(عطر الوادي)..

Part 13

ورجعت الكم بقصة (عطر الوادي)..

#الكاتبة_نمارق_الاسدي

#الكاتبة_N

قد ذهب كل شيء في لمح البصر..
اصبحا لا شيء..

_____________________________

Part 13

بدات عندي حياه جديده مختلفه عن حياتي السابقة.. و اول شيء سويته رحت و سئلت المسؤلين عن المخيمات عن امي.. و اتفقت وياهم يشوفولي اسمها بكل المخيمات..لكن ما لكيت اي اثر الها... كأنما الكاع انشكت و بلعتها..

ضليت تايهه بالمخيمات و الوضعية الي بيها تصعب على الكافر الناس ميته جوع.. و اذا اجه اكل كلها تتعارك عليه و زين لو حصلت من التوزيع خبزايه و الماي وصخ و المكان اصلا وصخ و برد و الخيم كومة عوائل بيها و مرض و ناس كومة ماتت بسبب هذا الوضعية..

لحد ما يوم سمعت اسمي على لسان مراه دصيحلي قلبي كام يدك سريع عبالي امي فرحت و دموعي كامت تنزل..

لكن درت وجهي وانصدمت طلعت مو امي لا هذه خاله ام ميساء ايي ام صديقتي ميساء الي الشياطين اخذتني اني وياها..

رحت عليها بكل لهفه بيها من ريحه امي و حظنتها.. و بجيت بصدرها.. ضلت هي خطيه تمسد على راسي..

اجاندا: شونكم خاله كلش مشتاقتلكم شخباركم دا ادور ع أمي ماكو.....
و بتردد مني سئلتها عن ميساء....
خالة ميساء وينها؟؟؟

ام ميساء.. دتمسح بدموعها و دموعي : ميساء يمنا ويانا....

اجاندا: صدوك خالة كلش فرحت وينها....

ام ميساء: تعالي ويايه للخيمه مالتنا هي هنا.....

اجاندا... اخذتني بالخيمه مالتهم و لكن اصدمت من لكيت ميساء كاعده و حاطه ايدها على خدها من الفرحه مالتي بيها رحت عليها ركض و حظنتها و اني ابجي وهي تبجي..

ميساء: ولج عبالي تفجرتي..

اجاندا: لا ربج يحبني ولج نقذوني الجيش العراقي..

ميساء: الف الحمد لله لان نقذوج الجيش العراقي... ورجعت تبجي..

اجاندا: ميوس انتي منو نقذج من عدهم..

ميساء.. و دتبجي: بابا اشتراني منهم اهئ اهئ..

اجاندا: شلون..

ميساء: باعي انتي جان مغمى عليج بوقتها ماما وبابا واخويه و اختي لحكوا يشردون لكن اني عثرت و وكعت هذولك الشياطين اخذوني وياهم..و بعد ما كاموا يبيعون بيه اهئ اهئ اهئ.. و انتي عفتيني ورحتي فجأة كالولي بعناج لواحد.. طلع بابا مدور عليه لمن كايل بس و متوصل لواحد من الامراء مالتهم و مشتريني منه.. اهئ اهئ.. صديقتج انتهت يا اجاندا...

اجاندا..انقهرت عليها و كمت ابجي وياها خاله ام ميساء جابت غراضي علمود ابقى يمهم بالخيمه مالتهم..