(عطر الوادي)..

Part 20

ورجعت الكم بقصة (عطر الوادي)..

#الكاتبة_نمارق_الاسدي

#الكاتبة_N

انت فرحتي و كل عمري..🌹
نذرت لك باقي حياتي...❤️
و سنبقى معاً حتى الاجل..😍

_____________________________________

Part 20

الوو هاا يابه اييي حظرتهن و اتصلت بالولد بعد شويه يدزون الكراسي للبيت..

....

اكلك يابه حجيت ويه امي لو لا ترى ميصير هيج..

....

خوش هاهي اني هسه جاي للبيت و اتفاهم وياها لان اليوم ثلاثاء ما بقى شيء على العرس...

.....

يله مع السلامه بويه...

غلقت التليفون ويه ابويه و ما اعرف شلون اتصرف ويه امي مهما يكون تبقى امي.. معاجبتها هذه الزواجه و مراضيه عليه و حتى العرس متريد تحضره مدري شبيها ويه فاطمه (اجاندا)..وحتى من حجيت وياها مفاد هلكد حاولت هم متقبل...

قررت انو اني هذه احر مره بعد احجي بيها وياها تريد تحضر العرس أهلا بيها متريد اني هيج هيج رح ازوج و بيتنا رح يكون العرس..

وصلت للبيت صعدت لغرفتي سبحت و طلعت من الحمام وصل اشعار رسالة لفوني رحت فتحتها لكيتها من فاطمه (اجاندا)...

(( امجد حبيبي اريد احضر الحنه مالتك))..

ضحكت عليها.. (( يعني بله شلون تردين تحضريها))..

اجاندا (( عادي اجي يمكم هم حنتي تصير يمكم وهم اشوف حنتك و هاااا بعدين ابات بيت سهير علمود من بيت سهير طلعني على اعتبار من بيت اخويه تاخذني ههههه))..

امجد((ترى مصختوها انتي و مصطفى بابا هو مو اخوج))..

اجاندا ((ههههههه ميخالف بس بمقام اخويه))..

امجد((والله هذه بس لخاطر اختي لو ما سهير جان من زمان اطيره))..

اجاندا((على كيفك حبيبي يله هاهي سهو كامت ترزل بيه بااي))..

امجد.. دزيت الها قلب و بدلت ونزلت جوى بدات هلاهل خالتي و عماتي.. سئلتهم على امي كالن بغرفتها رحت الها للغرفة جانت كاعده على السجاده و تسبح..

اجيت يمها: تقبل الله.. وبست ايدها

ام أمجد: منا ومنكم...

امجد: يمه ليش كلتي لابويه ما احضر العرس..

ام امجد: امجد لتاذيني فوك ما اني متاذيه..

أمجد: اسم الله عليج من الاذيه انتي تقبلين ابنج بيوم عرسه و الله ميوفقه لان امه مراضيه على عرسه.. خو خليني اتزوجها دا اكلج هذا رادها (اشر على قلبه)..