(عطر الوادي)..

Part 16

ورجعت الكم بقصة (عطر الوادي)..

#الكاتبة_نمارق_الاسدي

#الكاتبة_N

هناك دوماً يوجد لنا طرق أخرى..🌹✨
من المحتمل ان تلك الطرق هي التي ستجعل حياتنا مختلفة.. ❤️✨

___________________________________

Part 16

اجاندا: امجد وين رح نروح؟؟..

امجد: رح نروح للزيارة..

اجاندا: زيارة منو؟؟..

امجد: زيارة امام ولي من الله..

اجاندا: اممممم..

امجد.... هذه اول خطوة الي رح اوديها تزور الإمام علي عليه السلام.. صح هي فكره مصطفى بس اني عبجتني كالي ابدا وياها شويه شويه رح تحب الدين كله و اني هم هيج رح اسوي.. اريد افتح الها باب جديدة اني متاكد هذه الباب رح تكون غير شكل عليها و رح تغيرها هوااي لاجاندا.. لان هذه البنيه نقيه و ماعدها تصرفات مو حلوه...

وصلنا للزيارة و اتفقت ويه مراة تزورها و تجيبها الي بمكان اتفقنا اني وياها عليه و لحد ما يخلصون زيارة..

دخلت للامام و اني احاجي بداخلي بان الله يسهل الي و يهديها الها علمود منتعب و تكون هي من نصيبي لان اجاندا بنت عمري و حياتي ما رح الكى مثلها و مثل طيبتها..

خلصت الزيارة و دعيت الامي انو ترجع صحتها مثل الاول و احسن و دعيت لسهير انو الله يرزقها الذريه الصالحه و يوفقها هي و مصطفى لان اثنينهم يستاهلون كل خير..

طلعت بالموعد الي تفقت بي ويه هذه المرأة الي تزور اجاندا بس ماهمه انتظرت و بعدهن ماكو تقريباً بالربع ساعه اني انتظرهن و ماكو كلش عصبت و خفت لا اجاندا صاير بيها شي مادري..

شويه و اجتي هي و المرأة بس هي جان وجها احمر مبين باجيه..

امجد: ليش اتاخرتوا؟؟؟..

المرأة: خويه جان ازدحام و البنيه متعرف اصَل الزيارة علمتها واتاخرنا اعتذر منك..

امجد: لا عادي مصار شيء بس خفت عليها..

المرأة: حقك يمه تخاف عليها.. يله هذه امانتك اني بعد اروح..

امجد: الله وياج حجيه..

المرأة: شكراً خويه..

امجد.. عافتنا المرأة وراحت درت وجهي على اجاندا : هااا شونها الزيارة.. وليش هيج وجهج احمر شدعوه هوااي باجيه..

اجاندا... اول مره بحياتي اجي لهيج مكان صارت رهبه بداخلي من دخلت لمكان مثل القبر ومحاوطي بشباك... المرأة الي ويايه اخذتني لهذا الشباك و النسوان كلها تبجي و تصيح دخيلك يا امير المؤمنين من سمعت هذه الكلمات مادري ليش من وحدها دموعي بدات تنزل و المرأة الي ويايه تكلي ادعي لاحبابج هذا ابو اليتمى و انتي هم يتيمه ادعي الله و هو يفرجون همج..