهمه موضوع الحلم ده لحد دلوقتي ...انا معرفش ليه اتجمعنا منغير حتى ما انا احاول ..بابا اكيد دى اراده ربنا ..صح؟
-صح
- ...
- "ابتسم بهدوء " ربنا يسعدكم