(عطر الوادي)..

Part 8

ورجعت الكم بقصة (عطر الوادي)..

#الكاتبة_نمارق_الاسدي

#الكاتبة_N

احب حديثك معي..✨❤️
حتى عندما ليس لدي كلام..🌹✨
اريد الحديث معك انت..🌹❤️✨

_______________________________

مقتطفات من البارت السابق:

1_ اليوم و صلنا يم نبعه عرفت انو احنا صرنا قريبين على الجبال.. شفتها تاشرلي و تدردم😂.. بس الي فهمته انو هي جوعانه و الاكل الي ويانا خلص..شفت اكو سمك بالماي كلت الها يله خل نصيد سمك و ناكل..

2_ انتبهت عليه وين اباوع خافت هي و صارت ورايه..اجيت دا اريد اشوف منو وجه عليه السلاح طلع احد هذوله القذرين..

3_ اخذنا وربطنا بالشجره واخذنا ملابسه الي لابسهن و اخذنا سلاحه.. حاولنا انو نستجوبه لكن كلشي ما فهمنا عليه لان اصلا مو من هنا لغته غير عن لغتنا..

4_ رجلي بدأت تتحسن.. بس قلبي اول مره ينبض بهيج طريقة ما اعرف شون اوصفها بس حسيت انو هذه البنيه اني وياها غير شكل..

5_ اجاندا... مشاعري احسها صارت اله و تحاول تتودد اله كمت اتعلم منه كلمات بس مع ذلك ما احجي هواي و خصوصاً من بدأ يحجي على اهله و سولفلي عنهم هم..

6_ أمجد: شنو معناه هذا الطاووس لو هديه من حبيبج؟؟..

7_ سجى.. واحس عيني متشوف زين و نفسي ضاق عليه..فتحت عيني من ظلامي لكيت الكل واكف على راسي و اكو شاب يعاين عليه بقلق..

8_ شفته بالمرايه مال السيارة يعاين عليه ضجت من تصرفه.. وره شويه وكف السيارة يم محل مال عصائر توسل بينا علمود ننزل..

9_ سجى.. نرفزني: اعتقد هذا شيء خاص بيه.. ويله جلنار امشي خل نروح و شكرا على التوصيله و العصير..عفنا واخذنا تكسي و رجعنا لبيوتنا..

10_ مصطفى... علاقتي بسهير صارت قويه بعد ما خطبنا و اتفقنا هم انو بهذه الفتره احضر بيت قريب على بيت أهلها علمود براحتنا.. وكمت اخذها ونروح نجهز الغراض..

___________________________________

Part 8

لحد هسه اني معرفتكم على نفسي.. اني سهير اخت امجد.. اكيد اغلبكم رح يكلون سهير القاسية الي ما تأذت على اخوها و مشت حياتها طبيعي و رح تتزوج..

اني مجنت كبيره من استشهدوا اخوتي الكبار.. بس جنت اشوف معاناة امي.. و بجيها على اخوتي الي استشهدوا..

جنت حيل انقهر عليها و دائما ادعيلها الله يفرح قلبها بامجد.. و ما اتقربت من امجد خفت عليه مادري ليش افكر.. بس اي خفت عليه و عليه اني..

ما اريد ااذي نفسي بفراكه.. لكن للأسف اخذته من عدنا.. ما اكول الكم انو اني ما انقهرت عليه و لا بجيت.. لا مهما يكون يبقى اخويه و الظفر ميطلع من اللحم..