(عطر الوادي)..

Part 17

ورجعت الكم بقصة (عطر الوادي)..

#الكاتبة_نمارق_الاسدي

#الكاتبة_N

اول هزيمة كانت لي..❤️
هي طريقتك و انت تتأملني و تعلمني طريق الصواب..🌹

___________________________________

Part 17

اجاندا: امجد ارجوك كلي احنا وين هذا المكان راحه النفسية الي بي مو طبيعيه...

امجد: ههههههه هذا يكون ابن امير المؤمنين الثاني اكيد جان مكتوب عنه ولو شيء مختصر بكتاب الي دزيته الج..

اجاندا: ايي صحيح جان مكتوب عنه زين هم اكو كتاب عنه خاص لو لا..

امجد: حيللل مو كتاب واحد كوومه كتب عنه اذا تحبين كلهن اجيبهن الج..

اجاندا: اذا موجودات عندك جيبهن كلهن..

امجد: هاهي كلهن اجيبهن الج..

اجاندا... جنت حيل مرتاحه و كأنما هموم الدنيا كلها انزاحت من على صدري.. وراها ضلينا نمشي بمكان مساحته كبيره و يادي إلى نفس المكان الي جنت بي قبل شويه دغيت امجد كتله وين ماخذني مجاوبني اني هم سكتت ما ضليت الح..

هم اتفق ويه مريه تدخلني للمكان و ترجعني اله دخلنا لمكان يفتشون بي النسوان كلتلي المريه الويايه و اسمعهن يكولن انو اكو صلاة و اسمها صلاة العصر وقبل شويه يله خلصوها.. اني مسامعه قبل عن هذه الصلاة بس مره بابا جان يقلب بالتلفزيون و طلعت قناة جان مكتوب بيها صلاة العصر و جانوا يسون مثل الي شفتهم قبل شويه..

طلعنا من التفتيش و دخلنا للمكان حسيت قلبي ارتعد من منظر الناس وشلون يتصافحون سئلت المريه كلت الها ليش هيج ديصافحون و همه كاعدين كالت هذه بعد الصلاة يسالمون بينهم..

وراها هم اخذتني يم مكان يدخلون بي النساء و شفتهم شلون كل وحده تصيح و تكول اريد منك يا ابو راس الحار تحميني و تريح قلبي.. انقهرت عليها وشلون بحرقة قلب تحجي.. كمت اني هم ابجي على بجيها وراها وصلنا يم الشباك خلتني المريه اوصل يمه بحيث حظنت الشباك كالتلي اطلبي مرادج من حامي الخيام..

حسيت روحي بمكان عظيم و كمت ابجي و اطلب من الرب انو يحميني وراها صار عطر عمري و حياتي ما شامه مثله كلت الها خاله دشمين العطر الي دا اشمه اشرت الي براسها بلا و صفنت عليه و كامت هي هم تبجي.. العطر جان دخل للقلب السرور.. وراها اخذتني و راحت جابت كتاب و ضلت تقرأ بي بصوت عالي و اني لا إرادياً لساني يردد وياها..

كمنا طلعنا من مكان النساء و اخذتني المريه وياها ورجعتني لامجد.. كالي ها شلونج هسه.. كتله امجد عمري وحياتي مرح انسى هذا اليوم ابتسم وكال الله يحفظج و مشينا...

امجد كالي اكيد هسه انتي جوعانه كتله ميته جوع و اني مجبت ويايه اكل فاخذني لمطعم و نزل النا اكل.. ضلينا نسولف مواضيع عامه.. و سولفلي من رجع و اهله عبالهم مستشهد انقهرت على امه لان كال جانت متكدر هواي تمشي..