(عطر الوادي)..

Part 11

ورجعت الكم بقصة (عطر الوادي)..

#الكاتبة_نمارق_الاسدي

#الكاتبة_N

عرفت السعادة من حبك.. 🌹❤️✨

_________________________________

Part 11

وصلنا لبيتنا اني ومصطفى مصدومين و بنفس الوقت فرحانين لان أمجد ما مصورين انو هو بعده عايش جانت امي تكلي عايش بس اني ما اصدكها بس هسه بعد شنو تكول امي اصدك...

سهير: مصطفى اني لحد هسه ما مصدكه انو امجد عايش...دمعت عيوني..

مصطفى: لا حبيبتي صدكي و الف الحمد لله وشكر انو رجع سالم النا..

سهير: الحمدلله الف الحمدلله..

مصطفى: يله حبيبتي كومي حضريلنا العشاء..

سهير.. كمت حضرت العشاء و اني من الصدمه مال امجد مكدرت اكل شيء..

كعدت الصبح مفزوعه كعدت ويايه مصطفى..

سهير: مصطفى حبيبي مصطفى كوم يله خل نروح نتريك ويه امجد..

مصطفى: مرح يطير بس خل اكمل نومتي..

سهير: ما ما هسة تكوم..

مصطفى: كمت كمت..

سهير... كمنا بدلنا و طلعنا لبيت اهلي مشي لان قريب علينا.. فتحت باب سلايد و دخلنا اني و مصطفى من المطبخ شفته كاعد بصف امي و خطيه امي تبوس جتفه.. و هو يبوس راسها منظرهم يقشعر اله البدن.. من يمي دمعت عيني..

طبيت و سلمت عليهم امي حجت عليه لان اجيت بصباحيه عرسي.. اني غلست لان صدك اشتاقيت لامجد مع العلم علاقتي مو قويه بي..

وصلت يمه و هو حضني وطكيتها ببجيه.. و صار كلام هو و مصطفى..

امجد: ولك مصطفى من اولها اختي تبجي من وراك..

مصطفى: يابه شمسويلها اني اشو كومتني من الصبح علمودك..

امجد: ههههه دير بالك عليها ترى هذه مو بس اختي هذه بنتي هم..

سهير: لا حباب مصطفى بس اني اشتاقيت الك و ايست انو اشوفك بعد..

امجد: الحمدلله هذه كلها دعوات امي الي و دعواتكم هم..

سهير.. مصطفى : الحمدلله..

سهير... جنى كاعدين و دنسولف دخلت علينا اختي هي و زعاطيطها و عود باركتلي و اعتذرت لان عود علمود امجد مستشهد مارادت تجي لعرسي..

اني هم مشيتها الها.. سئلت امي على سجى لان بقى بالي يمها و اعرف هي هسة شبيها بس كالت رجعت للبيت ويه امها مقبلت تبات..

حضرنا الغداء و كعدنا نتغدا جان اختي سئلت امجد..

رسل: صدك امجد انت كل هاي الفتره وين جنت..