(عطر الوادي)..

Part 1

اجيتكم اليوم بقصة مختلفة قصه (عطر الوادي)..

#الكاتبة_نمارق_الاسدي

#الكاتبة_N

يا بنت الوادي🏞
يا عطر بلادي🇮🇶
جنت ضايع بلا طريق😓
ومن عرفتج عرفت شنو يعني طريق و غاية❤
صح تعارفنا جان تحت إطلاق النار
كل واحد بينا مليان خوف و رعب
بس ما أعرف منو جان الأمل أنتي
لو أني❤❤❤❤
سميتج عطر لأن بيج تنعطرت حياتي
كلمة أحبج قليلة ما توفي عشقي
الج يا عطر الوادي❤....

_____________________________

Part 1

....اليوم عدنا عيد نسمي عيد (رۆژيێت ئيزي) اسم هذا العيد يعتمد على لغتنا الاصليه...

خلي اعرفكم على نفسي وعلى ديانتي لان هسه اغلبكم مسامعين بهيج عيد... اني اسمي اجاندا من عائلة ايزيديه من قريه كوچو بوادي سنجار غرب محافظة نينوى...

احنا من طبقة المريده بمجتمعنا ههههه لان احنا عايشين ببساطه و اقل شيء بمجتمعنا و دائما يكدرون ياذونا إلنا...

الأغلبية الي ويانا بالقريه ايزيدين مثلنا.. احنا ناس بسطاء و اكو بينا تراحم و محمبه وتسامح بينا و واحد يحب الثاني...

عائلتي متكونه من امي و ابويه و عندي اخو واحد معندي خوات عندي صديقتي بنت جيرانه اني وياها مو بس صديقات لا خوات....

هذا العيد يصير عدنا بعد صيام ثلاثة أيام عن كل ملذات الحياة.. وهذا الشيء عدنا من أجدادنا القدماء جانوا يصومون قربان إلى الله تعالى... حاليا احنا بشر ١٢..

هذا اول عيد الي و اني مخطوبه لابن عمي عايش ويانا من الصغر لان اهله ماتوا بحادث.. لذلك عاش ويانا..

طبعا علاقتي بابن عمي جدا عادية لكن ابويه من كثر حبه لابن عمي زوجه الي.. ابدا مكنت راسمه هاي الحياة ببالي ويه ابن عمي..

كان يعجبني اعيش قصه حب و ازوج عن حب.. لكن ابن عمي ما اكدر اكون اله اي حب لان اعتبره مثل اخويه ربينه سويه..

هو يشتغل بقوات البيشمركة الكردية... وكان كل نزله اله يجي بيها النا يجيبلي هديه و اني افرح بيها و عادي عندي.. بس مكنت اكدر اعتبره حبيب او زوج...

اما امي كانت كلش تحبني و كانت تكلي اذا متردي لابن عمج عادي نفركش كلشي.. بس اني مكنت اكدر اكسر كلمة بابا لان احب أبويه كلش..

بعد ما طلعنا و تعايدنا بينا احنا الجيران.. رجعنا للبيت و حضرنه الغده اجه ابن عمي من الدوام مالته اجازه...

سلم على الكل و اجه عليه دائماً من يشوفني يقبلني من راسي و ينطيني الهديه حتى لو كانت فقط حلويات...

هلمره كان جايبلي مداليه ذهب على شكل طاووس ملك... بدأنا بالغده و سوالف منا و هو سوالف على الدوام مالته..