(عطر الوادي)..

Part 9

ورجعت الكم بقصة (عطر الوادي)..

#الكاتبة_نمارق_الاسدي

#الكاتبة_N

قافلة احلامي شربت من بئر حبك...❤️
وتغلغل العشق بين نياط قلبي... ✨
وعندما تركتني رياح هواكِ اصبحت ارض قاحله وعطشى..🌹

__________________________________

سئل الإمام علي عليه السلام.. (ماهي اصعب انواع الفراق؟).. قال(فراق الاحبه)..

Part 9

اجاندا....

اصعب موقف على الإنسان من يشوف اهله صايرين رماد.. المنظر الي شفت بي ابويه و اخويه و ابن عمي عمري كله يمكن ما انساه..

حقدت على الكل بهذاك الوقت وحقدت حتى على نفسي شلون عفتهم و خليتهم يموتون.. كرهت انو اني بهيج دولة تعوف مواطنيها بايدي قتله..

حسيت رجفه بجسمي صارت من شفتهم صايرين رماد اسود مفحمين من الحرق.. حسيت نفسي اريد اعيط الشيء الي جنت كابته بداخلي من شفتهم حسبته يريد يطلع...

صحت بصوت ما همني اي احد اصلا اتمنين اكو واحد من الشياطين يجي و يقتلني و يخلصني من هذه الحياة السخيفة...

لكن اجاني أمجد الي سميه ملاذي الامن الي حسيت وياه احساس عمري محسيته ويه احد.. بكل قوتي رحت عليه و غطيت نفسي بصدره عسى ولعل يخفيني من المنظر الي شفته...

اخذني الحظنه مصارت عندي طاقه اضل واكفه اكثر و رجلي خانتني و ردت اوكع.. بس جان هو لازمني بحيث وكعنا سويه..

ضليت ابجي طلعت كل قهري من اول ما دخلوا علينا لحد هسة... حسبت مثل الطابوقه الي انشالت من على صدري بعد ما بجيت..

مادري لشوكت ضليت ابجي بس يمكن لحد ما تعبت... ضل أمجد لازمني يخاف لا اسوي شيء..

حسيت على دموعي تنزل من وحدها.. انتبهت على وضعنا اني و امجد.. ابتعدت عنه شويه و كمت اسولف مادري اذا يفتهم على كلامي لو لا..

اجاندا: ابويه كان مو بس اب الي لا كان صديق كنت كلش احبه و صح مرات يصيح عليه بس لان اني غلطانه او حتى من يحاسبني استاهل لان اني كنت هوااي ما اتصرف مرات بطرق صحيح...

دائما كان يحب يوجهني لطريق الصحيح الي يخليني ما احتاج مساعدة من أحد...

اما اخويه فهذا مو بس اخ حتى سند الي بعد الله.. تشوفه صغير لكن بالحقيقة هو بمئة رجال.. ضحكتنا لعبتنا معاركنا اني وياه... (ببچي)

جنا منفارك رغم فرق بينا ثلاث سنوات بس اني كنت اعتبره هو اكبر مني.. لان كان ينطيني مواعظ و عبر برغم صغر سنه..

اما ابن عمي الي كنت خطيبته و الي مكان باقي على عرسنا غير اشهر لحد ما يترقه برتبته بالجيش بيش مركه..