حُب مُظلِم

عوده للماضي💛

فضل ساعتين قاعد خايف لحد ما الدكتور خرجله ..
:سما خليل:
قام بلهفه
-طمني يادكتور
-خير باذن الله ..هي الخبطه كانت جامدة شويه ده السبب ف النزيف احنا الحمد لله قدرنا نوقفه ونسيطر عليه وفي كمان كسر بسيط ف عظمه الايد اليمين ...احنا اديناها حقنه منوم وهتفضل ف العنايه المركزه لحد ماتفوق
-يعني ممكن تفوق امتى
-هي احتمال تبقى تجاوزت مرحله الخطر بالكتير هتفوق وتقدر تتكلم بعد يومين
-ماشي شكرا يادكتور
-بعد اذنك
....نزل للحسابات ودفع تكلفه العمليه والادويه وكل حاجه وبعدين افتكر انه مش هيعرف يقعد معاها ..بس كمان هي لوحدها مش معاها اي حد ...بص ع هدومه لقيها كلها دم ..فقرر يروح ويغير هدومه ويرجع لها بسرعه
:سما خليل:
.........في سكن الطالبات
اروى - استر يارب ...مريم اتأخرت اوى الساعه 5المغرب
واخر محاضره عندها الساعه 12 ...ياترى هي فين "رنت عليها لقيت موبايلها بيرن ف البيت" ....اووف يخربيت كدده 🤦‍♀️...
وفجأه تلفون اروى رن
-الو
-ايوه يماما نعم
-اروى عايزاكي تنزلي البلد بسرعه ..جدك تعبان جدا وطالب يشوفك
-ايه!!...طيب طيب يماما انا هاجي دلوقتي "ولبست بسرعه ونزلت ع الشرقيه "
.................سما خليل
مصطفي روّح غيّر هدومه بسرعه وراح للمستشفى تاني وفضل بايت جمب مريم طول الليل بيفكر فيها وبيحاول يخمن هي مين ...."حاسس ان اعرفك ..بس عمرى ماشوفتك ..انا خايف عليكي بس قلقان منك ...فوقي ارجوكي ...طلعيني من حيرتي"
.....وف بيت مريم ...
كانو ساره ومامتها وباباها قاعدين بيتعشو...وبعدين مامتها قالت
-مريم متصلتش النهارده خالص ...هاتي ياساره التلفون اتصل بيها
-بلاش يماما
-بلاش !! هو اي الي بلاش..بلاش ليه
-انا كلمتها امبارح ..واشتكتلي من الموضوع ده ..كتر اتصالات حضرتك مديقاها وخصوصا ان امتحاناتها قربت ومشغوله ...هي لما تبقى فاضيه هتكلمنا ..ومتخافيش عليها مريم مش عيله صغيره
-والله!!..
حسين-خلاص ياوفاء سيبيها براحتها ..مش هيجرا حاجه لو سبناها يومين
-"قالت بجزع"طيب ماشي ..براحتها
.......
تاني يوم ف المستشفي مصطفي صحي وقام جاب كوبايه قهوه وشربها واتصل ع بكر
-الو
-نعم
-انا مش جاي الشغل اليومين الجايين ..
-يعني اي مش جاي الشغل
-يعني اجازه
-طيب يامصطفى بيه ...بس اعمل حسابك هما يومين بالظبط عشان اليوم الي بعدهم هيبقي معادنا نقابل الراجل عشان الصفقه الجديده ...يومين بالظبط .. يومين ودقيقه صدقني هتزعل منى جامد
-... "مصطفي قفل الخط ف وش بكر"
-يحيواان
....
-استاذ مصطفى
-ايوه يادكتور
-المدام تجاوزت مرحله الخطر بشكل كامل وهننقلها دلوقتي ف اوضه عاديه
-طب كويس جدا ..عال
بس حضرتك اسف يعني هي مش المدام ...هي بنت عملت حادثه اتخبطت ف الطريق
-حضرتك الي خبطتها؟
-لا ...حد تاني بس انا الحقيقه ماخدتش بالي منه
-ممم ...مفيش مشاكل ..طب هي تقربلك او معرفه او جيران
-لا ...انا معرفهاش
-غريبه ..اومال حضرتك الي دفعت الحساب وبايت هنا مع انك متعرفهاش
-احم ..اه ..بس تقدر تقول يعني فعل خير ..
-تمام يا استاذ مصطفى احنا نقلناها ف اوضه 402 وتقدر تطمن عليها :سما خليل:
'-متشكر يا دكتور
...نزل مصطفي ودخل الاوضه كانت نايمه شبه الملاك .. هاديه جدا وباين ع ملامحها التعب ..شكلها مجهده وتعبانه م الادويه وكميه الدم الي نزفتها ..جاب كرسي وفضل قاعد جمبها وباصص لها وسرحان وساكت ... ومسك ايدها وفضل كده لحد مانام ...
وفجأه سمع صوت القصايد بتاعت مريم ف ودنه ف قام مخضوض ...بص حواليه ملقاش حد .بص لمريم وفضل ساكت مخضوض وبيفكر ..(ايه ده ...انا ليه سمعت الصوت ده دلوقتى ..انا بقالي اكتر من سنتين مبسمعش االقصايد دي ) ...استر يارب
#حب_مظلم
#سما_خليل