(عطر الوادي)..

Part 14

ورجعت الكم بقصة (عطر الوادي)..

#الكاتبة_نمارق_الاسدي

#الكاتبة_N

نبضات قلبي بدأت بخفقانها..🌹✨
عندما شاهدتك اول مره..✨❤️

____________________________________

Part 14

رجف قلبي قبل اذني عندما نطق لسانك اسمي.. ❤️
ماذا فعلت بي يا منقذي؟؟؟.. 🌹✨
.
.
رجعت للخيمه و اليأس ما خذني واسحل يروحي سحل... ما اسمع الا صوت ورايه يصيح اجااااندااا.. قلبي كام يدك سريع و انفاسي تصعد وتنزل و جسمي ينفض..

درت وجهي و التفتتت اييي هو نفسه امجد بس لحيته اخف من ما جنى سويه.. و جسمه صاير اضخم.. مادري قلبي يدك سريع و دموعي تنزل كأنما جنت فاقده احد وهسه رجع الي...

امجد: اجاانداا هم زين لحكت عليج.. ليش ما قبلتي تجين ويه الولد؟؟..

اجاندا: على اي اساس اجي وياه..

امجد: على اساس انو اني طلبت انو تجين وياه بالإضافة إلى انو دزيت شيء يثبت انو هو من طرفي..

اجاندا: امجد ما اكدر بعد ابقى هنا..

امجد: اجاندا لترحين حبابه اذا مو علمود احد فعلمود وطنج معقوله بهسهوله تعوفي؟؟..

اجاندا.. بدموع: الوطن هو الي ما رادني من يوم الي اخذ بي عائلتي واحد واحد..

امجد: اذا الوطن الجبير ما رعاج وحماج اكو وطن اصغر منه مكانج بي يحميج لترحين..

اجاندا.. عاينت عليه و نبضات قلبي تسرع: شنو قصدك؟؟..

امجد.. دا اريد اجاوبها بس ادخل رجال مو كلش كبير بالعمر بس الشيب تارس راسه.. حجه ويايه..

ابو ميساء: خير ابني شبيك ويه البنيه ترى هذه امانه بركبتي..

امجد: ادري عمي بس اني اريد اخذها ويايه لتسافر اني احميها واخليها على راسي..

ابو ميساء: شوف ابني هذا الشيء راجع الها بالإضافة إلى انو انت من غير محافظة و اعتقد فهمت قصدي..

امجد.. عرفت هذا الرجال قصده على فرق الأديان الي بينا.. سكتت مكدرت احجي شيء جانت هي تعاين بعيوني و كالت..

اجاندا: عمو ابو ميساء ممكن احجي شويه وياه وحدنا..

ابو ميساء.. تنهد: براحتج بنتي..

اجاندا.. راح عمو ابو ميساء: امجد ليش تريد تاخذني..

امجد: مو هسه تعرفين كل شيء بوقته حلو.. اجاندا امشي ويايه و والله اذا ما عجبتج العيشة يمنا اني بأيدي اسجل الج على لجوء و اسفرج يم اهل ميساء..

اجاندا.. لكيت بعيونه صدق بكلامه بس عقلي رافض هذا الشيء و يكلي الوطن الي باعج مره يبيعج الف مره : امجد