(عطر الوادي)..

Part 19

ورجعت الكم بقصة (عطر الوادي)..

#الكاتبة_نمارق_الاسدي

#الكاتبة_N

انت الاول و الأخير..😍🥰
و سلاماً على كل عابر..❤️🌹✨

#مقتبس✨
__________________________________

Part 19

أمجد....

تفاجئت من اختارت هيج اسم و فجأة اتذكرت كل احلامي اذا يعني هذه هي المقصوده هي هذه فاطمه..

امجد: اجاندا ليش سميتي روحج هذا الاسم..

اجاندا: هاا لان هذا الاسم دخل قلبي..

أمجد: اي بس شنو السبب الي خلاج تختاري؟؟..

اجاندا: الصراحة كلش حبيت قصه فاطمه الزهراء هي و أمير المؤمنين و اتاثرت بقصتها و شلون استشهدت لذلك حبيت انو اخليها قدوه الي و اختاريت هذا الاسم..

امجد.. هي دتحجي و اني اقشعر بدني: الله يبارك بيج و يسترج بسترها..

خلصنا عقد اخذتها و وكفنها كبال امير المؤمنين و حطيت الحلقة باصبعها وكلت الها..

امجد: اجاندا او فاطمه احلى اني اوعدج و هذا امير المؤمنين شاهد على وعدي انو كل يوم رح اراويج حبي اكثر من اليوم الي قبله و ان شاء الله اكدر اعوضج عن حنان و الدج و اخوج الله يرحمهم بس ولو همه حنانهم ميتعوض بس احاول انو اعوضج و اوعدج انو رح اكون الج سند و حمايه..

اجاندا.. بابتسامة: الله يحفظك الي و يخليك الي يا عامود بيتي و تاج راسي و ربي يحميك من كل شر..

امجد.. تقدمت و بستها براسها: و يحفظج الي يا ام بيتي ههههه..

اجاندا.. دمعت عيوني و ضحكت وياه: خوش خمطتها مني..

امجد: ههههه يله امشينا..

رجعنا للسياره و اخذتها لمطعم حلو و مرتب بمناسبه عقد قرانا. دخلنا للمطعم و طلبنا الاكل ما اتاخروا ماعدهم زبائن هواي جابولنا الاكل.. احنا و دناكل سئلتني اجاندا...

اجاندا: امجد شوكت ناوي تعرفني على اهلك يعني اقصد والدك و والدتك...

امجد...مادري ليش من جابت سيرتهم ضجت او بالأحرى خفت من ردت فعلهم: شوكت ميعجبج..

اجاندا: ميصير احنا هيج وحدنا عقدنا حتى بدون علم سهير و مصطفى..

امجد: اي صح من الفرحه كلت اخاف ارجعها هنوب حتى عقد تتاخر بي..

اجاندا: ههههه بس والله كنت محتاجه وقت..

امجد: هههه اعرف بس اني هم حقي.. اكلج صدك حضرتج اليوم طالعه مكياج و كعب شسالفة وين رايحه اني كلت هسه المفتشات يلعبن لعب بيها تاليها طلعتي نفسج شنو كلتي الهن..